1.02.2008

前望...




小時侯,媽媽愛聽除小鳳,我當時當然覺得聽佢好leung,但潛移默化,其實她的歌曲一直已暗藏我心裡,而當中最記得是「吹呀吹~~」 的「風的季節」,但其實有一隻歌,我成日唱,但到最近我至真正領悟當中意思...

隨想曲  詞:鄭國江 唱:徐小鳳


前望我不愛獨懷舊 名利我可以輕放手
是我的雖失去他日總會有 不慣全力尋求

難辨你的愛真與否 緣盡我可以輕放手
若你的心想變怎樣都會變 想要留亦難留

渴望是心中富有 名和利不刻意追求
請收起溫馨的愛意 留在心中好像醇的酒

存著要經過春與秋 內心也經過喜與憂
讓我一生擁有輕鬆節奏
心裡無慾無求

要「有求」過,先可以達到「無求」境界,我自問仍未做得到,但現在我每天起身都重覆唱著第一句,提醒自己不要回望;感激鄭國江老師,感激一眾有份大力推廣「集體回憶」的朋友,無你地,我唔醒起做人應該像JOHNNY WALKER一樣
『KEEP WALKING!』

玩夠喇!病夠喇!前面的路再唔起步就唔趕唔上,高高高~`

13 comments:

20 said...

知易而行難

當以為一切隨時沖淡
但一被提起又……唉~

櫻記士多*Ada* said...

灘叔:開行turbo向著目標go go go!

小紅 said...

有時懷緬下都係對自己既一個提醒啫,咁樣先可以鼓勵自己不斷進步ga ma..

珍莉 said...

我覺得最堅係呢段:

難辨你的愛真與否 緣盡我可以輕放手
若你的心想變怎樣都會變 想要留亦難留

真係化化下妝都要停低聽完先至繼續化 .

以前小朋友,覺得呢 d 歌太老土.宜家聽番先至覺得,歌真係越舊越堅.

艾菲 said...

要趕得上, 除左要起步快, 都要搵啱條路唔好再兜圈至得.

Anonymous said...

灘叔: 過去的, Let it be.
想講嘅,即本同佢講啦,四四四,無謂估估吓.
想做嘅,即本速速去做,高高高,無謂儍儍吓.
每一秒都會過去的,何必等下一秒去懷舊上一秒.

scarred v said...

仲有黃凱芹的平常心﹐小鳳姐的情比雨絲都好正。
海灘﹐有我地風雨同路呀。
暴露了我的年齡層面o添...

Anonymous said...

-helenato-

"johnny walker"?
好似係隻酒名,
禁煙酒前,見過呢個廣告.

pvc said...

共勉之

sugar19sugar said...

"keep walking".......希望真係做到啦 !!!嘻~.

sugar19sugar

kathy said...

冇錯! 老豆老母ge強制性音樂教育真係一世都搣唔甩, 我明明唔鐘意鄧麗君許冠傑, 但係佢地d歌怕且我老人痴呆都仲會充斥住我個腦, 無端端又會個心成日係咁唱半斤八兩, 行行吓街都會諗起甜蜜蜜, 好似個陰影咁跟足一世......

pctxg said...

咁岩, 我呢兩日又成日聽住呢首歌....我仲要係比你young dd wor....不過好歌係會有咁既力量, 係你最需要安慰時, 就自自然跑出來為你打氣. 不知你下一首 leung歌又會係邊首呢?

Anonymous said...

小時候不明白何謂「擁有過才懂得放手」, 現在終於開竅~