1.09.2008

守基治療 (守基的故事三)




我是那種怕死,但畏疾忌醫的人,唔病到唔醫唔得,都唔會去醫!我終於覺得要面對呢個病,是由前上星期一次開會時發生的事引發.....

上星期在某處開會,中途要一眾外出接見「人」,由於只是外出一會,於是我把我的「行裝」全放進書包裡,然後把書包留在開會的地方,便外出去....

目的地是半島酒店,我們一行多人早了一點到達,就是因為時間多,我們都各自做自己的事,打機、sms、上網....而我就無所事事在「數手指」,就在這時侯,我發現我大姆指的手指甲,出現了白邊,就是一般一隻手指甲必然會有的東西,也是我最怕的東西,我看到而不能把「白邊」清除,我會渾身不對勁,對!這是「強逼症」,但想不到會那麼嚴重...

我的指甲鉗跟鎖匙扣在一起,但我的鎖匙連同其他「行裝」都留在開會的辦工室內....那一刻,我儼如一個癮君子毒癮發作,沒指甲鉗,不如就狠狠的用牙把安咬掉!但坐在半島,怎可能做出這樣行為,但身邊又沒有人有指甲鉗,於是我襯還有時間,便一枝箭撲出去,希望可以在附近買到一個新指甲鉗,但可能因為我太心急,又或者在那個地區,根本好難會搵到一個地方有指甲鉗賣....我站在尖沙嘴街頭,傍惶無助,但時間又已經夠,我一定要回去,否則再找下去,回去告之人家自己因為找指甲鉗而遲到,認真貽笑大方....

我心神恍惚回到半島,看見要見的人已經到步,但自己卻無法回魄,跟住如何做PRESENTATION呢?!我終於爭取最後時間,飛撲入去廁所,把自己鎖入廁格內,然後用口把指甲....

那個會之後,我決定要找方法治療!還一定要自己去刻服!

一切由根部著手,點解我要令到D手指甲咁貼手指,經過苦思後,我終於找出原因,原來並不是因為對「白邊」恐佈,而是我覺得長了的手指甲,是多餘,是污穢,是嘔心,是危險的!因為我有童年陰影,小時侯見過人因開汽水而 反甲,也看見過一男子把一隻大肚蒼蠅引到他巨大的手甲上,然後慢慢放到鼻前,用力一嗦...蒼蠅不見了~@~ 所以我認為「指甲是不應該長過手指!」

找到了源頭,即是說如果我能夠令到我的手指甲有用處,它就可以留下!但苦思良久,我仍找不到長手指甲的用處,直至前幾天,我的天使出現了....

她在一間手提電話店外呼喚我....

「先生,我地XXX呢個月推出一個新優惠,如果你係客戶,凡購買XXXXX型號手提電話....」

守基對我來講,只是打出打入就可以,所以基本上只要守基不是太YESTERDAY,我極小跟緊潮流玩換機,通常都是守基身心都出了問題,我才會去換新,當然還有另一種可能,就是遇到個如天使般美麗的SALES....

「呢部岩你丫,又唔係咁商家佬,又唔係BLACKBERRY咁日理萬機IT FEEL,呢部簡簡單單岩晒你,LESS IS MORE..你知架...」

本來我真係數緊錢準備買,但我最怕呢D專業SALES口吻,天使不再,俗套得令差點想立刻離開,但佢始終係美女一名,望多一陣,無可厚非...

當望夠了,我準備作個不滿電話的原因後就走

「咦``呢個電話TOUCH SCREEN架,我D手指咁大隻,按唔到D掣架!」

她不慌不忙

「佢好敏感架,只要你有小小指甲,掂一掂就CONTACT到架喇!」

我乾笑了兩聲,張開十指

「我一DD手指甲都無架!」

她呆在當場,專業面容失守

「...咁呢部可能唔係咁岩你...」

其實部守機是可以用筆來操控,她竟然失措到忘記了,她的真情令天使的面臉再次呈現

「其實咁唔係幾好架!」

我看著天使,她有點難為情,像突然覺得很多管閒事,但就因為她這一句,我就買下了守基!


就像一些毒海浪子的回頭故事,往往令他醒覺的,總是一些小事,一些小人物,而我就因為深信這個SALES是天使假扮,墮落凡間,就是為了用守基來醫治我的病...




理由、原因,只不過都是一個說法而已,總之我現在是有決心,上面是我最後無手指甲的模樣!

32 comments:

Anonymous said...

咁灘叔記住有白邊後都要影幅相留念啦~
因為我覺得要改這些習慣真的很難,
我自問自己是非常固執的,
尢其是在生活習慣上,
例如...一定要瞓前一刻先洗頭沖涼,
日日都係一點幾先沖,
沖完就即瞓.
朋友成日都叫我改,
因為怕我個頭未乾會病,
但我就是改不到.

所以,要下定決心改啊!

Anonymous said...

唉!心領神會!
我唔好你好多, 我OCD洗手...
掂下d野就要洗手, 唔洗做唔到野..

共勉之

Anonymous said...

.....

每個人都有自身問題的「強逼症」,我都有幾多。
想改便下定決心去做。
唔想改咪leave it﹐唔影響別人咪得囉。

Anonymous said...

點解未有二就有三既?

Anonymous said...

唔好意思,看到「...咁呢部可能唔係咁岩你...」的坦白,真係笑死我添....ha ha ha

櫻記士多*Ada* said...

灘叔:
我始終覺得你唔留指甲好O的,男人留指甲一D都唔MAN;一D都唔襯你...三思啊大哥!!

Melody said...

TO BEACH 的白邊手指甲s...

祝你們好運!!!

Anonymous said...

-helenato-

"童年陰影",
係咪支配左大家今日嘅生活呢?

Anonymous said...

灘叔, 留長指甲有用處, 方便過不求人.

另外, 手機科技日新月異, 潮流很難追到.
我部3G電話都係零機價, HAHAHAHA

Anonymous said...

我好驚男人淨係留尾指指甲,仲要修到橢圓形好似女人咁,拎杯聽電話時隻手指尾仲會不自覺彈起,好得人驚架!!!! 灘叔你記得最少都要留十隻呀!

Anonymous said...


原來你同我都差唔多係同一類人,
不過未到我呢類..唔咬唔c服既人..
hahaha..
我都係無指甲(邊)架~~
hhehe

Anonymous said...

你說手指甲,是多餘,是污穢,是嘔心,是危險的.....但是你最後都把它放到你的口中。哈哈哈哈....

Anonymous said...

完全無哂白邊, 好似你咁, 我反而接受唔到, 因為我覺得會好痛, 我都係留少少咋, 指甲太長, 阻住我打keyboard同計數機!

Anonymous said...

I understand how difficult to change a habbit. I use hand sanitizer whenever I've touched money, evelator button, or any door knots, etc. Hope u could make it:{}}

p.s. but pls don't leave it too long, otherwise, it would be disgusting, heehee!

Anonymous said...

你個強迫症都好可怕,睇到你話去咬左去,真係毛管都痌埋,好驚呀~

同你相反,我d指甲一定要有白邊,剪得太貼,好易俾d筆呀紙呀總之係d尖野篤到指甲與手指肉個位到,痛到入心

所以有少少白色位到好,對手指有保護性

Anonymous said...

努力呀!
芷君上

Anonymous said...

我d手指甲同你一樣都係唔過手指的,哈哈

我想講要留長手指甲之後仲要Keep住唔剪,呢種感覺會仲辛苦過見到手指甲有「白邊」要清除,我試過我感受過.

Anonymous said...

最緊要都係乾淨企理﹐自己舒服~

Anonymous said...

加油!!一定要醫好呀....哈哈~~~~
十卜你啦

余人 said...

男人老狗留指長甲真係好嘔,因為佢地留指甲既作用係"liu鼻屎",所以你記得唔好留長過手指呀~!!

Anonymous said...

女生留指甲的話,被她們刮到,痛到....
所以都係唔好留-____-

Anonymous said...

hi,灘叔又係我呀.
(lee篇文章第一個留commet的是我.)
我o係今日(1月10日)o既地鐵免費雜誌見到篇你本"麻不甩"訪問,
超興奮呀!!!
係一篇有少少宣傳feel的訪問~
當然我已經買了你的書.

Cynthia

unkle beach said...

cynthia:

個訪問半年前做,而家先出!

Anonymous said...

我都好怕手指甲長的, 因為次次都帶來不幸, 有時我發現0個日好黑的時候我會望下係咪未剪指甲呢..見到了我會立即剪, 但我唔會貼晒邊.真係好痛的..我會留番少少..但一見長..我就周身唔安樂, 一定要衝入toilet剪晒去..同埋我怕俾人聽 到我剪手指甲的聲. 拍拍聲..我好拍人地聽到..哈哈..

Melody said...

哎 beach!!

你不如做gel甲啦...做左gel甲,你就可以有指甲用,你又睇唔到自己d指甲生長..眼不見為乾淨

XD!

馬路地

Anonymous said...

beach :

不如叫你啲朋友幫下手, 一見到你攞指甲鉗出嚟既時候,就即刻 "kwok"你個頭一下,我諗都可以幫下手。

因為我都係咁幫我啲朋友戒咗咬手指既習慣, 不過係掌咀囉!!hehe

Anonymous said...

灘叔已經好好喇,我男朋友都好似你咁剪晒佢為止,但上次剪到三隻手指都流血~仲要食飯果陣流,即刻去買膠布俾佢貼

Anonymous said...

哈......好得意.

我尋晚睇到地鐵本野見到你訪問啦.....無聊等位睇雜誌講經奇出奇蛋..又見到你同ANN一齊影既相.....

突然見到好多個你.....哈哈哈!

sugar19sugar

Anonymous said...

咁你會唔會要你女朋友啲手指都係咁咖???

Anonymous said...

點解係三?? 二呢?? 唔記得左寫??
定係只出單數呢?? 咁下一編未係五 law...

Anonymous said...

守基的故事二係咪就係大家嘅comments?

Anonymous said...

你係唔係?唔記得幫「SALES是天使假扮」影返張相,我對她比較好奇。
我都算有D 指甲,應該好適合找她買手機。