坦白講...

坦白講，呢一刻我覺得自己病病地
坦白講，呢一刻我好想去訓
坦白講，今晚我會去旺角新世紀廣場做倒數，窮途沒路，可以過黎探下我
坦白講，我零七年過得已不錯
坦白講，我到現在仍未坦白講出我想講

坦白講，我最想講的是「祝福妳快樂，再不知可多講什麼~~」

你有咩想坦白講，坦白講低留言，講左出黎舒服好多！高高高~~

驗眼

做創作，天馬行空，年輕時，總覺得自己的慨念超脫，只可惜有能力去把慨念成真的人有限，才令我大部份心血付諸東流，連變成「豬紅」都無機會；但當有機會到自己去把慨念實現時，我才發現所有慨念絕對是「想就易，做就難！」，還是去找有能力的人相助比較實際，而我是相信所有隱世高手，都會喬裝成其貌不揚小市民，過著平淡無味的生活，直至真正需要出手時，我們才驚覺「嘩！原來佢咁堅！高手黎架！」

我用了二十年時間才碰到一個~`

首先由我個慨念講起，我一直有一個我認為好浪漫o既示愛場面好想拍成畫面，係講一對中學男女生，男的樣子俊朗，但沉默寡言，因為他說話時有點漏口，女的樣子娟好，眼矇矇好可愛，漏口仔一直有留意矇豬眼，最近仲發現佢迷痴痴的看著自己，但漏口仔同時發現佢根本望邊個都係咁眼神，正當佢想放棄之際，佢從矇豬眼同班最口口聲聲話自己唔八，但然後就八單野你聽果個八婆gina個大口中得知，濛豬眼原來上星期路經足球場，被八十年代最多發生的場面，足球射中面膽拖眼鏡爛左然後唔敢同阿媽講因為眼鏡新配無耐，所以其實佢並唔係矇豬眼，佢只不過係反緊眼，而漏口仔對眼，已經看到向她示愛成功的那一幕！

漏口仔約反緊眼去街 順勢帶她到表舅父經營的眼鏡店，當她戴上那個古怪得像JPG出品，又厚又重check近視度數的眼鏡，表舅父把一塊又一塊的鏡片放到眼鏡上，反緊眼慢慢變成明亮的眼眸，而她看到的，並不是一般驗眼的英文字，數目字，而是漏口仔一早準備好，以透明file自製的幻燈片，是一個八格漫畫，當她從幻燈片中得知漏口仔原來叫做莫國強，一直有留意自己，但不敢開口，而自己又看不見，終於現在看到了，最後一張幻燈片是二人手拖手遠去，然後漏口仔股起最大勇氣開口問她「可以嗎？」

她最後有冇接受，要到有機會拍出來至會知，但這一幕我已經來來回回向圈中外人講過無數次，有一些仲聽過三次甚至以上，有人認為太流於設計，欠缺真摯，有人又好理智分折，以果個年紀的男孩子，應該沒有可能咁有創意，而現在已經大部份是用電腦驗眼，根本不會再戴那幅眼鏡，也有位男士說「做男仔開口示愛都唔敢膽？！駛乜搞咁多花臣丫，一句到尾，妳肯唔肯跟我，係就係，唔係就唔好浪費時間！」更有一位從前情人苦口婆心勸我 「唔好再浪費時間想這些不設實際的東西，去學投資吧！」

無論圈內外，都無一個人有能力把我的夢成真，又或者無人覺得這個夢值得成真！直至前幾日，我終於遇到隱世高人~``


朋友David與Bowie是恩愛一對，男的美資大公司Financial Controller，女的是空中小姐，拍拖多年，生活談不上多姿多彩，但總算有質素，多多小小同David搵到又肯駛錢有關，並不是每個人也可以在百忙中星期五晚上機去日本陪女友過周末，其實係過星期六一日，因為星期日又要趕回來準備星期一，肯駛錢，都未必個個有咁o既精力同仲有咁o既心！

David知道自己揀定了，準備向她求婚，但又怕她無準備下拒絕，於是打算在她臨飛英國簿五日trip之前，送上戒子，然後給她五日時間考慮，其實我覺得呢個方法都幾實不錯，似足賣買，先送上草擬合約及介子作訂金，待五日後回覆，如果問題不大，就簽約生效，清清楚，我聽到後笑住話「好！好好！」，同時強行按捺著內心想說的話「果幾日你等回覆就知咩叫忐忑，俾蟻咬咁呀慘！」，點知David唔知係咪鬼上身，突然問我「點樣求婚可以浪漫d？」，方法我當然有，還有好多，但要想出一個適合他們的絕對不易，就在我思量當中，David 收到Bowie的電話，原來她眼睛有點發炎，不想戴隱形眼鏡，但又對現有的眼鏡不滿，叫David有時間陪她去配眼鏡，我得知後不其然就想起「驗眼」那個故事，又即本講出黎給David知，點知佢好大反應，二話不說就四圍call朋友有冇「眼鏡鋪」肯配合，幾多錢租唔係問題，跟住繼續四圍打探那裡可以用最短時間製作到「幻燈片」，係講緊要快到幾個小時後就有，我亦作狀替他搵人，但其實我覺得根本無可能在短時間內實行到，點知原來要實現夢想，首先要有的能力「錢」，可以在五六個鐘內將整件事辦妥，要有咁o既人力，一定背後要好大o既財力！不得不服氣！

於是六個鐘頭後，David 帶Bowie去預先安排好的眼鏡店，口口聲聲話間鋪是朋友開，但又講唔出朋友個名，然後Bowie揀岩眼鏡框，David就提出叫她入去驗眼，點知Bowie話自己度數多年沒變，不需要驗眼，就算要驗，都不用入房，櫃檯上明明有部電腦驗眼機，點解要入房，用最舊式的方法驗？！又要被那又厚又重又扮JPG出品的古怪鐵眼鏡壓走她的精心化妝，David張口結舌，幸好眼鏡鋪內的員工醒目，即說「有時人手會可以比電腦更準確，更微細，偏差減至最低低....」 嘩！今時今日服務態度原來咁先係 夠....勁！

終於Bowie被帶到驗眼室去，驗眼師把JPG眼鏡戴上，正欲把一塊又一塊有度數的鏡片放進眼鏡去，而David亦正準備要合時間，放出他準備好的「幻燈片」，我以為電影橋段先會「好事多磨」，原來在現實生活中，情況一樣，可能因為現在已經無乜人用這款驗眼方法，眼鏡被荒廢一段時間，出現了問題，鏡片被卡在眼鏡中，舊的拿不出，新的又放不進，驗眼師竭力搶救中，David見狀急如鑊上蟻，Bowie亦不悅說著不驗了，David不知所措，只懂得逼Bowie一定要繼續等待，那邊廂驗眼師仍然無法把鏡片弄好，Bowie決定唔等，起身欲走之際，David情急之下，突然跪下，把整個求婚計劃對Bowie和盤托出.....

Bowie聽罷既sweet，但又啼笑皆非，個未來老公咁「低能仔」，都唔知有無幸福，但那份坦白的傻氣已常給她無限的安全感，通常呢種情況，女方都唔會開口答應，只會伸出手指，讓對方替自己戴上「訂金」，戒子戴上後，全場拍掌，David竟然說「橫掂都整好左，不如開出黎俾妳睇睇我做左d咩幻燈片丫！」.....

其實David講到呢度，我已經無興趣再聽落去，因為我的「設計」，始終無法發揚光大，但原來好戲在後頭！當David正欲開幻燈片出來看時，Bowie阻止了，她作出了一個決定，也令到我這條橋昇華十倍，更Touching，更Powerful！

「留到我們婚禮當晚，跟賓客親友一起看！」

我一直相信愛可以帶出女性體內難以估計的能量，就等如母親為救兒子，可以把火車托起一樣，我認識的Bowie是從沒有這種創意，她就是那種機械人空姐 『coffee or tea ，fish or beef，see you next time bye bye....」講多半個音，想多半種變化都唔會，而「愛」卻把她「高手」的一面揭露...服！

陳細潔小姐說，飲到一枝靚酒，會感激流淚，我覺得被揀中的也相當感動，終於有人懂得幫我提昇，所以我不怕被人抄橋，只怕自己的橋唔夠水準俾人抄，期待當晚看片時的感動！更希望David唔好低能仔send俾我睇睇先！Please~`

你是否屬於九十六個巴仙的那種人

為什麼不快樂，因為你太不肯承認自己必需要快樂，否則你會不顧一切，不理其他人感受去爭取快樂;為什麼感到寂寞，因為你有良知，否則你會不顧一切，不理其他人感受，誓要得到解你寂寞的心的解藥；為什麼你總被某些人欺負，因為對方比你無良知，你要反抗，就要做出比他更無良知的事；為什麼會介紹這書，因為我一邊看，一邊認同人無良知是可以快樂，但要真正做到一個無良知的人，比做一個有豆零良知的人難十倍，我所以註定比無良知的人失敗，但卻興幸我是屬於那九十六個巴仙內的人~~

九六巴仙人 這個名不錯呢~`

拾扑林死者

http://hk.myblog.yahoo.com/may-lam

可以撐的話，不要縮，Just take a LOOK to this BOOK！

是誰

圖中橙衫者是誰，看看你要去到第幾幅相才猜到....

不節

千里送鵝毛

Business as usual

今年不造節，如果你同我一樣，上黎丫，有我陪你~~

睇睇D開心野先~~





仲有唔同角度~~

唔駛咁勞氣，我知你好妒忌，仲有D低能野你笑下O既~`http://www.elfyourself.com/?id=1745316214 感謝JESSICA T`~

等到了

終於等到一份「易拎難放下」的聖旦禮物，這是我一直想擁有的東西，但一直唔知點去實現，這是一份我得番一隻眼看東西的爸爸，離遠看見就說「好似阿光呀！」，這是一份連我挑通眼眉，最懂得計算的妹妹亦說「呢份禮物真係好有心思，好岩你！」

盒裡面全部係有我icon包裝o既曲奇，一切都好到無得再好，除左有ATV local之外，哈哈哈~~

感謝妳，易拎鄒（由於唔知妳係乜鄒，所以當妳係同我同鄒，妳肯制就「同鄒共制」）
會用黎印tee，成事一定送一件俾妳！不過妳快d增肥，家下好驚大風會吹走妳！Yeah~`


當然還要感謝其他送禮物俾我o既老友，Angie、Melody、Alice Yip.....講漏唔好嬲，遲d我會記番起...咁當然唔小得ada妳條獨一無二o既巾啦！



正正正~`

真正主角

相信d相片會陸續收到，咁最早send俾我，就梗係最早post出黎啦，其實睇上面果幅都夠，d女多到爭d搵唔到我，真係煩死人呀~`























唔好話我淨係登d女仔相出黎，仲有幅貓幾隻甩皮甩骨，但我永遠記得...o既一班老友！

alex ，阿柱、benny、Angus、hilda老公....同埋「放輕鬆」一字馬，渾身解數，表面惡死，其實錫老婆錫到爆的隊長TERRY，真係要再俾多次掌聲你！好野！黑咭會員！，咪就係下面粉紅恤衫果位，好野！



不過尋日真正主角唔係你，唔係我，一定係佢！



BB仔好小有唔得意，但得意到咁，連最憎小朋友O既我，都愛不惜手，邊有BB仔淨係識笑，唔會喊，疲就訓，訓成又笑，點玩都唔驚，大人越驚，佢就越笑得大聲，簡直係「黐孖根」，抵你一黎到，D悶光燈仲多過大明星，艾錫！你應得的！ 希望每年睇住你大，唔好俾我帶壞~`

有目的，但要組織....

呢兩日發生的事，實在需要一點時間，才可以重新組識到.....，就連上面幅相，我無法記起影過，下面的相就更加唔知係幾時影....











醉醒無耐，就飄到黎呢個PARTY，近兩星期，最好玩的一個派對！，不停收集多D相先POST出黎，感謝各位支持，感謝身在夏威夷的JAN JAN來電，妳把聲同口聲好CUTE，亦感謝IRENE撘通身在HOLLAND的PVC，對呀，我是張國華，哈哈哈~`



有影得好D，再POST出黎~`









本來呢餐做冬飯食唔成，最後竟然連我舅父三口都黎，我開始組識到了，快樂的組合，一個接一個，我真的很快樂，感謝大家~``

二時恭侯.....

完喇！完喇！終於完喇，可以PartyPartyParty！我今晚會盡量留力聽日，不過咁講完，通常今晚都會好早就「鬼上身」，仲可能係好猛果種....不過亦都可能悶到發慌，乜野都無發生，精神到爆回家！

無論如何，再提提大家明天個Party係兩點stand by，如果入座率高，隨時開始，但就算得兩個人，三點都一定會開始，越早到越早收到禮物...

至於個地址，如果你撘地鐵，由金馬倫道出口出，靠右向尖東方向一直行，到差不多過馬路去尖東前，你會見到一間影音鋪頭，立刻右轉，行十四秒，就會見到渣打銀行，隔離就係「嘉芙中心」，上四樓就見到，相信到時Angela或其他意勇軍會恭侯大家入場...

各位老友！聽日見！

點解要扮膠笠..

做乜都係講timing，當你做到頭昏腦脹時，最怕就係見到果d剛剛去完個trip回來o既人，除左帶住一身無謂手信外，仲帶埋成身holiday mood，口若懸河地大談旅遊真樂趣與見聞，完全無顧過做到傻傻地o既人感受，呢d人我通常會避，否則見到一定憎；但現在科枝如此發達，人未到，相先到，原來咁樣仲慶！因為想發圍，但真人不在，咁唯有對住d相鬧羅！

你睇下第一幅，做咩呀？！影唱片封套呀？！電影海報呀？！甜蜜蜜 呀？！張曼玉呀？！

下面果張仲錯，做咩呀？！「一步一腳印」呀？！咁多人唔扮，扮何來，妳無野呀？！



以為呢張好d啦，全世界笠住果個藍色核突膠袋，妳唔笠，有性格，淋濕咪淋濕羅！最緊要型！點知.....




...轉頭妳笠到實一實，大家話似咩丫？！以後唔駛去「7仔」買，搵妳得啦，妳似足「超薄狂野型」啦！



仲有呢張，咁開心做咩呀？！因為妳個頭吹到傻婆咁，大家笑妳咋！玩幾個月，玩到人都老晒，我地d後生，聽日仲要撲去機場接妳，皇后呀？！妳咪出閘同我擁抱呀！妳「鬼婆」咋，我好保守架，我唔會將「安全套」靠貼自己塊面架！