8.22.2007

念舊



有種人,就算你記性再差,也久不久就會想起,這種人叫「舊情人」,有時因為某個特別日子,有時因為某個從前常到的地點,有時因為某個景色,某件衣服,某種味道,某句說話,某部電影,某首k歌,但最多時侯是沒什麼原因,我就是想起你!
當一幕又一幕開心、傷心的片段像煙花般在腦海閃過,看不切,也嗅到那份濃烈的氣味,可惜這剎那的光芒,無法變成引領我們尋找他或她的「名燈」,但我信人定勝天,只要你有信念,腦電波就會發出訊息,聯繫到想見的舊人,在某年某月某日,你會在那處等待他或她的出現,你不信?細心想想,我們總試過在一個你不可能出現的地方,重遇過「舊情人」,原因就是因為對方不停發放訊息,你不知不覺接收了,所以才莫明其妙地走到那些你一世也不會到的地方,例如,突然千里迢迢走到大埔食Cosmo咖哩、去某戲院看一部你平時絕對不會選擇的電影、到某處探望一個跟你無甚感情的疏堂親戚.... 我就試過撘機鐵,應該在青衣站落車,但醒覺時已身處東涌站,既然都來了,就到東薈城逛個圈,眾多個廁所,偏偏我就借用「聯邦酒樓」那一個,離開時,我看到她與男友人正在等位,但她看不見我,原來每次我發放給舊情人的訊息,對方是收到的,只是可能大家在同一個空間,卻看不見對方,又或者,對方其實已看到我..........

於是我每每想起某人,就會竭力發出我會在某年某月某日某地方等妳的訊息,有時就算未到那一天,但日有所思,就夜有所夢,我們已經在夢裡再遇了,久別重逢,桃花依舊,唏噓是感覺依然甜蜜....

有一次,我把這個方法告訴一個女性朋友,不久後某日,她跟我說在朝思暮想下,終於在夢境中重遇初戀情人,但夢裡的他首先給她派帖,宣報結婚,但後來又突然跑到她面前,說患了絕症,已走了人生最後的路途上.... 夢到這裡,她驚醒了,然後她開始在網上尋找他....

「你要是找我,怎麼會找不到... 」

「番仕打」不見,還有「賣仕披時」,都不見,終於在「菲事扑」裡重遇他,幾經波折,二人在「拉芙 咩城jer」上,互相問好,訴說近況

「妳還是從前短髮四眼妹的模樣嗎?」
「頭髮及肩了,早兩年做了lasik,不用再戴眼鏡..... 你又怎麼樣!還是瘦得像油炸鬼嗎?」
「哈..... 發福了不小,但現在積極減肥中」

她沉默了片刻,最終還是把心中的疑團直接向他發問

「積極減肥?是為了某些原因?某些慶典?」
「可以這樣說,結婚總算是人生大事,應該認真點對待!」

她聽罷突然感刻渾身不對勁,她清楚那種忐忑便不是來自,舊情人要結婚,自己卻是隻影形單,而是......她猛然想起那個夢,想不到夢境成真,竟然是那麼恐佈..... 但多年不見,如果現在就把那個夢的下半部告之 「你好快會有絕症」,對方應該會立刻offline,然後再把她的acc封鎖,就算有教養,禮貌的做法,也頂多是在offline然後把她的acc封鎖前,留多一句言 「壞心腸及心胸窄的人,是不會得到幸福眷顧!」

「婚前記住去撿查身體!」
「有心!90xxxx02,有興趣就打給我聚聚舊吧!」

她沒有回覆,害怕有天碰面,對方會跟她說患了絕症,自此,他亦沒有在「拉芙 咩城jer」出現,之後她每次想起對方,就有一份莫明的寒意湧上心頭,他還健在嗎?

直至某一天,她這個來最討厭賭博,又怕人多的女子,竟然跟無聊朋友入馬場見識,她已知道是對方發出來的訊息,所以在跑道前落地玻璃碰到他的一剎那,她異常平靜,確認過身份後,他一臉愁顏,好不容易才可以開腔說下去,不祥感包圍著她,她想阻止對方開腔說話,但已太遲

「我..... 就死喇!」

預知的結局,原來到真正發生時,依然會令人手足無措,她張口結舌,無言以對,咬著唇強忍淚水....

「妳可以幫幫我嗎?」

她忙點著頭示意很願意

「我.. 輸到就死,可以借五百圓我番本嗎?!」

相見不如不見,還是活在回憶中比較美麗和經濟~`

31 comments:

Anonymous said...

I had only visited that city 2 times, but had met my old bf, one time in a very small shopping mall; and the other time was while walking in the downtown. Interesting!!

3 (avis) said...

你個punch... 駛唔駛鋪到咁長呀...?
不過我又未試日思夜想舊情人而最後會遇見, 夢就有夢到過, honestly都有上網搵過, 不過當然冇勇氣主動聯絡返對方啦... "火羅" 架嘛...

其實我唔渴望見返舊情人, 當我真係要見到時, 唔好係傳說中果種「最霉dum dur又樣衰又肥又最唔型」o既moment下撞到就OK喇~~ 話時話, 我都真係幾驚會發生~~

Anonymous said...

好卡娃兒嘅公仔啊!
你在思念某位伊人?

對呀﹐日有所思﹐真係會夜有所夢。
但有時﹐好耐無想念心裡的一個人﹐快要忘記他(以前)的樣子﹐某個晚上就會夢見他﹐像要提醒我他的樣子。

前年舊生聚會﹐我不敢出現﹐因日久失修。但俾我睇到那晚的相﹐其實我掙扎過睇唔睇架﹐都係忍唔住睇咗﹐慶幸我no show...

讓我知道回憶中嘅人和事永遠係最美麗! 如果他仲記得我係邊個﹐希望他只記着那時年青單純的我。

Anonymous said...

光光,

如果有D人你一世都唔想再見呢?

斷發放訊息要佢避開我,......咁咪即係要成日記住佢?!Oh SHIT!

櫻記士多*Ada* said...

灘叔:
喂喂!發放訊息?你講真的嗎?我真係試過唔知點解有段時間經常夢見舊情人,有日真係無情情見翻佢!好彩我那天見客執得幾正,唔係都幾囉!你今次既POST真係(淚中有笑)啊!

Anonymous said...

唔好再用念力啦,搖個電話給意中人咪仲宜接!同佢講咯,可能仲有機會呢,就算無都得番個"知"字麻^^ 加油呀,你中意既人一定等侍著你!

E.W. said...

unkle beach,

can you remove the last two lines?

anyway, what a great story/joke!

Anonymous said...

i lurf u beach, you are a great writer! LOL :D

我都寧願不見,有時啲嘢老老土土都係留响心中好啲.. ;)

Anonymous said...

an interesting story :)

Anonymous said...

我都就死喇....係比你激死!

Pessimist said...

「還是活在回憶中比較美麗和經濟~`」
極之認同!
政府可作參考,用作反賭slogan~

thanks =)

Anonymous said...

篇文章好得!

Anonymous said...

見到你個公仔...我都有童年既回憶...=)

Anonymous said...

腦電波真的有用嗎?我都有個舊情人想見番呀,但依家連佢o係唔o係香港都唔知..

Anonymous said...

我俾你笑死我
好野喎, 真係少左好多廣東話!!

Anonymous said...

-helenato-

要用到呢種"念力"去見想見嘅人,
都幾費心神同勞力羅.

呢種"久唔久會諗起"舊情人嘅念頭,
我諗,好多人都有,
記d好嘅簡單嘅,大家都可以笑下回味下,
但呢個世界,
人總會將d衰野牢記心中,
特別係情侶添!

Anonymous said...

很喜歡最後一句
"相見不如不見,還是活在回憶中比較美麗和經濟~`"
回憶永遠都是人們最好的調劑品

Anonymous said...

可以用腦電波發出訊息叫人還錢嗎?
如果得我會比心機的!!!

Anonymous said...

我試過呀我試過呀!!!
響msn無意中同舊男朋友chat左幾句...
言談間佢( 應該係禮貌上 )讚我而家靚左...
我就成日諗起佢...
果排真係九唔九發夢就見到佢...
不過分手之後真人就真係一次都未撞過...

反而呢...
我同我而家男朋友就成日撞到佢以前個女人...
唉~~想見果D又見唔到...
唔想見又成日出現!!!

Anonymous said...

我有一個十幾年無見的舊同學, 佢真系好似船頭呎, 我地好似秋天的童話咁,分開左就無見過,我好掛念佢,試過有一段時間晚晚都哭, 現在想起都哭,多年前友人說佢已經結婚了,我相信佢已經不想見到我,有時我諗大家見到都好似套戲咁,無言以對,什麼都放在心裡,好喜歡電視有個廣告問個女仔記唔記得佢 "實suki" 好喜歡陳奕迅 "不如不見"同"少見不怪"首歌,睇完,聽完就明白應該不見是好事, 但我依然好期待有一日可以相遇見...因為佢值得我懷念你到不能...

小朱飛刀 said...

個bb塊面有粒野,我而家塊面都係...哈哈!

唔...當突然感到有異樣,四周空氣凝住,那時便知你遇到...一d唔應該遇到既野...小心!

Anonymous said...

NICOLE,
個結局好唔得, 明明人0地係度沉醉緊, 臨尾搞埋0的噤0既野,好過份 ! 爛~

Anonymous said...

當自己打扮得漂漂亮亮的時候,心里就很希望他能立刻出現~
當自己邋遢的時候,心里就超恐慌會看到他~
下學期可能會常碰到,我現在已經在不斷提醒自己要時刻小心,時刻漂亮啊~哈哈

對了,我真的相信那種心靈感應,自己也曾有這樣的經歷啊~

Anonymous said...

我間唔中都响夢喥見番佢,現實就冇喇
不過我成日都覺得,總有一日會撞番嘅
但係見番又點呢

"還是活在回憶中比較美麗和經濟"完全同意

Anonymous said...

當我掛念著某個人時 ( 只出現於特定一位身上 ), 要麼他來電, 要麼在街上遇上, 巧合率極高。

今早上班忽爾想起他, 一秒內竟然出現在我面前, 超興奮~

林慧美 said...

是虛構?是真實?
又比你搞多隻gag添 光哥

Anonymous said...

so close~ same vibration *haha*... happened to meet up with my ex for dinner tonight~ havent seen him over almost more than 6 months now... feeling sweet still. the little things and gestures he did for me....

Anonymous said...

我都有想起舊情人o既時候, 亦都有撞見佢o既時候, 但見到咁又點... 咪又係冇野講...感覺奇奇怪怪, 好唔自然....

不過咁, 見到佢之後我同自己講o左句:
「當初選擇離開佢係一件正確o既事!」

Anonymous said...

I was shocked when I saw this pic! That's the most memorable 'toy' of my first love.....which was yearssssss ago :P

Anonymous said...

灘叔:

你去咗边呀?好多日無寫嘢啦喎!

Anonymous said...

回憶同夢一樣,最美好的夢,是永遠不會醒來的~