8.19.2007

上心




我是那種時常會不接聽電話的人,也就是傳說中「MCM」(Missed call Man),明知是不夠尊重,明知是無禮貌,無教養,但我不慣接了電話,然後壓低聲線,煞有介事說「開緊會,轉頭打番俾你!」,但每次個「你」字未說完,就已經收線,有時「度橋」一打開條「思路」,真是遇神殺神,何況一個電話! 「那為什麼你何不索性把電話關掉?!」 亦因為我是創作人,也擁有不少上了年紀的親人,我總覺得壞的事情總會再通知不到我的情況下發生,所以我要長開電話,慎防家人有事可以找到我!但他們的第一個電話我是不會接聽,如果之後再來電,我才肯定是有事發生,免得條浪漫愛情橋被他們提我回去飲湯而打斷!

在愛情世界中,鬥「Missed call」是情侶們吵架後最愛的玩意,在這一方面,我何只是「MCM」,計級數絕對是皇室一族 「MCK」(Missed Call King),但我想同大家講,鬥Missed Call比吸毒更可怕,由你第一個開始拒絕接聽的電話開始,你就會跟自己說 「我點都唔會聽你電話!」,到了第十個,第五十個,總會去到一個數目,你已經下左啖火,又或者被對方鍥而不捨的精神打動,但接聽又覺「好無面」,就算真的要接聽,仍然要裝出姿態,例如聲線裝作冷淡,一副愛理不理的態度,不到第三句便說「忙緊!打番俾你~`」,然後又要挖盡心思,想出一個有面又有位的原因,才肯回電,例如語氣變得極急忙「喂!你果日搵我做咩?!」,對方未及回覆,已搶白繼續說下去「你係咪xxx識人,我有緊要事搵xxx,今晚出黎食飯傾!」 好一招以快打慢,掩人耳目,瞞天過海,贏個尾彩,不知不覺就已經復合!

但不要說做,寫一次出來,亦覺得有點虛脫,更何況以上只是我一廂情願想出來的解決方法,而事實上,真正的「鬥missed call」是,大家要鬥智鬥力,引對方打電話給自己,然後不接聽,這就做成一個「missed call」的蓋掩,儲齊五十個可以換禮物,那份大禮就是「煩惱」,年紀大,沒多餘氣力玩這些遊戲!

現在,在情況許可下,我都會接聽電話,否則亦會即刻發短訊通知稍會後回電,因為我已經「玩唔起!」

一個我關心的人,換個角度即是說這個人有很多問題是讓我擔心的,所以我跟對方約法三章,無論遇到什麼問題,都不可以做「MCLPP」(Missed Call Le Petit Prince),可惜這個人依然久不久就會二十個鐘不接聽電話,有時緊張過度,到終於找到這人的時侯,不禁火起,語氣極重的責備之,試過有一次,這人的回覆是令我心碎的 「放心!我之前自殺果晚,一個電話都沒有!」,但自此對方就沒有再不接聽我電話,就算有亦好快會回覆,我方才明白到,有時人家待你過份好,你不懂回應,就會胡亂說出一些「真相」,其實想表達的是「原來有人如此關心我,一時間感到受之有愧,只好以難話說話拒絕好意」

最近這個人又遇上些問題,有點迷惘,可以幫的我已做了,其他還看這人的做化,我認為遇到錯折是人生最好鍛練的機會,所以我只是靜觀其變,暗裡送上支持,路始終要你自己走出來!

星期六傍晚,我做完細力士運動會之後,收到這人電話,說想出來「飲杯野,傾下偈!」,當時我確實有點疲倦,所以婉拒了,這人帶著失落的語氣收線,我又自我開戰,一方面認為這人應該學習自己解決問題,而另一方面又責怪自己幫人不夠徹底,可能這人根本還未修練成功,仍然需要我的協助,終於我在不夠十五分鐘後致電給這人,但竟然一連五十個call,二十小時內沒有接聽過一個電話,我開始上網看新聞,看有否天災人禍,姦劫搶殺,然後仍然是無接聽,開始計劃上這人的家「收屍」,還寫了大大張紙提醒自己「拍門,不要按鐘!」,跟住為著把幻想出來的每一個悲劇的可能性押後,但繼續致電卻仍然沒有人接聽的號碼,開始由幻想去到真實,提醒自己要冷靜,因為事情既然發生了,善後才是最重要,然後我決定去做運動,相信之後腦袋會清醒很多,但去之前,仍然是忐忑不安,所以亦忘了帶電話;流汗、氣喘、心跳加速,血液急促運行,我有了決定,回家換衫往這人的家去....

看著一堆衣服,我在想在發現屍體後,報警就會有記者,有記者就會影相,影相就會見報,我應該穿什麼衣服呢,終於我揀了近一小時,拿起電話準備call車之際,才發現我有十個「Missed Call」,「屍體」終於回電了!我鬆了口氣,但又故態復萌,不甘心覆電話給「屍體」,既然這人已經無事,就不用再回電,但四秒後我又想,會不會是警方從「屍體」身上找到電話,見所有「Missed call」全是來自我,直覺命案跟我有關,我躊躇了一會,還是決定回電,至少我要為自己辯護,於是我再至電這個已經撥出近百次的號碼....

「Do.... Do.... Do.... 」

我相信警方是不會不接聽電話的,那一刻我覺得好無聊,竟然這人還幼稚到跟我玩「鬥Missed Call」!於是我決定放棄,入廚房煮麵食.....

「辛辣麵」+「有冰可樂」+「Entourage」,讓我消磨好幾個小時後,我發現電話內又有數個「Missed Call」及一個「短訊」,寫著「仲細咩?!玩鬥Missed Call?!」,我仰天傻笑,然後回覆口訊 「你肯接電話通知我,我打俾你!」

千辛萬苦,花了二十多小時,精力耗盡下,我終於與這人聯略上,家人出了點事,這人一直陪在身旁,電話卻在趕忙出門時,忘了攜帶,我聽罷默然了一會...
「現在沒事就好了!」
「ok啦~~」
收線後我突然好想飲一杯Macallan,於是我走進廚房去,當我拿著杯酒回到書房時,我發現又有一個「Missed Call」和一個「口訊」

「又Missed Call?!想不到你會這樣上心,感謝你!MCM」

然後我回覆..

「我不要曼徹斯特城的地圖(MCM),感謝~`」

或許我們真的需要一張Missed Call Map,尋找那些永遠不接聽電話的人下落!

17 comments:

Anonymous said...

你好sweet,如果有個好似你咁好o既朋友就好 :)

我都有MCM及MCL朋友...我只會玩MC當公司人士响週末打比我嗰陣

3 (avis) said...

自身經驗: 如果miss你call的人身在海外, 腦海交戰將會更嚴重。 身不由己又唔可以即刻出機票飛過去搵佢, 無力/無奈感極重... 而且會開始不斷地胡思亂想。到佢終於蒲頭親自打返電話黎, 已經係足足一星期後的事。果一刻, 拎住個電話真係欲語無言, 冇力鬧, 不過係feel到自己不停流緊眼淚囉...

果時, 我會諗: 如果我都有勇氣去miss佢一個半個call, 所有事都可以overcome... 結果, 我由始至終只係miss過佢一次call, 佢亦都冇鍥而不捨地redial又redial...

我諗我唔需要MCMap, 因為我身邊冇MCMan。 反而, 我識左一個ACM (accept call man), no matter what.

Anonymous said...

miss call..鬥氣..勾起左一d傷心既回憶..

Anonymous said...

unklebeach: 除了喜歡你豐富的才華, 你的好心地, 關懷家人,朋友更是我喜歡你的原因!! (I hope my chinese-cut & paste job is okay:}}})

Anonymous said...

miss 左個call, 總比 miss 緊某人既 call 輕鬆.

櫻記士多*Ada* said...

灘叔:
家中有老人家試過出事所以我都係唔敢關手機的人,我係(LCG)LOOK CALL GIRL 睇下邊個搵我先聽,唔鍾意個人就唔聽, 我深信佢有URGENT事一定會翻CALL!怪人一個呵...呵!!

Anonymous said...

why cant ppl be simpler.... be more direct

Anonymous said...

可怕, 幸好沒有事... 我有一位故友, 就正因為一個miss call而走了...

自此之後情願老土一點, 也會多問兩句...

Anonymous said...

傳說中有個女王在世上, 長長頭髮, 兩眼發青光....我就是MCQ!! 聽電話之餘, 我個電話冇啟動到VM, 所以搵唔到我就係搵唔到! 屋企人就會聽~~

Anonymous said...

-helenato-

我唔係d"機不離身","機不離心"嘅人,
有時撞正忙緊,或記性唔好,無覆call,
朋友就會鬧:
呢個年代,仲有人手機唔跟身?
我會答:
唔想帶機咪唔跟身羅,

Anonymous said...

missed 左個call, 總比missing 不知會否打來既 call 輕鬆!

DOUBLECHIN™ said...

你篇blog令人有時空交錯的感覺~

我為你對你那個朋友所做的行為感動流涕~

Anonymous said...

光光,

Pls don't mind me saying,你個friend真係有D問題,成日掛住去死,佢呢個係病嚟架,快D叫佢去睇吓醫生,同埋佢点知死咗会好過而家。

我以一個佛教徙嘅身份講比你聽,自殺死之後,人嘅神識会比佢在生嘅時候痛苦千萬倍,到時又唔可以死多次,你話点算好?

Anonymous said...

講得太正喇!!!!!!!

Pessimist said...

Miss 咗好耐嘅文章~ =)

Anonymous said...

明明上心又要扮晒野
鬥Missed Call,哈哈..

Anonymous said...

當我好嬲我男朋友果陣真係勁唔想接佢電話!!!
谷住啖氣丫ma!!!
但又會好想佢打黎wo~~~
如果佢唔打黎又會sms問佢點解唔打黎...
哈*講出黎都覺得自己麻煩XD"