4.24.2007

J L




林生在Disney attack的造形,一貫其風格,有心思,與別不同,幽默抵死,但我其實對這個造型沒大感覺,都是想像以內的事,正常發揮,但見佢右腳膝頭上貼了一塊膠布,心裡不禁說了聲「丫!你係都要再加d野!」,受傷對襯運動,但傷勢就輕微,似足林公子一向的幽默,本來我打算見到面問佢,點樣會有呢個諗法,但見到面又忘記了問....然後聽見其他同事也有同感,令我再醒起想問佢,點知朱薰快我一步開口

「你塊膠紙特登襯套衫架?」

林公子一貫冷峻,遲兩秒後才回應「係襯個髮型」,大家然後轉身繼續工作,但心裡面已認定,呢塊膠布,係造型其中一部份...

和林公子離開時,碰到他的一位同事朋友,甫見面就問「你隻腳無事丫麻?」,我當時心想「竟然有人唔知呢個係造型!」,然後我又睇呢次林生你會答乜

「開左D肉,五蚊咁闊,不過貼張膠布岩岩遮到!」

我聽到有點迷茫,終於忍唔住口問佢 「其實你係真係受傷,所以貼膠布?唔係造型?」


「造型黎架,特登滑水俾塊板界傷,然後貼膠布襯套衫.....」

「有的士喎,拜~`」

我衝上的士,轉身望見佢在冷笑,你好成功喇,冷面笑匠~~`


12 comments:

一月 Mrs. Stoelwinder said...

林公子呢...真係唔夠佢鬥ge le...

Anonymous said...

咁迷你嘅造型你都睇得出, 果然系灘叔, 不過今次唔夠堅定...哈哈 !!

Anonymous said...

唔知點解覺得亞jan有d徐步高feel. wahaha

Anonymous said...

我個initial都係JL,真係與有榮焉!
不過同啲下下都要轉幾十百個彎至答你一個好簡單問題嘅人講嘢,
真係好攰,仲...好煩。

Anonymous said...

早兩日一直以為係真受傷;
之後諗會唔會係因為白色襯返套衫,
點知原來...
林狗真係好勁

(淑)女(蘭)求 said...

睇完有度氣頂住係心口度
有咩問題呢?講唔出

所有野都似是而非

Anonymous said...

哈哈哈~林狗真係林狗~
講d野真係好抵死..
估佢唔到..哈哈哈~

Anonymous said...

我真係好鐘意阿 JAN

Anonymous said...

i love jan so much!!!!!!hahhaha
and i love that pic taken by unkle beach too~

Anonymous said...

其實我覺得.咁樣都有d可悲
因為人地潛意思都覺得你係有攪作
無人真係會關心下佢健康
如果大家都咁樣心態睇佢
次次都諗住佢係標奇立異
真係只會外表呃到人而攪笑.但內心空虛到無人關心
其實太冷面,會唔會不好呢?

Anonymous said...

講真..呢篇野真係..睇到我一頭霧水

Anonymous said...

我早左一日去迪士尼, 唉~ 緣份....