悟

收到了天窗老闆的回覆，內容大致是「由於成本問題，翻印「麻不甩」擔心銷售不佳，會引至虧蝕，所以翻印的機會不大，但就承諾會趕快於八月推出「麻不甩」的電子書，連同「愛情補葯黨」一起面世......」

這算是失望中的希望嗎？我們再可以做的已經有限了，除非各位email去聲明會訂購，而人數又有二千人，咁「麻不甩」就有可能翻印，有心人可以考慮呢個方法，又或者我會問佢取回版權，自己搵方法再印，但要俾小小時間我做野......








突然覺得自己好執著，其實係咪無咪算羅！邊個想睇，一定有人可以借到俾佢，唔一定要擁有，分享才是最重要，所以邊個無麻不甩，但又想睇，我仲有一本可以借俾大家！因為我有兩個好錫我o既老友，阿wing同annie都搵左本俾我！我可以借一本俾想睇的老友！想睇就出聲！

都係放下最舒服~`

eclipse

黐左線！好似十八歲一樣，急不及待到部戲未上，就狂煲隻soundtrack，仲一日三次，八個鐘一次，起身就聽，臨訓又聽，未食野前又聽，飽肚後又聽，所以我心裡面已經有晒每場戲畫面，好心急想知電影跟我想像差別有多遠，仲有幾日，就可以見到bella！正！至於男主角，由於我睇完Remember Me，對佢有點膩，暫時沒甚感覺！無所謂啦！我都係想聽歌同睇bella，呢仔走開啦！

很多人話覺得頭一二集真係好悶，唔知點解我會咁鍾意，原因只得一個，「我太鍾意女人，我太鍾意知道女人在想什麼！」各位如果你有日覺得Twilight好睇，你就一定唔會媾唔到女，但如果你反應是「我都無男主角咁靚仔有型大隻！點會媾到女丫！」，我勸你繼續再睇多幾次Twilight，或者返入房繼續上網打機吧喇！

Just Enjoy this Moment~`

他是我的將來

「強哥！點解你咁型？！」

「唔會一朝一夕發生的，我後生就開始型到家下！」



我會由現在開始努力！希望有朝一日，如果會有呢個年紀，都可以好似佢咁型！

依然故我

我第一滴為電影流的眼淚，就是因為你，1987灣仔新華戲院下午2:30場，我一邊看著電影，一邊第一次問自己 「知道什麼是成長嗎？」，越想就越迷惘，哭著以戲名重覆問自己 「MY LIFE AS A DOG？」



七年後我在英國朋友家，看著迪卡比奧一鳴驚人地演出成長了的INGEMAR，入戲得覺得自己就是戲中迷失的男主角Johnny Deep，結局Gilbert Grape把舊屋燒毀，突然領悟到，原來長大就是把青春燒毀，二十五歲的我無法接受這個事實，反而遷怒於導演身上，怪他只拍出真相，卻沒有給我一粒解藥，自此，我再沒有看Lasse Hallström的電影



十多年後，竟然是一位二十出頭的青年，推荐我看這部戲，他說未看過一部咁出色的文藝片，是否出色就見仁見智，但我看著Arnie Grape雖長大成父親，卻依然自閉，結局時男主角JOHN放棄父親收藏的銀幣，其實只不過是Gilbert Grape以青春去燒掉舊屋的變奏，原來就算長大了，但其實一切都沒有改變過，「成長」是「永遠向前，但依然故我~`」

好消息

出版社電我，話收到好多EMAIL，對翻版「麻不甩」及「愛情補藥黨」的機會大大提升！YEAH！！而最Yeah的是出版社話會跟收到過的EMAIL，回覆新書的出版日期與簽名會的時間，我努力建議有EMAIL過的都可以變成VIP，但革命尚未成功，我會繼續努力！
各位EMAIL過去出版社的老友，記住留意自己MAIL BOX，而未EMAIL的，請繼續EMAIL到〈info@enrichculture.com〉，要求翻版「麻不甩」與「愛情補藥黨」，及同時加入被邀行列！
高高高~`

99.999998

完成了99.999998了，尚欠的0.000002，是因為唔捨得完，過往這二十多日，真係好好玩，係好玩到你地睇o既時侯，都會感覺到，如果唔信的話，下個月面世時你幫襯一本，睇完唔開心的話，我親自同你講聲「solly」，但如果睇完真係開心，你要親自同我講「開心」

刁唔刁？

進行中

最新動向：一切一切都在進行中，新書應該可以趕得到下個月出版，希望大家繼續忍耐，好東西在後頭，一齊支持吧！而另一方面，由於很多老友無法買到「麻不甩」，其實我自己都無（最後一本送了給新朋友），同出版社開過聲，叫書展時再出，佢地個樣有d懷疑仲有冇人買，我希望會買的人齊齊send email〈info@enrichculture.com〉到天窗出版社，要求重印「麻不甩」
咁出新書梗係想舊老友一齊出場架啦，所以如果你肯幫拖，順mail叫埋佢地出埋「愛情補藥黨」丫，些些！
我繼續努力lu~`

其實...

其實做每一件事，背後都會有一個目的，只要大前題不是為錢，呢件事就一定有意義，一定做得開心！


其實做世界杯係我心願，但都只不過係為左可以係個景都影相



睇下女


見下d好耐無合作朋友

及與偶像合作，簡直係「神奇」、「頂級」、「超卓」！「有今生 無來世！」

道歉啟事

給愛護及支持我的人

踏入年中，「世界杯」、「書」、「網頁」、「電台」、「劇本」、「十月計劃」同時殺到埋身，一時間疏忽照顧呢度d老友，敬請原諒！當網頁一完成，個遊樂場一開幕，所有FB，微博都唔駛再搞，以後所有野都只會係ub.com發生，暫時大家忍耐多一陣先！不便之處，多多包含！



最多我唱隻歌當賠罪，你地想聽咩歌丫？

美麗背後

我很喜歡影「back shot」，因為最美麗的東西，總是在你看不到的背後！



這是我見過最美麗，最感動的背後！