1.30.2010

BirmingHAE



去倫敦,直航十二個鐘機程,零晨上機,飲飽食醉,兩點前訓得著,順須利利訓到七八個鐘,起身睇兩套戲,打一陣機,食多餐就到

去伯明翰,無直航,要先飛八個鐘杜拜,零晨上機,兩點先派餐,食飽飲醉,順順利利都要四點半至訓到,何況機上面有初生小生命,佢一日未訓,你就算訓著都一定會被佢超高分貝的喊聲嘈番醒,終於我睇兩套戲,打一陣機,個小生命終於喊夠,我可以放心訓,機長就宣佈即將落機....

去到杜拜,又要等兩個鐘轉機,個機場大到成個杜拜咁大,但竟然可以無辦法搵到張凳攤抖下,終於我放棄「就死唔搵唔到位!」呢個幼稚任性羅苦黎辛的無謂信念,決定坐地下,其實係決定唔理咁多,係地下訓一陣,此時機場宣佈「由於接送往飛機的穿梭巴士出現問題,希望客人提早登機,於是我dee了一聲,然後又爬起身去排巴士,搞左半個鐘終於上到機,我一望自己個位,開心到笑左出黎,坐係我隔離位係一個樣子身材都相當不俗的女子,我知道跟住個七個鐘我應該唔駛訓,因為佢抱住一個細路,仲係傳說中「又扭計,又百厭,又成Q日放聲大喊.. 」果d討Q厭細路,其實呢種細路應該列入危險品,不准攜帶上機!終於我犧牲連埋DELAY,大拿拿八個幾鐘睡眠時間,去鍛練自己的EQ及忍耐力!仲試到我一把年紀,但依然好捱得眼訓!






經過二十個鐘的折磨,我終於來到伯明翰,出機艙感受到的第一啖寒氣後,我知道為了這啖「英國味」,再辛苦也是值得的;過關的時侯,女官員問我來伯明翰什麼,我當然好行咁答「觀光旅遊」,女官員有點錯愕「有特別要去觀光的地方嗎?」我見她有點不相信,就直接答我是主要來睇波,女關員繼續追問「那兩隊對賽呢?」,「伯明翰對熱刺」女關員再問我支持邊隊,我左顧右盼,低聲地告訴她「我其實是來捧熱刺!」女關員放聲大笑!我連忙解釋我是只是講笑「其實我是維拉的FANS!」女關員笑得更利害,呢次我係二十年來,第一次係英國入程是開心歡樂,而呢個美好片段就發生係伯明翰,我點會對呢度無好感喎!







而事實上,伯明翰都無乜值得你唔鍾意,因為伯明翰根本就乜野,所以難怪女關員會質疑我是來「觀光」 ,伯明翰一眼真係睇得晒,但我真係鍾意呢度 !!


因為咁無野的地方,你就可以好盡情咁hae!!





有人問我「咁遠走到去,留係酒店唔出街,你過去為左咩?」「我為左離開香港!」

17 comments:

Anonymous said...

有咁遠去咁遠才能洗滌身心!

Yy said...

Waaaaa灘叔~~~~
You are close to me!!
我好近BIRMINHAM囉~勁想搵你食飯呀喂!
anyway玩得開心D!^^
Yan xx

Anonymous said...

hahahah.. 呢篇好好笑呀, 玩得+hea得開心d啦!! miss u!!

hokennn said...

灘叔:
型爆!
「我為左離開香港!」 support~~~
ken

獨臂 said...

好多時候話想去旅行,都不過為左離開香港.
:P

Olgagagaaaaa said...

玩得開心啲

Anonymous said...

正!我鍾意最後個句:
「咁遠走到去,留係酒店唔出街,你過去為左咩?」「我為左離開香港!」 =P

Fion Mui said...

我都覺得係, 去旅行既唯一目的就係離開香港, 去邊都無所謂~~

HAVE FUN~~

龍兒 said...

下星期開始我就無得hea了,希望可以忙裏偷閒。

bonita said...

我都好想好似你咁做得禁瀟灑:[我為左離開香港!]去一個開心的旅程^^
enojoy your vacation!!^~^

fayeh2o said...

GoGoGoGo..HAve fun and wish you have a crazy trip!!!

騷緋 said...

Have Fun!! Miss you !!!

Anonymous said...

灘叔:你係得嘅,寫得好傳神、好好笑,小妹真係好似同你一齊到埗咁!!!

不過你幾時返嚟呀???

Anonymous said...

我在英國五個城市生活過(講緊係起碼短至數月,長則幾年),對Birmingham感覺頗唔得.Birmingham空有英國第二大城市之名,但無大城市的Charm,似一個扯大咗幾倍的沙田/元朗.留意只係扯大咗,料無多到,可以想像幾咁單薄.

不過,有一樣嘢關於Birmingham我係幾鐘意,(但係反而有d有色眼鏡的留學生唔鐘意),就係birmingham人種上非常diversified,有好多印巴族裔,而且好多都已經係第二或者第三代.其實一個城市要多d唔同背景,唔同成份,唔同文化溝埋一齊先至會過癮.而且大家都有阿媽生(同埋都識問候人阿媽),點解要分高等低等.(以前係香港見過有d人對印巴族裔好無禮貌,好唔應該.)

點都好,enjoy.下星期再聽你的一八七二遊花園.

馬傲仕

Unknown said...

Hey Uncle beach, I just saw you on Match of the Day (UK's football hightlight show shown on Saturday night)

Brian Hui said...

某集節目中,有女聽眾話有兩隻碟咁大的牛扒;不過你唔食牛,但影張相嚇下我地。

Anonymous said...

我都試過杜拜轉機, 仲要等5粒中添
所以死都要搵到有得瞓o既櫈, 唔係慘過死呀~~!