1.03.2010

反叛要早



十年前他們出道,我第一次從電視營光幕看到他們表演,我苦笑輕嘆「點解香港而家先有?」但當時我已經過左反叛期,明白對世界的不滿,齋發洩是無補於事,反而會令更多「負能量」散播,我認為「你有本事,就出手拯救,唔好得把聲齋鬧,如果無本事,就逆來順受吧!」,所以當時我唔介意佢地rap粗口,但對他們rap的內容確實有點點抗拒,當然我明白歸根究底,都是因為我「老」,所以聽到「行撚開啦!死老鬼!家陣要改朝換代俾我上位....」心裡確實有點難受,不過個個後生都係咁激架啦!所以我雖然不是他們fans,但從無反對過他們..
而看他們現場演出,今次是第一次,竟然是復合的這一次






























老實說,個騷氣氛一流,演出一流,但在新一個Decade,再聲嘶力竭地大罵一些五六年前的東西,感覺有點維園阿伯,就正如阿肥在台上說「我們都老,是上一代的HIP-HOP友!」,所以今時今日再唱「行撚開啦!死老鬼!家陣要改朝換代俾我上位....」,確實有點心虛
我都曾經抗拒過好多東西,包括成長,到現在不得不認同「做人是穩步向前,而不是原地踏步」,不同階段做不同東西,有不同的收獲,也有不同的失去....除了成名,反叛亦要早,否則你會成熟得好遲!


下一次聽到唱「行撚開啦!死老鬼!家陣要改朝換代俾我上位....」,可能係佢,不過可能其實佢而家已經唱緊!

7 comments:

騷緋 said...

時代變得好快,我們為一的方法是接受.不然自己會很幸苦!!

Alexandra Ho said...

aDD OIL, I CAN DO IT, YOU TOO!

add oil !! add oil!

Unknown said...

俾機會你反叛, 你又會想做咩反咩先?

冇計仔, 反叛同搗亂有咩分別?
自由可能係人哋俾, boundary通常係自己set囉, 肯走出個comfort zone 先算啦.

海灘, 新年快上

Chi said...

I went to watch them on saturday night. had a brilliant time!

When did you go?

CLASSICS NEVER DIE

Anonymous said...

咁我而家幾十歲至開始黎反叛係咪會唔成事?

~艾菲

Brian Hui said...

「你有本事,就出手拯救,唔好得把聲齋鬧,如果無本事,就逆來順受吧!」.....這個POINT 講得好好。

龍兒 said...

我已經唔算後生了,但依然被人覺得反叛。