3.29.2009

巴能匙



認識官小姐好多年,從前佢真係好「嗦」!好搞事之徒如你,一定會立刻說「即係而家唔嗦啦?!」你問得我一定答「係!佢而家無以前咁嗦!因為佢面上太多煩惱了!」
我跟官小姐說「有時煩惱是來自妳想太多!」,官小姐回覆「唔想唔得,但一想就有點透不過氣!」 我問她「既然如此,是時侯要走,妳可以做其他工作嗎?」 她感嘆「回頭太難了!」
既然無得選擇,就坦誠面對吧!像大部份人一樣,人生是要靠工作來得到生活,工作上能得到滿足感是一種福氣,得不到則是合理,工作是理應辛苦的,最重要是辛苦之後得到什麼,而如果你相信,一分辛勞可以得到一分快樂,那你註定不會快樂,辛苦同快樂的比例,如果可以去到一比九十九,當辛苦九十九次,就有一次快樂,已經是萬幸!請大家相信這是真相,因為只有接受,才可以有解決方法!
我給官小姐及大家的方法是,首先不要貪心,想出一樣你最愛最愛,最能令你快樂,而又負擔得起的事情出來,如旅行、出海、行山、血拼、運動、性愛、飲食、睇樓、睇妞、睇波、睇書、睇戲、聽歌、訓覺........總之不是傷天害利的事,係量力而為情況下,到自己係工作上太辛苦時,真係頂唔住就插入鎖匙開掣,高速離開工作,去做一件自己最快樂的事情,例如 午餐時間唔食飯,相約情人開房性愛,或者揀一架自己最無能力買得起的車來試,得三日假都要去倫敦、巴黎、巴塞隆拿一轉.....適隨尊便,但切記快樂完就要熄匙,然後回來又重新儲蓋掩,儲夠又再出發!之後我們工作時就會知道,是為快樂而辛苦,而辛苦過後,就可以盡情快樂!

所以記住頂唔順就插入匙開掣,回來就要熄匙,而這條匙叫做「巴能匙」



希望大家都可以像官小姐一樣,聽完會眼仔碌碌傻笑!btw,以上相片是影於〈火火〉即將推出舞台劇《大世界》排練場地,我唔係去探班,因為我都有份演一角半色,大家都知我跟住想講咩!我都無需要再講,總之門票就已經開始發售!手快有,手慢無! 高高高~`

16 comments:

scarred v said...

睇戲﹐聽歌﹐旅行﹐食好嘢﹐同FD行山影相..
每每工作到好辛苦好沮喪時﹐想到可以做以上的事﹐就會好期待﹐有啲能量捱埋o佢。
大家加油啊! 頂得住!

silverbell said...

鄒生做舞台劇,推推推!快d推
推介啊!

Yoyo said...

Thanks for cheering and I am looking forward your peformance on stage ! =]

秀秀 said...

你咁講 ,原來我都冇浪費呢條巴能匙

bone said...

已經買咗飛喇!買嘅時候唔知會有你份,只想睇吓火火作品,可以睇吓你在舞台演出都好期待!

janjan said...

I love this message! It's so true & full of wisdom.

aiya said...

灘叔,星期五晚你有否出現在青衣?
看見一男子很像你呢

Panda Mi said...

我都好想去睇呀,不過仲搵緊人陪!
By the way, 我都真係會去技持下你架!
Anyways, good show, man!

Chubby YY said...

呢排咩事,好似有D灰咁噃...

小紅 said...

條匙係咪 "百合匙" 邊個都用到呢??

Pinky said...

你完全講中左我既心聲!

我會好好珍惜呢條「巴能匙」!

Thx~!

wangelau said...

灘叔,我支持你!! :p

Bradpetehoops said...

Great blog!

Brian Hui said...

工作的時候,熄掉「巴能匙」,但要打開「多能匙」,心境如果不能持中道而行,人的身心靈就必定出問題,那時候要用第三條匙,就係「命聽能匙」。

隔離房媚姨 said...

咁...你真係不能看我的演出呀....撞到咁「正」....

失望呀~~~

Anonymous said...

Interessanter Beitrag