2.11.2009

都會過去



麥俊龍初出道「愛上殺手」的年頭,全世界唾罵,恥笑佢,但我堅持除非佢立即退出娛樂圈,否則佢之後一定會有進步,因為佢個起步點實在太差,唔會有得再差,佢只會不停進步!事實上,近年Juno建立出來的風格,並非單靠銀紙製造出來,他是進步了很多很多!
起步點是決定你以後的命途,我慶幸自己並不是個「靚仔」,因為做「靚仔」條路好難行,因為一生出來,就已經是「高點」,以後要再進每一步,都困難重重,所以每次聽到某靚仔被鬧「得個樣,無腦到死」,都替他不值,其實如果佢唔係靚仔,佢可能只係一個正常無乜腦的普通人!樣醜好處是,之後只要唔好咁醜樣,就已經得到人家讚「望落又順眼左喎!」,但做靚仔稍稍有點差池,你就會覺得佢醜樣左好多,你話做靚仔條路幾難行!








我望住木村,睇見佢面又黃,皮膚又開始皺,簡單黎講就係又老又殘又唔靚仔,成個麻甩佬咁!我不禁慨嘆了一聲「最靚的...都會過去!」


然後不幸地再次給我碰見少年時的「神女」,神魂癲倒我的聖女~`



其實幾年前到日本,有機會跟日本朋友與小泉今日子同檯食飯,但最後我卻以身體不適為理由,沒有出席飯局,就是不想少年時美夢破減!可惜要見到的,總會見到,興慶只是在電視上看到,不至於要活生生面對這個殘酷真相,「再靚..再可愛的......都會過去!」


今日如果你發現自己處於極差境地,請放心,一切都會過去的,在這樣的起步點出發,未來每一步,都是進步!今日如果你順風順水,請切記,一切都會過去的,身處高位出發,要比其他人努力多倍!
每樣東西都會過去,只有我們的信念,是歷久常新!而如果你的信念是跟我一樣,信「什麼...都會過去的」,大家就一起努力活好這一秒,同時為下一秒更努力!

14 comments:

Anonymous said...

多謝!共勉之!

盈。 said...

你說得對!!
一起努力!!

ps: 我會介紹這篇blog給我的一位在困境中的朋友。

櫻記士多*Ada* said...

我真係信你架喇「什麼...都會過去的」你唔好呃我啊吓!!

pasLeSweetie said...

心裡突然有股氣,振作起嚟。明白晒~將來就是今天,所以真係要立刻為皮膚做吓保養 haha..

Jenna Michelle said...

AGING is unavoidable. i'm so going for botox!!

Anonymous said...

我一直都相信“什么...都会过去的”,但系我觉得斋相信吾得我地咯,关键噶也还仲系自己个心一定睇得开咯!我地一齐努力活好每一秒,為下一秒更努力.yeah!!!Eason首旧歌《今日》就讲明昵个道理咯!

Anonymous said...

本來呢幾日心情好差..睇完你最後個段..
"一切都會過去的"...
即時好左好多...thx!!

Anonymous said...

開心的日子會過去的
傷心的日子會過去的
憤怒的日子會過去的
熱戀的日子會過去的
吵架的日子會過去的
低迷的日子會過去的
興奮的日子會過去的

甚麼都會過去

及時行樂!

Anonymous said...

對! 我現在都是抱住呢種心態,會過去的。
不要為沒有活好已過去了的一秒而後悔,活在當下,期望未知的下一秒。
~共勉之~

Anonymous said...

開心的日子會過去的
傷心的日子會過去的
憤怒的日子會過去的
低迷的日子會過去的
興奮的日子會過去的
迷失的日子會過去的

甚麼都會過去

活好這一秒,同時為下一秒更努力!

Anonymous said...

是的...會過去的...天地再蒼涼...人面再桃花...都是會過去的...此時此刻, 最緊要活得自在 :)

Anonymous said...

"大家就一起努力活好這一秒,同時為下一秒更努力!" I love it!!

Anonymous said...

近來真係多o左好多野煩,
攪到我個頭痛到爆....
睇完呢篇, 心情平靜o左好多~
多謝你~

anf said...

(So far只有周慧敏可以咁多年都未令我地夢想幻滅.. 雖然早排ruin咗少少)

希望陷於困境中的大家一起頂住, 努力!!