2.06.2009

男人活該有心事




〈男人活該有心事〉 是馬偉豪從前一本散文集的書名,當年我仍然是無所不能對人談,莫說是男人,我當時認為無論男女老幼,都無需要有「心事」,有「心事」就找個人傾訴,心事說了出來,心就無事,所以當時我認為有「心事」才是活該!
至於尋找傾訴對象,我頗有研究,首先你要肯定你講「心事」想得到的最後目的是什麼?「齋講」、「聽意見」、「尋求支持」、「想被人鬧」...然後尋找適合人選,目的與人選不配,你就後悔莫及,試想想你只想齋講但對方卻俾意見,想聽意見但對方只齋聽,想被人鬧醒但對方竟安慰及支持,想尋找支持卻得到對方嚴厲批評....有些人就是找錯了對象傾訴,嚇怕了之後就把心事永藏心底裡,無法釋懷!
但要集齊蓋掩,搵齋咁多款人選,絕對不是件易事,尤其是大部份肯聽「心事」的人,都是為了一個原因,「想八」,而當要在講心事之前,強調「唔好同第二個人講!」,呢個已經唔係一個適合的傾訴對象,而慢慢我亦發現,我大部份心事都係「齋講」完就會舒服晒,我其實只需要吳哥窟山上果個石洞,又或我同龜仔們傾訴已經足夠!所以這些年頭,我已經極小找人講心事!而試過非找人俾些意見或支持時,急就章找得以為是適合人選,卻換來我不想聽到的說話與沒建設性的批評,更浪費了大好時光!要遇上適合的傾訴對象,有時都要講有沒有「緣份」,能遇上觀微知著,知你有心事,更知道你需要什麼安慰,是前生做好事收到的「福氣」,所以遇到,一定要好好珍憎!這就是「心事有誰知,only U & ME」,但就算從來未遇到過,都無雖氣餒,當你年長了,就會發現有些「心事」,寧願只得自己知,俾其他人知道,或洞悉到就大件事,好極端例子原來你殺過人,又或者經常發生的是你愛上某過唔應該愛的人,例如妳想同林雪結婚生仔,例如我其實同吳君如個女已經訂左婚,又或者是工作上一些無奈殘忍的決定,難以解決的家事....這些「心事」,我們都不想,其實是不知道可以找誰來傾訴,因為都不是對象的問題,是實在太難以啟齒了!可是說不出口,但不停在心裡重覆徘徊的感覺,是沒有出路,是巨大的壓力,會容易變成仰鬱、沮喪,怎至燥狂的,所以一定要有方法解決!
鑽牛角尖的時侯,窮途沒路的時侯,問題還未找到解決方法的時侯,沮喪的時侯,狂繰的時侯....從前我使用的方法都係果個,『諗咸野』 咸者一些調品物也,可以提神,暫時紓援壓力,讓繃緊的狀態得以鬆馳,而每個人的受咸量不同,有時幻想一下你的偶像出現面前,已經是一種鹽花!這個方法一直都幫到我,直到最近我竟然發現方法無效!
一個方法失效,要立刻找到另一個方法,千萬不要抖纏於為何這個方法失效中,所以我無研究自己是否人到中年,年老色衰,分秘失調,我只集中安置所些不能說的心事所帶來的紛亂,就在這時間,腦海就再出現馬生的這個書名〈男人活該有心事〉,然後我整個人完全放鬆晒,仲覺得自己有型左,好有男人味,「有心事」証明我是男人,有心事是很Man的行為,心事重重是一種吸引力,活該有心事被美化後,心事就被淡化,大事化小,小事化無,就係咁簡單!呢個方法好駛好用,放諸四海,〈做人活該有心事〉,無心事反而先奇怪!
所以做人記住要「化」,簡化、淡化同美化,你就有心事都唔覺得有問題,如果你依然因心事令你不快,是因為你繼續覆雜化、戲劇化同醜化問題,那你是活該的!

17 comments:

Anonymous said...

T_T

~mo yung

Unknown said...

灘叔!!

咁岩我真係有心事
總把事情複雜化
自己一個人亂諗野
真係會諗壞腦

所以搞到呢排都有d 身體不適

可能年紀仲細
不能做到你個種簡化既境界

但睇完你呢篇心靈雞湯,好像輕鬆晒
男人就是有百多樣野要煩,要去承擔
多謝~~ 灘叔

Anonymous said...

Uncle Beach,

我係你粉絲嚟架, 我介唔介意我引用你呢篇文章到我個 msn space 度呀?

Anonymous said...

非常完全十分極之同意!!!!

unkle beach said...

Wendy ho

gogogo

Anonymous said...

好彩我係女人, 琴晚同人講完家中煩事, 舒服哂

Anonymous said...

這篇文好中我近年來的心態, 很少找到一個合適的人可以說心事了 … 喜歡這篇文

jpky2727 said...

BEACH,你心思思有心事?? 好Man既諗樣...唔好諗野啦呀呀呀...嘻~~

Anonymous said...

Thanks a lot Unkle Beach ^^

Anonymous said...

"...做人記住要「化」,簡化、淡化同美化,你就有心事都唔覺得有問題,如果你依然因心事令你不快,是因為你繼續覆雜化、戲劇化同醜化問題..."

I agreed so much with you! Thx for sharing Unkle Beach, you even made a woman feels much better...

unkle beach said...

林小姐

幫到妳真好

unkle beach said...

rockmansonia

鬆晒就正喇
高高高~

阿湯 said...

請問《男人合該有心事》呢本90年代之作後,馬導演仲有無文字結集?
謝謝!

Sav said...

Agree (again!). This is also 中女的心聲. I think this is a metaphors of growth... it´s a matter of more on age but not gender, indeed. When u were young you can always get "friends" (cuz冇特別要求)to listen to u or to 開解u ... u just need a blah blah blah night and all yr sorrows will be gone... hey but now ... more顧慮, more唔好意思煩住人... even yr better half ... u don´t want him/her to think "咦, 條友平時仲收埋幾多嘢?" ... 年輕 - 真係会强說愁 ... 現身為一條中菜, 就唔敢輕易愁 ... 只能將心事小心地擁入夢 ...

Anonymous said...

好鬆化的 OB...呀唔係, 係 UB 至真

哈哈! 恭喜你加入心事重重型男系列!

You reminded me of Mr. Kot, BTW, don't start smoking....

Chi said...

「想被人鬧」...睇既時候諗-點會有人想被人鬧咖?

但0.001秒之後我竟然也曾試個呢個階段。其實當時我係唔知想點,只知好煩,好想吐晒心中苦惱。但講完又講都唔得,仍然很不快。
值至煩到我好朋友頂唔順,鬧左我一餐勁嘅我先鬆晒!

人係有時甘蠢.希望有日我可以唔勢被人鬧都好以沒事!

Stay Cool Unkle.

Chi said...

Thanks to your article I realised what my friend needed y'day was 齋聽. and not 「聽意見」 which is what i normally do.

Thanks Unkle Beach for bringing this to my attention and allow me to be a better friend, the same one who "鬧左我一餐勁" before :)