9.21.2008

噢.....



本來呢個周末過得不錯,聽歌,寫野,睇電視,仲俾我撞到「李龍同李基」,很久不見,這一刻我仍然會邊睇邊笑,每次睇完都好想打電話俾子華,「嘩!我地加埋係好笑喎,不如搞多次丫....」,呢個電話我一定會打,或者大家見到佢幫我同佢講聲,「猜猜蚌~~」

諗住笑住睇埋車路士對曼聯,同埋家好月圓(我終於明白不愛運動的人,在奧運期間的感受!係好辛苦``!),但係見到阿慈呢幾日沒精打彩,周身無力,成日口擘擘,好似我地感冒咁款,即刻羅去俾附近龜佬睇睇,「下!?龜都會肺炎?!」


都話唔好開冷氣,但天氣實在太熱,阿慈你暫時抖抖,龜佬話三兩日就會好番,喎旦你!

14 comments:

櫻記士多*Ada* said...

阿慈:早啲好番,再咬過!!

pasLeSweetie said...

阿慈好乖嘅 好快就會好番 希望你唔會感到太辛苦啦

Anonymous said...

阿慈, hope you will get well very soon, your beach papa is worrying ar!

Anonymous said...

阿慈個樣好可憐
get well soon~

Low b said...

阿慈好慘啊! 開個冷氣比佢涼下會唔會好D舒服D?

Unknown said...

阿慈好可憐呀!不過香港既天氣真係令人和小動物感冒!阿慈要快的好番呀!唔好要亞灘叔担心呀!

Anonymous said...

Beach+李龍同李基 劲 ar 真系来多铺ar!!

Anonymous said...

猜猜蚌係我依家 bluetooth 個名, 點解你唔提一下坐坐卡呢....我都好期待男歌女唱可以出 part II!

小朱飛刀 said...

肺炎...?中暑似d....

Anonymous said...

-helenato-

放佢落水游吓,
咪無咁熱羅.
定係不如,
比塊小林退熱貼佢,
散下熱氣啦!
仲係口擘擘?
牙膠就唔慳得啦.

jpky2727 said...

poor阿慈...rest more la!!! Trust Unkle will take good care of you...looking forward to see you BITE BITE BITE again!!!!

Anonymous said...

你同子華加埋唔係好笑..係好好笑!一來我好鍾意子華,二來又夾埋你呢,好正! 另外有Ricky同Martin伴舞係超絕,仲要再加丁馬卡度..真係笑爆咀!

阿慈都係似主人型,唔嘆得冷氣...希望阿慈今日好啲喇!

Anonymous said...

唔關冷氣事,阿慈唔係溫血動物,況且自然界一日溫差10-20度好平常,一定係吃0左有「三聚氰鞍」做肥料的水果,所以塞住肺氣管引起肺炎。
唔好唔信,現在甚麼都有可能發生。

Anonymous said...

灘,我係銅鑼灣番工架,,得閒多d黎呢頭,等我撞下你呀,,哈哈!!!