9.14.2008

待妳好``



做女人好陰功,因為女人其實壓根底兒,做人都只得一個目標,「嫁個好老公」,首先唔好談論什麼是好老公,根本要搵個唔好咁衰的男人做情人都難,更可況是老公!「好男人都是了已婚,好男人未婚都是基的,不是基未婚的好男人都是舞男或男妓!」妳可能唔肯去承認,但到有一天妳不得不承認這是事實的同時,妳發現妳的青春美貌亦不在,妳最靚的時侯,獻給一個或多個PK、衰人、賤佬、西人....還算經歷過,最可悲是妳的青春美貌,都獻給了寂寞、孤單......然後...找不到人嫁,就嫁了給工作,以工作量,工作壓力去渡日,以為可以忘記自己生出來的目標,但偏偏世上有一個前生可能做了一樣比陳兆龍或蕭永芳更偉大的事,所以今世可以投胎變成李太的徐子淇,面對不可能解決的工作問題時,被老闆無理取鬧時,玩輸政治俾隔離組果個八婆時,匿埋係廁所喊乾喊飽,都會撫心自問「點解我唔可以有個老公娶左我,日日享揊唔駛做!」諗到呢一刻就仲喊得淒涼,因為想起春青不再,二十五歲才是男人至愛!

男人六十歲仍仍可以好有型,女人就比較困難,所以幸運的男人,係應該對女人好好,「要點好?」,好簡單,五字訣「咪就下佢羅!」

妹妹最近忙得不可開交,十日內要飛台北、上海、紐約,但不是點對點,是飛完台北回港再飛上海回港再飛紐約,舟車勞動再加不停轉時差,再加繁重工作及壓力,個人最近完全錯晒!基本上你講乜、問乜,佢都只會回你最負面的答案
「點呀?紐約之旅如何!」
「好辛苦!」
「果邊天氣如何?」
「好差!」
「差唔差得過妳D心情」
「我係咪要笑架!」
「SORRY....係估家庭用品!」
「你好幼稚!」

如果你唔肯「咪就下佢羅!」,來到呢個位一定已經爆發DEE爆佢!,但我唔會咁易放棄架!
「我幼稚都係為左襯妳之麻!」
「夠喇!你好煩!」
「夠唔夠D紐約人煩!」
「咁好難,佢地唔係煩,係串...好鬼岐視,妳問佢野,永遠話PARDON...PLEASE SAY AGAIN...搞到妳覺得自己英文好似好差咁....」
「咁靚唔靚仔?」
「咁又真係幾靚喎!個個D身型都好靚!」
「咁同意大利仔比起上黎呢....」

終於我見妹妹論盡世界各地靚仔的分別,英美意法日德韓上海美男子幫佢帶走大量負能量,然後我可以放心關心佢其他問題
「點解妳隻腳指會咁?」
「我上床時踢中床腳,反晒甲呀?」
「嘩!咁要唔要整容醫生介紹?」
「你留番俾自己旁下身」
「妳對鞋朵花好襯腳指塊膠布,好FASHIONABLE!」
「你唔恨得咁多,FASHION SENSE呢D野唔係個個有!」
「咁『SIX SENSE』(鬼眼)呢?我估應該個個都有!」
「我無喎!」
「真係『SIX SENSE』呢D野唔係個個有!」
「妳好煩!可唔可以講D有意義D O既野!」
「叫外賣食,妳食乜?」
「豬扒沙律!」
「嘩!點解要食同類呢?」
「唔夠妳食得 豬扒多!」
「我話妳係沙律左喎!」

係咪好無聊,係咪覺得好浪費時間,但再無聊再浪費時,都唔及見到一個女人從黑面菜笑番變回開心果!妳話個意義幾大!

〈咪對佢好D羅...佢開心D,個世界就會靚好多~`〉

30 comments:

Anonymous said...

Beach, you are such a sweet brother! :)

請問"好男人未結都是基的,不是基未婚的好男人都是舞男或男妓!"你係邊一個系列o既男人呀!? 後者!? 嘩!嚇走哂啲客喎~

Anonymous said...

Such a great brother:}} My best wishes to your younger sis!!
p.s. I like her sandols.

Anonymous said...

有頭髮邊個想食咖哩喎

~Alfie

Anonymous said...

高手過招!

Anonymous said...

灘叔,看了你的blog有1-2年了吧,從來沒留過言。但這次真的很感動。我的阿哥也是像你這樣對我。而我有位好同事,也會在我工作到很蒙,很累的時候,做些無聊的事情,搞到我笑番。他們兩位從來都沒有直接說過什末關心的說話。但總是無言無悔的接受我的黑面,還讓我由黑變笑。一直以來,都不知道他們為什末這樣做。直到看了你的文章,才知道,也許男人就是這樣吧。謝謝你,也謝謝我身邊的這兩位(雖然他們看不到我這段話)。會繼續支持你。

Anonymous said...

我沒有好哥哥,但有個好姐姐。^___^

櫻記士多*Ada* said...

咁...我得一個人點算啊,大佬!
搵鬼就我咩!!

unkle beach said...

邊個叫妳喊晒出黎呀!大妹!

Anonymous said...

你EQ好高呀轉數又快...同我細佬Kenny差唔多..勁!

Anonymous said...

唔係個個好似你咁識"tum"人ga ma, 都不知幾想有人咁識"tum"我~
不過都係算啦, 真係有人咁"tum"自己ge時候, 又會覺得佢口甜舌滑冇句真, 跟住就思疑佢另有所圗~
你都係當我冇講過野啦...

unkle beach said...

kathy,你唔開心咪就係因為妳想太多羅!

unkle beach said...

能夠同你細佬差不多,真細佬我o既榮幸!

unkle beach said...

alfie
咪搶野

jpky2727 said...

比十隻白兔仔你,a wonderful Brother!!! agreed, 女人係要錫既,對佢好啲,佢開心既話拱咪乜都DUCK囉~~ 不過,係應該大家千就, 拱成件事咪OK晒囉~~ ^.^

Anonymous said...

都係你勁d...
ah 唔記得問你食左月餅未呀, 如果未..記住話我知呀

Anonymous said...

如果可以有這樣的男人在自己身邊, 未叫做幸福lor.

Unknown said...

你講得好對....女人同男人的分別....在於自己的外觀...柏力...
但真係好難找到一個這樣的男人在自己身邊!!!點算好呀...

Unknown said...

your sis is so sw...eet.... 佢對你咪仲好, 清楚你食咁多豬扒, 關心你吸收太多卡路里...哈

pasLeSweetie said...

我鍾意補藥黨, 因為我記得倪匡講過 一本小說唔好理佢ge內容真定假, 最緊要好睇..

Anonymous said...

關心都需要創意,此一例既成功亦感動!

Anonymous said...

其實呀灘都幾勇
係比人狂話煩既時候
仲可以沉住氣,慢慢咁同對方傾
都係想對方開心返......
大家1言1語,有交流 有溝通
咁先係兄妹嘛~hahaa
有d人燥底,真係黑起面唔出聲架

Unknown said...

你個妹就好!! 我同我個妹會互食對方D脾氣同埋會玩沉默是金!! (不過係我硬食佢D脾氣多D, 鬼叫我係家姐咩!)
你得閒寫多D BLOG 或者出多D書 或者寫多D劇本就係對我地好啦!! (最好做哂以上架野!)

中秋有無食滯到?

Anonymous said...

雖然呢番說話聽落好似好無聊...好似無野搵野黎講...但我幾鐘意聽&幾想聽...係好sweet...

都好耐無人咁同我講過呢d說話lu...對上一次都已經2年前...

Joe C

Anonymous said...

灘叔你對妹妹真好
d對話係窒頭窒勢
但我覺得好sweet wor!

Anonymous said...

我覺得自己好幸福, 因為我搵到一個像你這樣會在我唔開心OR發脾氣時, 都會想辦法令我開心返的男友~~ ^^

Anonymous said...

好warm 呀

Anonymous said...

有你呢個阿哥真係好啦..

ss

Anonymous said...

灘叔:點解你寫野可以咁叻,永遠d gag可以咁好笑,個笑位咁準...

Anonymous said...

wish 妹妹 all the best, 我明白那肉赤

Anonymous said...

To my lovely but crazy brother,

LOVE-HUGS-KISSES

beach's sis