9.18.2008

我...我要`~



唔知係咪個市大跌,唔知係咪個天太灰,唔知係咪食左毒奶粉,唔知係咪因為腰骨太痛,總之今日合該有事;無端端下午唔駛開會,然後先發現自己原來一唔工作就無其他野好做,好失落!於是我撲番屋企,網都唔上開始工作,但點都唔想做,好奄悶!我又想起集體請假的念頭,但更想起因為請假而犯下的錯誤,總之做又悶,唔做仲悶!呢d就係傳說中的 「阿爺煮送 麻撚飯 」

最後我都上番網,先知道原來今日個個都唔多妥,原來係大氣侯影響,咁大家請放心,我保証過多兩日,到星期日就無事....

努力想搵d 好笑野cheer up下大家,但通常陪人買野,自己就買更多,陪人去報名港姐,就自己入圍,過大海求人命,到頭來自己輸最多....所以好快我就搵到令自己開心的東西!




浸浴係令我最快樂的事,講緊係自己一個人,焉鴦汽水 加埋我驚搞肚!但呢個堅係可以四圍去,羅出露台浸都得!正正正正!四正!





我要...我好想要,我好想要個男model咁樣身型,唔係我驚會俾隔離投訴我虐畜,係露台用缸水來浸一隻人型大肥豬!

9 comments:

櫻記士多*Ada* said...

哈..哈..哈..!人型肥豬浸浴我鍾意啊!
你浸就多條腸,我浸就多對燈;哈哈哈!

Anonymous said...

EEEEEEeeeeeeee......


~alfie

Anonymous said...

鴛鴦浴會攪肚...wakaka..我鍾意呢個..

jpky2727 said...

kakakaaa...save the world, and save the usage of water la, BeacH~~ ^.^

Anonymous said...

"人型肥豬浸浴"!! so hilarious:}}

Anonymous said...

你就係總之做又悶,唔做仲悶!呢d就係傳說中的「阿爺煮送 麻撚飯 」。
我就係總之做又死,唔做即死!呢d就係現實中的「阿媽燒衣 爸撚火 」。

告別雷曼兄弟,要去找安信兄弟了。

Anonymous said...

嘩, 好正, 邊度有得買呀?

Anonymous said...

你想有個流動浴缸g ma,好簡單
去玩具舖買個吹氣pool+吹氣娃娃
咁又可以浸浴,又唔怕搞肚lor

Anonymous said...

Hahahahahaha...
放假只一星期﹐成枱工作不知從何做起﹐又時差﹐又傷風喉嚨痛...
但睇完你啲blog又好開心喇﹐海灘﹐多謝!

Ps. 好羨慕你個妹﹐有個咁窩心的阿哥。
俾情人追時﹐乜sweet嘅話都講得出﹐乜都就晒你。 但情盡時﹐就乜都隨風而逝。
但親人卻是一世的﹐永遠在身邊﹐無論是晴是陰。