8.11.2008

UB40












『UB40』其實係一個組成不久的組織,隊員當然無四十人,組織最憎人問「咁出年係咪改名『UB41』?」,最鍾意只有一樣野,『吃喝玩樂,尋找快樂』,昨晚首次「大鑊聚會」,越大鑊,我越快樂!!




整到個心口咁unique,令到件事咁有團隊精神,要多謝『風之后』(最容易被風吹起之后)20周,係「易拎周」,唔係「2o weeks」,其實其他設計都好正,不過我比較守舊及個人主義,所以最後選了這個做校章,感謝妳,雖然我希望下巴位可以尖dd,不過更加喜歡妳個答案「你去削骨先啦~`」,連減肥都知我辦唔到,果然係了解我!再次多謝妳,雖然妳件TEE 唔同我地果件,CUTTING同領位都唔同,不過妳德高望重!係應該有個人主義,所以妳應該唔同我地!
「易拎易拎,唔會搵丁!」







又話公私兩忙,都唔明點解成日見到呢個「衰婆」,星期五輪到妳最主,可惜妳拒絕我地著組織制服去,咁又係,黑沉沉去送殯咩?!啋~~ 放心!會著靚D來賀爆妳!各位收到啦!





小紅係組織只有一個功能,就係發傻,妳一發傻,我地就開心,就算妳唔傻,俾妳飲多兩杯就自然勁傻,正!好可愛!

不過點傻都估唔到有人肯陪妳,隔離呢個「嘻哈友」叫SEASON,極小說話,同個名一樣,一季先開一次口,身份極神秘,每次聚會都不時走開,我懷疑佢可能係哥倫比罅毒販,無時無刻都要交收,大家知就算,唔好四圍同一講,性命攸關,自己執生!


ADA係組織「開山始祖」,為人冷靜與熱情之間,開心時會笑到失禁,遇到問題會冷靜處理,從不發放「負能量」,心地善良的大好人!







其實唔著件tee好似好睇d`~嘻







我的 JJ,楊門兩女將,JULIA同JOEY,其實分唔開邊個係家姐,邊個係細妹,總之兩個都係細過我啦!總之淨係見到佢地成日笑啦!總之我覺得JOEY 串串拱好正啦!



仲有angel、jessica、karen、阿柱、阿細、小朱..... 雖然妳地好小表態,但總之見到妳地係度就放心晒!呢D咪叫份量羅!




咁當然唔可以無左大會指定主持人UNGIE啦,雖然妳永遠唔FOLLOW我(們)所講,所做,但到頭來妳又會返到來大隊中,雖然妳夠膽約遲到灘皇,仲要遲我成個鐘,但係人都知妳係為左自裝蛋糕先會咁,否則妳起碼遲兩個鐘,雖然我好怕被女人控制,但凡事交俾妳去搞,又一定可以放心晒!感謝妳~~ 不好意思!害妳晨早拿禮物上電台俾晨運客以為妳係「湯寶如」,不過我估其實晨運客係想話妳似「寶佩如」,哈哈``








好似小朱咁講,大家能相知相識,真係好難得,更希望組識勢力越來越大,我會繼續努力! 希望大家繼續支持,想辦法加入組織,希望有天不再要好辛苦先求到人印二十件TEE,希望有天有過百過千過萬人加入組織,咁就開心到癲! 快樂是應該大家一起起分享的!

21 comments:

Karen said...

灘叔,
其實我一直都想參加你的聚會(為左見你), 但我又唔慣同陌生人接觸, 點算好呢?

pvc said...

噢..可惜我唔响香港喇 :(

個派對仲有埋Ann Choi加咁多灘友,真係高興!正呀 :D

SEASON係咪識講荷蘭文嗰個架?我見佢比你個生日留言係荷蘭文o既 :D

20 said...

我叫你整尖d塊面g ma~

小紅 said...

OH...no.......咁樣揚咗出嚟...

而家個個見到我都叫我飲多兩杯先好同佢地一齊玩啦....!!!!

唔得ga...我淨係飲可樂ga jar.....

HAHAHAHA!!!!

janjan said...

What a great gathering party!! Too bad, just like PVC, I'm not in hkg. But I'm happy to see all of you have great fun!!

櫻記士多*Ada* said...

你唔嚴成日比人鬧,我地都唔介意繼續愛多你80年架!

小朱飛刀 said...

to Beach:
估唔到睇到(或估到)朱寫乜,哈!

to karen:
呢到係一次生,兩次熟,三次...呵呵呵~~
自己爭取啦~

jessica said...

2008最"勁"嘅一晚, 好開心, 多謝各位:)

Anonymous said...

男男女女, 個個都咁正!

keep it up!

~艾菲

Angie said...

點解會咁架? 我點解無人通知有聚會架 ?

Ben跑的湯寶如 said...

昨晚 絕對是個夢, 下次我會叫埋寶佩如, 睇下係咪真係咁似樣!! 我發誓 有生之年打死都唔會上廣播道晨運....

Anonymous said...

HA...出現左兩次, 重以為灘叔唔知我叫咩名添~我都冇自我介紹過...HEHE...

ANYWAY, 祝你日日開心~

ANGEL

Sarah HO said...

Matt"
我又要,我要加入你o地o既大家庭!!!
咁我應該要點做呢?...

dolphin said...

點先可以加入架,點解今次冇人通知有聚會既,
好想去呀

Season 哥倫比亞銀行從業員 said...

其實我幫你瞄住下面有冇野狗隊出沒,加落去晒下件潮喪型IN WAY,游走在潮流百慕達三角的一架沉船上的戰衣,卻令你為我改編左去到放售美元,港元的層次,真係大叫一聲哇W0W,你無友達是幹FBI或CID的吧,面青中,請為我添些十八年,個Party等緊你地來放下悲傷,失落,寂莫,拎走快樂,衝勁,熱鬧,其他因人而異,到左先知道是人仔,還是港仔,等等,個買手吹我交收La,喂阿B幫我整兩排本地通用溝希它。

Anonymous said...

EE..真係改返我個名喎~~~ thx~~~ 我都係"猛車邊" 入會~~~

朱利亞~~

Anonymous said...

灘叔,
le 到.. 係唔係"牛之家"呀 .. ^^
睇你d相.. 好似係我上次用個間房..

Maureen Lai said...

wow unkle beach~

can i join ur party next time?

2030 said...

me too~
can i can i join your party nest time ???

2030 said...

Can i join too???

Anonymous said...

wow,how to join the club?wanna jion too!
sabear168@yahoo.com.hk