6.24.2008

你點睇.



好彩襯有太陽開心左兩日,世界末日前d天氣都會係咁,所以珍惜好天氣日子的一分一秒!大家聽日至小有半日假放,而我就要繼續打大風出發!真係諗起都開心!既然大家多半日假,俾d野大家研究下

同朋友飯聚,席中十多人,有男有女,年紀相若,其中一家三口,女兒剛十歲,睇住佢出世,睇住佢大,暗裡都算係我契女,我每次搞笑,佢都想死忍唔笑,但最終失敗後,笑完都會補句「Matt 叔叔你唔好咁低能啦!」
而近呢一兩年,佢開始簡化說話「Matt叔叔又低能!」,甚至試過極簡單「低能!」語氣是極之肯定的
差不多散席時,我同佢講笑「妳返屋企先啦,我同你爸爸去玩!」,佢立刻攬住爸爸話「唔得唔得!」 席上另一位朋友又撘嘴 「求下你啦!俾我同你爸爸去玩啦,玩一陣就返」 佢竟然放開爸爸然後說「一陣架咋!」俾人咁落面,我登時問佢「點解我同你爸爸去玩就唔得,xx叔叔就得先?!」 佢又攬住爸爸,係佢肚腩發聲「唔好要我講點解啦?」 「講啦!求下你啦!」 佢沉默了一會,猛然望向我 「我唔想你帶壞我爸爸呀!」

全場大笑過後,大家埋單離去,一家三口上車後,席上其他朋友立刻再次投入討論「點解個小小妹會話我帶壞佢爸爸!」因為就算真相是我帶壞佢爸爸,但無人講佢一定唔知,有人認為「佢係電視電影學番黎,唔係真心..」 又有人認為「是席上其他朋友有意無意間講過佢知!」 更有人肯定是「佢媽媽同佢講...」而我又有另一個想法,其實是真相,所以唔可以講出黎先,等大家估下,講下...

無聊夜,高高高!

16 comments:

Anonymous said...

在八號風球的一天出發,,,好呀,,在家可以專心啲聽呀,,go go go......

Anonymous said...

明天真有半天假. 不敢樂觀

係咪佢老豆醒佢知呀 ?
一係你契女出去wet, 見過你 ?

Anonymous said...

the little girl has listened 2 your radio program in the evening.

Anonymous said...

the little girl has listened to your radio show in the evening...

Anonymous said...

當小妹妹還是一粒精子時, 已親眼目睹她爸爸是怎樣被你教壞的.

艾菲

Anonymous said...

於是她力爭上游, 希望能親手制止你


艾菲

Anonymous said...

唔想距爸爸變低能!

牛奶仔 said...

明天真的會有半日假..... 呵呵呵

你契女可能覺得你個樣貌太.....
或者聽過午夜xx, 太咸, hehe

Jenna Michelle said...

maybe her daddy listen to your Sat nite show and she heard it too. That's why she thinks you are BAD!

Melody said...

因為你個名係uncle mad (matt)

所以佢驚你帶mad 埋佢daaaaddy...

XDD

Anonymous said...

唔通...佢有聽午夜閒談?

Anonymous said...

哩D野~有样锑既^^
或者会唔会系个妹妹仔都有听你做午夜闲谈 ar??

Anonymous said...

佢聽過你既節目?
佢睇過你本書?
你嘗試教壞過佢?

Anonymous said...

因為佢覺得成日講笑冇理正經就會帶壞佢爸爸!?

咁你會唔會開估架??等到幾多個comments至開估呢?

Anonymous said...

I know, let me take a wild guess.


BECAUSE Uncle Beach dated the little girl's mum before.

小秘書 said...

uncle灘
你會否同三姑一齊做嘩嘩嘩打到嚟呀?
好掛住你們呀~