6.19.2008

Happy Office Hour



我唔算返得office工多,就算有返過,電影公司的office跟正常有很大分別,正常OFFICE總不能是全間黑色,又或者全公司都是vintage傢俬...又不會有成塊面穿晒環,成呎高punk頭的女同事出現,又或者有著住舊tee 短褲,係公司做通宵的男同事...所以我原則上,係未見過真正office....

我估商台雖然係一個從事娛樂事業的大機構,但都已經好接近真正office,起碼呢度d公事檯,全部是又殘又老土,還有以光管照明,同埋呢度有好多 OL,咁係OFFICE喇掛?!

作為我呢D鄉仔,對OFFICE內一舉一動都相當好奇,例如我唔係好明點解會咁多人帶飯,我明白出去食又貴又唔好食,但困住係間OFFICE成日,唔想出去吸下真空氣咩?個答案是 「留係度上下網好過啦...」 「出..食完咪出羅...」「出去?!邊食仲要邊做呀!」,點解我知,因為我問班 OL羅! 二台OFFICE外是「叮飯位」日日留係電台做野,都係為左LUNCH TIME,等數以萬計的OL黎「叮飯」同「等叮完飯」,真係好睇過戲!





不過我最近可能望得太直接,仲要影埋相,有關OL只肯俾我望,但一見我行近,就會轉身擺人牆,仲一定要我離球十碼,否則俾紅牌,趕我出場!

其實我知道班OL並唔係個個都咁對我,我總覺得當中有一個至唔知幾多個,本來係唔帶飯,但為左每日可以係LUNCH TIME過黎見下我,所以自己學煮飯黎帶,但其實煮得好難食,但為左見我,難食D都要!
真係用心良苦,唔好再折磨自己,等我請妳食飯啦!我屋企都有D野食剩,我帶番黎叮俾妳食~~係咪好羅曼蒂克呢! 笑完!噓完!X完! 好死番去做野喇!(我最主要係同自己講!)

11 comments:

Melody said...

你令我諗起一套港產電影:-

"妄想"

哈哈哈x10000

pvc said...

hahaha我鍾意呢個post,Beach, you are back! well,你都冇走過! :p

响我呢度唔係間間老外公司都會有microwave,因為有啲人可能會叮一啲搞到成個office一陣味..例如鹹魚!? 我個佬個公司有焗爐添..不過我公司裡面只有餐廳同咖啡室,有時我都會好想帶飯..慣咗香港style..anyway

pansy said...

BEACH,睇黎你個自信返晒黎囉喎,,,,haha

欣欣 said...

話說,真係好多OL 都會帶飯。其實都有為數不少既男人都係帶飯。

女人帶飯,不不離因為出街食飯唔好味;出街又難搵位;喺公司可以同啲同事八吓咁囉。至於男人,曾經問過某啲男性同事,原因原來係 - 老婆叫。

唔係女人邊有咁多錢買衫買化粧品靚鞋靚手袋。

哈..俾著我見到有個人明明唔係叮飯都走黎影相.實叫佢扮吳剛,幫手攞啲熱辣辣既飯盒出黎啦。

櫻記士多*Ada* said...

灘叔:
愛死你句"好死番去做O野喇"哈...哈!!好似我老細啊! 老細我要收工喇....!!

jpky2727 said...

灘叔, 煮埋比我食DUCK 唔 DUCK?? ^_^

Anonymous said...

答案是
1) 留係度上下網好過啦
2) 出..食完咪出羅
3) 出去?!邊食仲要邊做呀

仲有係 :
留番响自己位,一路食,一路上網,證明我冇出埋去講是非

scarred v said...

呢班OL小姐啲飯盒都好大吓﹐幾好胃口。
嘻嘻...

wangelau said...

有陣時成日叫外賣,都唔知食咩好!!
傷腦筋呢~~
係~ 係有十幾廿款俾你任揀~~
但係十年如一日都係o個幾廿款呢~~ 唉~
帶飯,係等自己唔駛選擇咁多~~

Sheila said...

Beach, 對我這類有特殊身體的人是必要帶飯, 皮膚敏感和腸胃敏感是避免在外用膳, 另外, 出到外面都唔知道叫咩野食, 我寧願留在office中啦, 難搵位呀.

Anonymous said...

廣播道有鬼嘢食咩!
下下落樂富或九龍城,
不如早啲食完瞓個靚覺好過啦~
仲有,商台唔單止係一個好office嘅office,
仲係一個好chinese嘅office,
我指啲corporate culture.