6.09.2008

藏交



曾經我也是一名「收藏家」,雖然我收藏的,並不是人家那些價值連城的「名畫」、「名車」、「名錶」、「名酒」,我收藏的,只不過是一些雜誌,一些cd、一些火機,但在我心裡面,這些東西都是無價,比那些「名咩、名乜」高很多個層次!但我怕追求無止境的東西,會令我感不安,其實你大陪份時間花在那些「珍藏」上,都不是欣賞,而是「如何處理」它們,終於你找了一個風水地安葬佢地,例如櫃頂個膠箱上面,例如床下底最埋入去要爬果個角落,例如索性放佢地入寶福山大型迷你倉...無論咩方法,都係唔捨得唔要,但又唔知放係邊,最後搵到個位放好就以後都唔會再望一眼,有人話留番老來慢慢回味,咁點解要佢地呢二三十年失晒應有功能,終於我「噹」一聲參透左玄機,我將我所有囍愛的收藏,都送給人,「記住再送俾人,叫佢好好保存,我們老來再見!」,本來訓係寶福山,家下有得四圍去,給不同的人欣賞,佢地個個都重拾青春,精力充沛,MC HAMMER再跳起舞來,火機會再次「有火」,DVD內的大名星,再次有表演的機會....原來你肯放手,佢地仲有大把青春....「放下自在」

很快又會有新一輪的拍賣會,我還想出一個好玩的方法,『COMING UP~` THIS SUMMER~` BEACH DUTCH AUCTION~`』 係咪好似D荷里活大片預告旁白,請留意影期!

我現在唯一會收藏的,是其他人的故事,其他人的收藏,就像我有個親人,佢最鍾意收藏「咕旬」、收藏「鬧鐘」,基本上佢間房,D「咕旬」係可以做到「波波池」效果,佢D「鬧鐘」,多到可以三百六十度圍住張床,但無天只會用一個,每晚只會攬一個「咕旬」;我又有個朋友從不飲酒,但專收藏我飲完的酒樽,啤酒除外;又有人喜歡收藏「搖酒捧」、「酒店拖鞋」、「杯墊」、「音樂盒」、「玻璃樽」、「安全套」、「衛生巾」....你又有什麼奇怪「收藏」,不如我地交換一下~~至小文字上交換一下,高高高~`

PS:好多朋友都以為我現在收藏WHISKY,其實只不過係當人一開始老,就會有人送「酒」俾你做 禮物,應該
係想對方飲多D,快D死~`

18 comments:

Anonymous said...

Wa~~咁黑心ga您~~
送酒俾人等人快D香~~
不過我想快D死Wor~~
就送枝過我La~~ =P

Anonymous said...

PS. 最衰今日先睇到您個Post~~
我有枝放jor成2X年(我出世o個時屋企買gei)XO早幾日開Jor~~
If not交換飲都正La~~

Anonymous said...

我有收藏郵票同貼紙~
逄星期六買旗唔係為咗做善事,係為咗張貼紙~ 哈~
之前有搜集過大口仔o既貼紙~ 因為佢地每出一次都有年份紀錄,包括hello kitty都會有年份紀錄~

Anonymous said...

我都係一個婆仔,我啲垃圾end up喺迷你倉。 包括相片、齋買唔睇嘅書、睇咗又唔捨得掉嘅書、旅行時買嘅手信、同學朋友們送嘅禮物、太大嘅旅行筴、郵票等等。
唉,放唔低嘅身外物。

Jenna Michelle said...

我收藏shot glass 架! 每去一個國家or 城市就買一個. "冷"有紀念價值... 但係其實屋企無位擺, 全部都放喺櫃內, 不見天日.

Anonymous said...

收藏甚麼?出發點都是回憶或保值,但不要去收藏自己or別人的缺點就好!
至於"鬧鐘"...如果佢五行屬火,咁都幾麻麻地下;或可能佢係冬天出世,自已潛藏力量,要去找出一個平衡點,所以特別喜歡"鬧鐘",但太多鬧鐘在房間內,始終不是太好! ^_^ << 迷信

jpky2727 said...

哈,每個人都有自己獨特既喜好,鍾意收藏乜都無所謂啦~ 我都有喜好,以前好鍾意收藏'周慧敏'既寫真集同佢啲YES Card...因為,到家吓我都係拱鍾意佢,個樣無變過,Amazing!! ^_^

Anonymous said...

我細個試過收藏唔同既公仔鉛筆同埋拑芯筆筆心筒~~~

Anonymous said...

我收藏電影票尾

初初以為呢個習慣唔會維持到幾耐
(因為之前有試過收藏杯墊半途而廢...)
但原來唔覺唔覺都維持左十二年喇

票尾勝在易於存放
兩大個鐵盒已經可以儲存到n張
(未數過,亦唔打算咁做...)
雖然咁多年來攞出來欣賞o既次數少之又少
但每次睇返都會好開心
又會諗返起每段時期o既人和事
好似記返起:
「原來我o個期成日約呀邊個去某戲院睇戲~」
可以話係我記錄生活o既一種方法~

Anonymous said...

灘叔,
送個古仔俾你冇問題, 但個古仔由七幾年講到ニ千年, 我怕我默完出黎可能係幾年後... 故事大綱收唔收?

Anonymous said...

郵票同人地ge字跡

CellCell said...

灘灘叔~
咁你唔好飲呀~ throw them away!
我唔想你死住! >_<""

Anonymous said...

我最鐘意收藏明信片.. 每次旅行都會去到當地寄一張比自己..仲有就係儲睇完既各類型既show同戲飛..時間耐左都記得曾經睇過去過咩野show...有些事境人是可一不可再.例如和初戀男友看的第一套戲.特別有紀念價值!

Anonymous said...

其實點樣適當儲存收藏品都係一門學問。曾經儲過M巾,結果……有蟲!

Anonymous said...

Please check email.

Anonymous said...

我近年喜歡儲錢,咁係咪要......!

carolpoon said...

入場劵

Anonymous said...

几时拍卖会?我下个礼拜去HK公干,希望可以去到la