6.01.2008

你喇沙~`




我想去「如心廣場」好耐,好想知道呢座龔小姐最後傑作,究竟有幾「傑」





有幾「傑」我唔知,我淨係知道好「暈」,個酒店大門口毫無方向指示,人車搵路,好容易撞到你暈


















果頭暈醒,上到大堂,四四方方,仲要有鏡,問間餐廳點去 個recep靚女話「左面」,我轉頭,面面都係左面,可唔可以請個escort帶路呀!




千辛萬苦搵到架lift,個神稍稍定番d,一入到lift又暈過!家下去食『自助餐』,駛唔駛咁迷呀?!唔係去clubbing喎!



終....於嘔住去到餐廳入口,「嘩!」 醒晒!估不到荃灣亦有咁grand o既地方!然後走到餐廳內......
而自助餐的水準.......

最失望的時,我竟然遇到佢!



一個看來廿來歲,戴著黑色粗框眼鏡的潮童,他在這裡負責為客人煮麵,我點了一碗「素翅+日本魚蛋」,他以極熟練手法,不出一分鐘已經為我煮好,然後他問我「湯要唔要辣?」 「點辣法,係咪咖哩咁一pat醬?」
「唔係,係馬來西亞喇沙....你喇沙?」 「嘩!」我懷疑只是自己敏感,以對方年紀,「初戀無限Touch」上畫時,佢應該得十一二歲,未必有睇過,但我心係咁諗,把口就即答 「我喇沙,你喇沙?」 我見到杯「素翅+日本魚蛋」係咁震,原來條潮童忍笑忍到震晒,終於都笑左出黎,半秒後佢笑到收唔到聲咁話「sorry!我換個碗俾你!」

哈!「你喇沙」 真係玩十年都咁開心!感謝潮童你令我醒番晒!





點知臨走去個廁所,又俾呢度d設計激爆,洗手碗係尿兜旁,仲要疏罅,咁如果有人在旁小便,我就唔可以垂頭洗面,否則你塊面就會同人家陽具好接近,呢d係咩設計黎架!『你喇沙!』

20 comments:

Anonymous said...

灘叔,我都係好細個,十x歲,不過好記得你做過既戲,潮童點解有睇初戀無限touch ,..係因為細個睇cable,成日播~仲有你做既阿李爸爸兩個大盜~~

Anonymous said...

咁碗素翅+日本魚蛋好唔好食呢? 其他食物又OK嗎? 值唔值?
每天經過見到的地方都未入過去。
我諗個toilet designer有特殊嗜好... Hehe...

jpky2727 said...

Poor Mr. Chow...what a nice experience, ehheee!!!!

Anonymous said...

hahahahahaa~
我今年18歲~
我都有睇過wor!
但係唔係係戲院睇啦當然~
真係到宜家都係咁搞笑...

Anonymous said...

既然係咁, 你隊個頭去個尿兜到洗面咪會安全d囉!

呀Fie

3 (avis) said...

你過一過黎丫... (入樹叢)
你喇沙丫拿?!! 你喇沙丫拿?!?!

唉次次食喇沙都搞一次呢個「你喇沙? 我喇沙!」gag, 我幾年前已經唔敢再搞喇, 驚俾人真打...

(btw我想問你當時被wyman打, 係唔係好爽? 呵~)

Anonymous said...

你睇,粉絲遍佈全港九兼男女老幼都有呀!

繼續多正創作,再多幾十個十年都掂 :D

Melody said...

哈哈...beach...
經典既戲及場面....係唔會有年齡層既界限的...

btw..廁所果單野..我諗一係個designer本身去完廁所係唔洗手的...一係佢就係一個環保人仕..希望大家可以用少d水..

不過最大既可能就係...佢以前應該係設計gay bar既廁所多...hahaha

Anonymous said...

遺產承計人都未知係邊個,未求其做住先啦,唔係到時做旺0左個場,一個唔該就送0左比人;所以宣傳及增加硬體都好小,遺產托管人都會話:「多一事不如小一事」。
有見及此,間酒店名就叫做「L'」,求求其其就算,不過唔知係唔係睇緊"死亡筆記"時度出來的,還是要暗示些甚麼呢?

Anonymous said...

你喇沙? 我喇沙?

應該再加:
我喇沙D

我都睇左初戀無限touch超過30次... 太愛看了

Anonymous said...

唔好意思,想問下灘叔,果度既buffet掂唔掂,因為有老人家o係外國番香港,會住果間酒店,如果buffet ok的話,想近近地帶佢地去~~唔該~~

unkle beach said...

我覺得唔掂!

Anonymous said...

L
I
F
T

Anonymous said...

之前成日都想係荃灣既街頭撞下你,
今日, 終於比我恨到啦!yeah!

其實我真係你fans 黎架!
見到灘叔, 原來係咁開心既一件事!

Anonymous said...

你喇沙? 我喇沙? .......真係仲玩緊架......哈哈哈 !!!!!

sugar19sugar

Anonymous said...

-helenato-

我都成日落荃灣,
如心廣場,
好少去.

Anonymous said...

要到厠所一遊了

Anonymous said...

你喇沙我喇沙!真係好正!乜個潮童咁到位既!!我話俾你知,呢句算係周生你既代表作!! 第日,人地講起周海光,我就算唔記得其他野,都記得"喇沙"同"晴朗"!!哈哈XDDDDDD

Anonymous said...

人地唔係潮童,但係潮州兒童XDD
佢係唔係師傅黎架?聽落好似好細個喎
定係只係1個煮麵既熟手黎?

以家3更半夜....勁想食野呢!!
有得飲素翅湯就好啦!

Anonymous said...

灘叔...
下次再遇到『喇沙』事件,咪再嚇親人o刺。其實,灘叔o既幕前演出我佔都差唔多睇晒,睇第一套係電影「百份百感覺」,仲係o係旺角金聲戲院同呀哥&家姐睇(小妹當年係謮F.1),你o個個冬菇頭,真係正到爆!

到近期o係now 139台,o個套「妻骨未寒」,我都有描過小小。

都算係咁啦,睇咗你十幾年lu..哈哈