11.06.2007

鼻毛可避




十年唔執房,一執竟然俾我發現仲有「餘黨」!

「你離開了卻散落四周...」

我第一個鼻毛刨,是邱淑貞送的,九六年成田機場,我們拍罷百份百岩feel日本外景部份,回程時,小編劇的我因好奇想買一個鼻毛刨玩,盤算過手中散銀,竟發現爭一百YEN,四圍求救之際,轉身就見到邱小姐,她即問我『爭幾多錢?想買乜?』,我本來想說『爭二十萬...想買架車..』但最後我摸摸個鼻,佢就送左呢份禮物俾我,真係觀人如微 !

我其實唔怕人鼻毛長,我只怕人當眾用手去拔,仲要同場上演痛到入心果個表情,再加「殊殊」聲,何止嘔心,肺、肝、膽、胃,嘔得都嘔晒出黎!

各位男仕,如果發現鼻毛出晒界,記得冷靜,搵個無人地方,如廁所先慢慢攪掂佢!

10 comments:

Anonymous said...

我個friend 某年X'mas買黎做交換禮物^^結果...一位年輕美少女抽到!!

櫻記士多*Ada* said...

這些咁sweet既野都係自己(柄埋一邊)做好d!灘叔...你重有利是未拆喎,你咁忙不如我幫你拆啦!he...he....

Anonymous said...

-helenato-

乜話?
d鼻毛出曬界,
你一d都唔介意?
但凡係毛髮
修修佢好d啦!

Anonymous said...

這東西還是第一次見........


題外話:
灘叔,自從呢度轉左新版面後我完全睇唔到右手邊的留言版,可否搞搞佢呢??!!

Anonymous said...

咦,仲以為你真係去旅行沖沖電!?

傷心去旅行係件好事嚟架喎,過一過另一邊啲磁場吸吸,有效架喎! ;)

Anonymous said...

如果友人出現此情況,我一定第一時間話佢知,叫佢收返埋先...

Anonymous said...

灘叔你又會咁好笑想買個鼻毛刨玩下既xd
不過個鼻毛刨個樣好靚仔!!!!

Anonymous said...

我之前中5時的1位同學又係鼻毛過長....
佢剪左過左1排又露哂出黎....
佢都唔知係未剪得個小小....
有時食飯坐佢格離見到1條好細的毛都幾....

Anonymous said...

將呢舊野塞入鼻孔既感覺係點?

總覺得過程與同女性自慰有點相似...

Anonymous said...

由玄學角度睇,鼻毛外露係會破財架!!所以記住剪左d鼻毛至好去賭錢呀~~~