11.11.2007

因為快一步,所以悶多一些





我上個月已經看了「神探」,當然比起威尼斯同多倫多影展睇左o既朋友黎講,我都係遲,但相比一般觀眾,我都係先睹為快。

韋家輝先生係香港當今我最欣賞及佩服的「編劇家」,我不會因為他近年轉拍「商業喜劇」而不屑他,他做每一件事,都總有原因,久不久仍然有部他編劇的作品,已經心滿意足,若不夠,就重看他從前的作品,任何一部,現在看仍然是「經典」,很認同黃子華對他的形容,他並不是一個「編劇家」,他是一位「哲學家」

「神探」劇本精彩之處,讓我一邊看一邊祈求,他朝有荷里活片商會垂青,買下劇本重拍,原因是今次韋生玩「每個人都有好多面,有好多個不同的我圍繞身邊」,劉青雲能看到別人這些不同的我,而導演亦安排了不同角色擔演這些「我」,但個人認為,用「林雪、劉錦鈴、張兆輝等演員」,雖然演技出色,但如果換上大名星客串,效果會更好,就等如「博擊會」內,edward norton自己幻想出來的人物,都要找brad pitt來演,如果有朝一日,brad pitt做林雪,scarlett johnson做劉綿玲,jake gyllenhaal演張兆輝的角色,而男主角就換上Johnny Depp,然後再加大拍攝的budget,我相信可以把劇本發揮得更淋漓盡致





上星期,我仲睇理「撥名狀」,慘~`呢兩部我最想睇o既電影,咁快就睇左,咁呢兩個月我又小兩個節目!我真係唔想睇住架!同陳可辛開會都刻意唔提,就算佢問我「睇左我部戲未?」,我都會話「好丫,下星期無咁忙睇」輕輕帶過,拖得就拖,就係唔想咁快左,到時又小個節目,直至某日下午,電台有人打俾我話「陳可辛想邀請我下午去睇投名狀」,我即時笑左出黎,佢搵我睇駛唔駛咁覆雜,要通過商台搵我呀,肯定係有關方面搵唔到人,臨時臨急搵我,又驚唔好意思,咪搵個「大」O既黎壓我羅!我睇穿晒啦!所以我其實係得閒,都話「下?!你而家至同我講,你估我真係無野做架?!」,終於商台幫我婉拒左。

兩日後,我收到陳可辛電話,佢第一句就答「喂!你仲唔睇我部戲?!我同電台開名叫你黎睇你都唔黎?!」「下?!真係你叫架?!」 「商台做宣傳要睇,但邊個黎睇,要我批准架,佢問我,我咪話叫鄒凱光睇羅!」

就因為咁,係呢個電話之後三小時,我就幫自己十二月減小左一個節目~~







不過有得必有失,係一間咁好設備的「播影房」包場看電影,會令人對電影再有憧憬,亦正如電影內李連杰的角色一樣,我需要的,就是像他一樣的首領,我望見我上面D人渣靚車,著靚衫,我先有動力向上,俾心機做,但現在我們看到的,都是為口奔馳,又或者當電影是副業,炒股才是正職的電影老闆,大家點會有心機去做,點會有做到好電影!

Sigh~`






兩小時十五分鐘,我被李連杰迷住,原來演文戲可以這麼利害,他活在這個角色內,相對地,前半部劉德華就比下去了,幸好後段導演悉心安排下,總算挽回失地,至於金城武,當佢把所有鬚子刮掉之後,我好大聲咁講左好多次 「嘩!真係好靚仔!」,其他已經唔重要了!還有我一直覺得是未來張曼玉的除靜蕾,雖然最尾一場有點失手,但如果你是第一次看她演出,佢演出已經可以令你立刻有興趣去搵番晒佢曾經拍過戲黎睇....

真係慘,個熱情早其他人咁多發放,就好似中秋節大家玩緊燈籠,但我就扮聖旦老人出黎派禮物,食火雞一樣,人家唔當我傻,都唔知可以俾咩反應我,鬼叫自己快過人咩! SIGH``

12 comments:

CHLONA said...

灘叔你好岩做影評,講d野好到肉
不過你依家講哂出黎咁我地睇咩=vvv=

unkle beach said...

下?!

我咁都叫做講晒?!

scarred v said...

會唔會喺戲院睇電影好feel啲呢?
那個投射螢幕好似細咗啲。

我都幾鍾意徐靜蕾﹐睇過佢啲電影﹐最鍾意一個陌生女人的來信﹐因為我都鍾意姜文。
我仲有幾隻佢拍啲碟﹐但未有時間睇。

小紅 said...

嘩!咁快就睇咗兩套片... 我妒忌點解你咁快可以有得睇~~~

CHLONA said...

估唔到灘叔你應我喎xdxd
唔係...
只係我妒忌你有免費戲而且咁快有得睇...

佳佳 said...

唔好中佢計呀!

你睇下佢一副「言若有憾,心實喜之」既衰樣!

明明早過人睇好戲爽到死,
仲放上blog晒命
似足中學果啲高分低能話︰我唔想架,我都冇讀,唔覺意考左第一喎!

仲響度hehe鞋鞋!
最憎呢啲衰佬呀!

unkle beach said...

佳佳:
你當我第一日做呢行咩?!十八歲呀?!仲搵呢d野黎晒命?!

做電影人,根本永遠得唔到做一個普通觀眾機會.....你明嗎?

Candy said...

灘叔唔好咁寸好喎~~~

unkle beach said...

candy

關於邊方面?

Frankiewoo2001 said...

灘叔,神探據聞已經有荷里活片商垂青勒!呢套我都好期待!

佳佳 said...

wakakakakaka
好啦好啦,你老行尊你贏啦

jl said...

雖然好掃興,但我實在不能不說,
作為一個文字人,灘叔,你的錯字實在太多了~