9.14.2007

It's My Life!



『就算天空再深,看不出裂痕,眉頭亦聚滿密雲~``』


每次經過這橋,總會哼起這首歌,當然是黃耀明的版本,而每次我都覺得咁做好「娘」,但下一次又繼續再做,Thar's Life!重覆犯同一個錯,然後每次也跟自己說,下次不要再犯,然後再犯,再後悔,再犯......最常見當然是在感情事上,何只明知故犯,簡直是存心有計劃有組織有目的全方位全力以赴翻箱倒箧家財耗盡去搜尋所有重覆錯誤再犯,cest la vie~~`







山窮水盡的時侯,我就會去機場走一轉~~













架新車得唔得?



呢位才是真正車主!我自己就鍾意佢另一款型號多d~~



呢位車主,心腸好(架車一落地就俾我試車),所以好靚仔,btw,呢張相是近期我最喜歡的一張相,正!





做人「悶」的原因,通常因為生活悶,工作悶,感情悶,無聊悶,呢個時侯,就會有人走出來說「去旅行散下心,充下電啦!」,然後你有股從心裡面撲上頭的怨氣,化成比雷龍更兇殘的眼神,四處搜尋先撩者賤的人發炮 『我唔想去呀!?有時間就無錢,有錢就無時間!』 ,可惜這種「先賤者」經過長期訓練,未講完已經逃離現場!

無錢無時間,也可以去旅行的!不過唔入閘,係機場行個圈,見盡離港,到港不同人種,心情,態度,只欠風景,名勝?咁上網「單撈」落黎睇住行羅!我夠想像力,所以只要見到人就滿足,不同的人有不同故事,性格,打扮.....無數悲歡離合,奇人奇景.......做人咁悶,都是求這些「refreshment」

除了看旅客,當然還有不經意〈目及〉靚女 啦!(如何不經意請睇今期「號外」,我在訪問中提及過),成個人醒晒!!!







『這生活你我心醉!』 每次我都不經意哼起這首歌





靚仔車主雖然每次都叫我「呢d生活唔好同其他人講!」 但我又覺得並非一定要有車,閒日請假去做,幾十蚊車錢,地方夠大,有冷氣,有無數人你睇,然後又可以過去東涌食比機場平宜的東西!我極力推介,拍拖者首推! 高高高~`

我星期一會再去,不過呢次並不是入去行`~`

13 comments:

Anonymous said...

我意為靜係得我一個會做d甘既野.... 點知原來你同我一樣...都係傻既

我重要係單拖
http://hk.myblog.yahoo.com/bo-blog/article?mid=519&fid=-1

Anonymous said...

灘叔:你睇中雪鐵龍邊部呀?

櫻記士多*Ada* said...

灘叔 :
咁你去做咩呢?唔通你.....
好似每個人都有一處"聖地"有咩諗唔通都會去一去,高興又去一去;我都個(南Y島)...

Anonymous said...

東涌有咩好食呀?推介下丫~~~~

Anonymous said...

原來你都會咁做,我頓時放下心頭入面怕比人話我低能既大石

Anonymous said...

你好,我們是一個華文聯播網站www.mix-blog.com,誠意邀請你加入我們的聯播大家庭,有空請來看看啊!^.^

Anonymous said...

好鍾意你同架車合照果張相~~
好有feel呀^^
等我得閒又同男朋友仔去hea下先~~

btw...想問下你有冇聽過MTR song??
http://www.youtube.com/watch?v=stcomlsP8C0
幾得意~~
每次聽完都會笑

小朱飛刀 said...

"存心有計劃有組織有目的全方位全力以赴翻箱倒箧家財耗盡去搜尋所有重覆錯誤再犯"...何止你一個...共勉之!

Anonymous said...

灘叔叔, 我每當心情跌到谷底之中的谷底, 也就會到機場走一轉, 在那裡待半天, 甚至於祈禱室祈禱。

前年、去年、今年都有這樣做, 時間總是在夏天。

機場給我很多很多旅行的回憶, 在那兒, 心境特別平靜, 有利反省。

Anonymous said...

life is complicated, if everything goes smoothy, there would be no fun, no gain; you would just let it go, and did not put it in heart.

如果一個人會悶,就證明佢好空虛。唔使去旅行,唔使'refreshment', 做d有意義0既嘢就會充實d.

世界真細小,我係細細個果陣就係兒歌度聽講過,即使妳聲稱已經'環遊世界', 但係總會有一個地方無妳0既腳毛。點解唔放鬆自己0既眼睛,多畱意身邊0既細節,多接觸別人的世界,咁樣多角色人物0既交集,一定會比簡簡單單地去'睇'下,'影'下相咁0既'出遊'會有趣得多。

人生得意雖盡歡,莫花金錢去遊玩。
身徬時時有新事,睇妳有無去畱意。

點都好啦,有個好0既partner,係天涯定係海角,根本無分別...

Anonymous said...

呢種"旅遊"都幾好,無論去機場係自己出境還是入境,感覺都會好特別,會有開心會有傷心..
噢,仲有,既然你間唔時鍾意去機場走走的話,我返香港時,等你順便兜我哋一轉由機場出市區吖 ;)

Anonymous said...

灘弟,
你下星期一外遊放假呀?!本書放了上去給你啦! 唔該呀! 如果真係外遊便玩得開心oD!

Anonymous said...

海灘,

你同你個friend,兩條麻甩仔真開心,無無聊聊走去機場又"hey"一日,可以咁輕鬆做一個"閒人"真係唔係咁輕易喎,好好享受吓啦~~你遲吓再紅D,就無得咁自在啦喂!