9.18.2007

堅持......自己




得知Jeremy Piven係emmy拿了最佳喜劇男配角,好開心,真係好開心,成套〈ENTOURAGE〉內,我最喜歡的角色就是這個經理人ARI,口賤黑人憎,自私自利無人性,好勝但愛惡分明.....基本上人類所有缺點佢都有齊,我認為佢只有一個優點,就是「堅持」,「堅持做自己!」

就算山窮水盡,他被公司開除,他要求一直被他無時刻揶揄的華裔男同性戀助手跟他一起離去,助手一臉別扭地要求 「跟你走都得,但你要應承以後唔准笑我gay 佬!」 ALI毫不考慮便說「NO!」但應承以後講完會道歉! 哈哈哈~~這就是「堅持」的可愛和值得尊重的地方,不論男女,可以堅持到底,真!正!型!

到後來,ARI最大的客戶兼死黨蟬過別枝,ARI患上抑鬱症,症狀是「對人友善,陪家人,不忍心下手炒人,鬧人,關心敵人所想......」 ALI無法接受自己的改變,要睇心理醫生。 哈~~好正!

做人做唔番自己,是一件好痛苦的事,但往往「自己」就只有自己才可以接受,於是為了生存,我們都不知不覺去「改變」自己,去適應大眾,然後夜欄人靜,就會因尋找自我而迷失,失落,沮喪,發現自己根本接受不了自己的「改變」

你是「高手」,當然可以揀選人一個可以令你生存的角色去演譯,但如果你是「超級高手」,你一定可以做自己而繼續生存下去,可能還可以生存得好好!所以我永遠不會怪責高層的「殘酷不仁,陰險毒辣」,如果他們是靠演譯,配服他們的演技,如果是做番自己就更加要服,世上有什麼是比全世界在罵我,但我搵錢多過你五百倍,我的付出就是堅持做自己!這就點解你做唔到高層,而佢做到原因...

我不是高層,但我希望做到「自己」,但坦白講,用左二十幾年時間,中間經過無數翻來覆去,自我討論,我仍然只敢膽講,我有一半時間是做「自己」,其他...就好似黎緊星期五,我要出席一個FUNCTION,做「自己」就打死都不穿西裝全套(OR至小半套),但又會回心想,怕不怕不夠莊重,到頭來見報的,下面CAPTION都是寫著「XXX盛裝到會,明顯尊重大會...」,做自己就繼續是那個有份到,無人知的幕後人...然後我再想,可以見報又如何?如果我穿上自己不喜歡的衣服,影出來的相又會好看嗎?但其實我知道什麼是適合我嗎?就是因為自己不夠斤兩,才要其他東西的添加,強行做自己咪變左「不自量力」?

繼續想,繼續有一萬個問題彈出來,舊數未清,新數又黎,煩惱就是這樣形成!呢一刻,我夠膽同大家講,我是做自己,因為我是不設實際和逃避現實的,為什麼會寫這篇東西,因為我逃避去趕劇本,簡直是「病態」!小朋友同大朋友,就算全家一齊陪伴,都唔應該模仿,要堅持做番你自己~`

17 comments:

櫻記士多*Ada* said...

灘叔:
諗唔到索性比自己逗逗!霑叔首(問我)當年都係比人追斬下出世,我諗你到o個刻就有好野出架喇!

Anonymous said...

十三郎話齋「學我者生 似我者死」, 張一套唔屬於鄒凱光既西裝變成一套好鄒凱光既西裝甘咪得囉! 我十幾年前已成日箸旗袍返工.... 都吹脹好多人嫁... 但又冇人敢gut 我, 好裝重壓!....

(BTW 你可以試吓箸長衫丫! 再唔係台慶嗰套都好襯你呀!)

Anonymous said...

寫得好! 哈哈哈, 有時人係需要改變, 呢樣野我都係近呢三五年先發現到! 要人喜歡自己, 最簡單就是做自己!

Unknown said...

I love to watch Entourage too. I think his name is Ari, not Ali. By the way, Johnny Drama is funny too.

Anonymous said...

我就堅持唔擦鞋,唔埋"對",冇人照都唔驚...

Anonymous said...

我信性格可以改變命運

但我覺得做返自己更加重要!!

當我為左令自己變得更強或成功時而去改變自己既性格

改變過後,當一切變得完美,但那個人已經不是我了

"我是做自己,因為我是不設實際和逃避現實的"呢句都係我既寫照喎~~

Anonymous said...

堅持做自己? 但如果知道自己未夠好都要繼續做那個未夠好的自己??

Anonymous said...

有無得做自己,都係取决於「有求」定「無求」,所以無得做番自已,其實都無セ大不了,点解?因為要做到無求,簡直重難過登天啦,你話係咪?!

灘叔,比心機寫劇本啦,等緊你D傑作架!

Anonymous said...

細個嘅時候以為堅持做自己就係講句:“我就係咁嘎喇!”(sometimes後面會加多句“咁點丫?!”)
但長大之後發現,堅持做自己往往係由開始嘅時候唔堅持得嚟嘅正果。勉強去改變自己、迎合別人,反而更令我地知道自己嘅底線同應該堅持D乜。堅持自己係需要好強嘅信念同勇氣,係真正有努力去改變過之后嘅人先有資格講,并唔係大大聲講就係,無論係生活上、工作上,又或者係感情上。
記得有一段好經典嘅話“人嘅一生要搵到4個人”,而係e4個人里面,第一個就係“自己”!

P.S. 你文章嘅ending令我諗起,以前翻學嘅時候,每逢大考前一晚,都係我最有沖動、最有靈感、思潮最起伏去寫日記嘅時候,而且通常寫得最長~哈哈~!

Anonymous said...

""我笑住回答,,講一聲,,我係我!"""

嗱嗱嗱
係'講'.... 唔係'趕'

Anonymous said...

我就係做番自己所以比人(尤其家人)話我唔識做人囉..做又係唔做又係都比人話,咁點先!?不論夜闌人靜定光天化日有時都會諗究竟係咪應該去睇心理醫生..有啲平衡唔到咁囉~

Anonymous said...

-helenato-

你係咪比人追稿,追到上腦?
要堅持做番自己?邊個唔想,
你有一半時間做到自己,
唔知算唔算幸運?

你會唔會著番嗰條,
吊曬腳嘅西褲呢?

Anonymous said...

"因為我是不設實際和逃避現實的,為什麼會寫這篇東西,因為我逃避去趕劇本,簡直是「病態」!" Bingo!!!!
我都好多時為咗逃避一d好重要同好應該面對嘅事...而情願(其實好多時係特登﹗)走咗去做其他無關痛癢但又好甘心做嘅事﹗

Anonymous said...

有時做返自己.........唉! 好難o架~
好多外在環境因素....所以呢, 真係做人難!
我地出世為咩, 都係為學做人做自己. 到學識既時候可能已經要死, 有d可能到死果日都未學識呀~ 悲哀

Anonymous said...

山口百胃,
恭喜你看破紅塵.

Anonymous said...

因環境去作出自我適應,就好似變色龍一樣,不過變色龍就係變外表,人就係變內心。長此落去,就會好似係邯鄲學步,最後連自己本來係點都忘記咗。

世界上就只有一個獨一無二0既妳,假如妳學咗人地0既character,咁就多咗一個果個人,少咗一個妳!

Anonymous said...

做自己, 是要有吉士的...

我當年就是為堅持做自己而弄得頭破血流, 後來我妥協, 改變...

但我得出的結論是, 改變, 需要有, 但對人, 絕對不可以假。