9.07.2007

秋意中領野~`



有些事情,當你得知後,會好想第一時間告訴朋友分享,例如當你仍然睡眼惺忪,站在晨早的街頭,微涼的風帶來了一個好消息,『秋天來到了~`~`』

朋友的電話響了很久之後才接聽,語調極緊張....

『無事丫麻?!』

『我想話俾你知,秋天黎左喇!好舒服!』

朋友深深吸了一口氣.....

『我頂你咩?!你幾多歲人呀?!仲玩d咁野?!』

我急忙說了聲『sorry!』便收線,但電話十秒後再響

『你搞醒我,家下訓唔番,你繼續同我傾呀!』

『我以為你未訓麻!不過我而家發覺,早起身真係好,我可以係最早發現秋天來臨!』

或許要向我報復,朋友語調變得不留情

『乜都係你講晒!你以前做夜晚人時,咪一樣天光臨訓前發現秋天已經來臨!』

一時間,我無言以對,朋友得勢不饒人,加重火力

『你鍾意,咪覺得秋天好浪漫羅!戀愛季節丫麻,拖住攬住唔會黐邋邋,又唔會太凍食凍柑。你唔鍾意,咪
覺得秋天乾燥,又凋零,又易病,毫無戀愛氣息!』

我知道就算那一刻我嚴正道歉,朋友亦唔肯放過我,既然如此,我快速地說了句「入lift...」就收線,之後電話不停繼續響,當然我沒有接聽,到做節目時,不斷收到朋友sms....

『秋天做節目真係浪漫....』
『你真是幸福,成為全港第一個發現秋天已經來臨的電台主持...』
『你最愛的歌是否「愛在深秋」?』
『原來你也喜歡林憶蓮的「微涼」。』
『你一定喜歡電影「紐約深秋」!』
『秋天到了,幾時一齊去食蛇?』
『你喜歡秋天叫「autum」還是「fall」?』
『在這個秋日早上,你最想拖著那人的手?』
『究竟秋天做什麼做好?』

我終於按捺不住,回覆了朋友

『秋天最好是睡覺!』

發出了這個短訊後,朋友就停止了,正當我以為事件已經告一段落,今朝四點三,比我平日起床時間早四十五分鐘,我又收到朋友電話,甫接通我都未「喂」,朋友就開腔
『嘩!我岩岩係外面返黎,d秋意好濃,仲濃過我d酒味,好正呀!快d起身聞下啦!』

我深深的呼吸,只嗅到隔夜口臭味,清清喉嚨...

『Sorry!果朝真係sorry!我得到應得教訓,你放過我啦!唔該~``』

『做咩sorry喎!黐線咩~`唔傾喇~`下次再講啦``』

朋友收線後,我像恐佈片必有場面,嚇到成個彈起身!「下次再講~~~~~`」,下次是否明天早上,就算我訓之前關掉電話,起身發現有幾十個留言,開一個驚一個,突然間我感覺到有線女主插播被電話騷擾的痛苦,但我又無應春幫我出頭,點算?!Help~~

所以我借廣大力量,向朋友你再一次道歉,求你放過我啦~```嗚~~`








今次除教訓我以後就算點感性,都要留半點理性,否則後果嚴重,錯誤裡一定仲有其他野學,下次邊個飲醉打俾我發癲,之後我就學足朋友做法,煩到對方以後無論點醉都唔會打俾我~`就咁決定!

25 comments:

Anonymous said...

阿朋友,乜嘢氣都順曬啦!比條生路行吓。

Anonymous said...

哈! 你個朋友d sms好正!

秋天已經來到, 總是有莫名其妙的失落感

Anonymous said...

L
I
F
T

,,, ... !!!

Anonymous said...

秋天真係到了
我個鼻同氣管靈敏,一到秋天就自然來一個嚴重敏感......
話時話今年秋天好似早左......

Anonymous said...

有人給你 SMS 是好事來的, 起碼還有人記得你, 無論找你晦氣還是送上關心。

九月初已有秋天的味道, 很準時啊~ 是天氣反常後的反常麼 ?

Anonymous said...

HAHAHAHAHHA!!
呢d先係真正朋友呀!!!

Anonymous said...

dear beach,

i think it's funny~
but i think summer didnt leave~
becox sometimes is still hot~
take care~

333

Anonymous said...

嗯~ 很喜歡"微涼" & "秋意中等我" 呢 d 秋天歌曲。灘叔, 你都要襯秋天來臨, 浪漫一番!!

Anonymous said...

有時跟朋友來個感性的聯絡都幾好﹐只是你喺錯誤的時間搵咗呢位朋友啫。
收到自己喜歡的朋友SMS喺好開心的﹐可惜我... Sigh...

Anonymous said...

灘哥,你真係遲鈍,我上個星期已feel到秋天到o左啦,因為我公司唔開冷氣既,我o向4,5,6,7,8月返工既時候真熱到由內都外,再由外到內,所以9月一到,天氣一轉,我已經感受到,今年個秋天真係好準時,亦因為秋天,令我想起某時某地某人~~

Anonymous said...

我覺得你個friend 正到爆~~~話時話,我都聞到秋天。

Pessimist said...

秋天最好係「揪」爆您~
funny =)

櫻記士多*Ada* said...

我諗你同o個朋友真係好friend, 唔係重點會有心情在此搞gag; 煩電話點都好過比朋友嘔到一身都係重要送佢返屋企!

Anonymous said...

你朋友個sms好得喎!
個人應該會仲得!係咪!?哈哈~^^

秋天來了,好舒服喔!

Anonymous said...

你唔係得罪左迪奶啞麻? 如果係你今次真係lie野....

Anonymous said...

hahaha....笑死我喇~

Anonymous said...

哈哈...灘叔你朋友真係一針見血xdxd

Anonymous said...

haha!你個friend好正~! 真係唔知佢係報仇定真心~ ^^

Anonymous said...

一邊睇你朋友的sms,我一邊流眼淚
d眼淚係笑到"bill"出來的 XD

Anonymous said...

呵呵呵~~冷笑三聲

Anonymous said...

只適合十零廿歲的小朋友看???

NO WAY!!!
NO WAY NO WAY NO WAY!!!!

my reading list includes new york bestsellers and chinese classics and you! i luv yr sentimentality!

Anonymous said...

還記得從上一年開始,開始感受到秋天的來臨。最大的原因可能是因為夏天真的熱得要命吧! 但越來越少人會留意到秋天,可能因為每個人都忙於工作,出入又是冷氣房吧!


但你這個人又太狠了吧, 咁早叫醒人。哈..所以會有這麼一個朋友,他這招夠勁。不是一個普通人會做的吧!

如果可以欣賞到秋天,也不錯呀!!~

Anonymous said...

http://hk.myblog.yahoo.com/malaylayer

here you go!

Anonymous said...

有你呢個朋友多好,雖然煩d但好攪笑,
應該可以令我人生充滿歡樂

Anonymous said...

灘叔,唔好意思,未經你同意,就轉咗你呢篇野,不過真系好正!