7.23.2007

最後




經過這個新書介紹會後,一切來到尾聲,這也是我最後一篇寫「麻不甩」的文章了,明天開始,不要再懷舊,向前望!





我不想只得一本書,也不想到出年書展也只得兩本書,出年年頭,一定要有第二本!





想買我「麻不甩」,要到書局了,書展已經售罄~`

感謝所有幫我創造這個紀錄的「老友」,愛爆大家,等睇新野!

Joe Ma、Sandra、Annchoi、Jessica、Susan、May Lam、劉律、Jimmy......應該仲有好多等緊我送書的親朋前輩師傅恩人....等多幾日,等我去班一班貨!

要感謝都感謝晒,除了兩位女性




每每有人問起我個妹,我只會答「佢好勁!」,點勁?一個可以小時侯跟住個哥跑呀跑,阿哥推門衝入酒樓,道門鐵框兜頭撞爆佢眼角,破晒相仲可以唔嬲個阿哥,未算勁仲有,阿媽出街放低錢俾個阿哥同個妹食飯,個阿哥竟然可以自己煲左煲飯,買兩包「雞心米」(即等如現在的「粟一燒」)撈飯,還口口聲聲出面大快活賣緊二十圓(當時好貴)一碗,我個妹信唔勁,食埋都唔勁,仲可以活到今日,有樣有身材有工作,你話勁唔勁?仲未夠勁我仲有,個妹曾經失業兩年,做阿哥幫唔到手,仲日日叫佢上進點,還有她失戀流落異鄉,長途電話向我求救,我當時卻因為飲醉酒,無安慰之餘,竟然把問題歸疚在她身上,到最近又因一個共同討厭的人,令我狂性大發,再一次,又一次地傷害她,佢都唔嬲,你話勁唔勁?!



就算大家覺得一d都唔勁,無所謂,「珠如!妳是最勁的!」今次無妳,件事一定無咁勁! 但妳不要留言給我,我怕老土!




第二個女性,很久不見,很是掛念.......!




阿七,我本書好好賣呀







右邊的是阿妹,不但是阿慈的妹妹,也是阿七的妹妹,做妹好易,忍到個阿哥就得!

34 comments:

Anonymous said...

有時親情就是甘can't explain..

perztc said...

To be honest, I am a bit touched by what you wrote to your sister, Matt. Tears in my eyes.

Actually, that is a STRONG LOVE in between. I could felt it on that day I met her.

I like her very much. Very nice and very sincere. You are very lucky to have a "mui mui" like her.

Anonymous said...

Oh! that model is your sister?! I met her on the 19th. You two dont look alike. yes, i agreed with percy, beach's sister is very nice and charming!

Anonymous said...

兄弟姊妹同出邊識嘅朋友係有啲唔同,雖然可能平時無乜兩咀,見朋友同事仲多過見佢地,但始終有血緣關係,唔駛講嘢就識做。

因為只有我地三姊妹,我都好想有個好錫我嘅哥哥,佢要好有型靚仔又多女鍾意。 未瞓發夢,嘻嘻...

你呢個阿哥對個妹無好嘢,但睇得出你對佢份情在心中。

Anonymous said...

海灘:
你妹妹真係好落力幫你手架!
"她是最好的,你知道嗎!"

小朱飛刀 said...

嘻嘻!又有新成員加入,真好!
希望她倆和睦共處, 相親相愛!!

繼續期待你的好文章!!

^.^

櫻記士多*Ada* said...

灘叔:係架!做妹o既係唔知點解特別鍾意跟住阿哥通山走,比佢攞哂D零用錢去撍野都無計,值到今時今日我重比佢恰緊!我諗我同你阿妹一樣咁諗,鬼叫比你出世先咩無計啦!

Anonymous said...

相入面個o靚仔好靚仔wor~~~~~~
祝你,阿慈同阿妹生活愉快^^

Anonymous said...

其實想問點樣send返d相俾你....
嘻嘻*

Anonymous said...

怎樣你POST 這張相... 看起來我在嘟嘴...? 哈哈. 今天能和你暢談, 好開心呢. THX.

Anonymous said...

海灘
等你成日將7-8個人掛嘴邊
你既書已經賣哂啦!
開心嘛?
呃細妹呢樣野....我都做過
以前細個抽閃卡,明明我妹抽到閃卡
我又拎將普通卡同佢換
仲話我果張價值貴d!!
你個妹真係愛你呢
無愛,就唔會有包容吧
阿7佢一定會替你開心的
因為佢都有份支持你本書

Anonymous said...

你妹妹真係好堅!
可以叫佢寫番本女版麻不甩....
祝佢順風順水....

Anonymous said...

海灘叔~~
知你係香港有簽名會~我係加拿大趕反黎嫁~~但係都趕唔到~我今日先去到呀!!好失望呀><"但係買左你本書之後都覺得好滿足既^^~多謝海灘叔你寫D咁好既書呀@@

Anonymous said...

海灘叔呀><"去唔到你個簽名會好失望呀!!我係加拿大趕反黎嫁!!好唔開心

Anonymous said...

我都好掛住阿七!!希望她在另一邊都過得好!!

Anonymous said...

-helenato-

我就無好似你個妹咁勁喇,
細個時,遇著亞哥"哈"我,
我就用高8度喊聱黎嚇番佢轉頭,
佢怕比亞爸媽鬧,要即刻請食野補數.

Anonymous said...

海灘叔
我係亞柱呀~~
上星期四下午搵你簽名個個呀~~~
你仲未回覆我e-mail
我聽日段畢業功課短片screening呀...仲記唔記得?
聽晚7:00-10:00灣仔art centre anges b劇院度會播放架....希望你黎到喇~~~
我個e-mail adress係:
commander2010@hotmail.com
我之前send過e-mail比你...希望你快d回覆我
e-mail入面有我contect number
我真係想你黎睇下我地嘅作品...比下意見~~
柱~~~~~~~~~~~~~

小風 said...

=口=好可怕,我話你!至於你個妹,真係好勁XDDD

呢篇野令我覺得...原來我呢個家姐都唔係太可怕....果然人外有人呀下!

Anonymous said...

灘叔~
我係今日o係書展同你傾過計o個個jack
我今日真係好開心~
因為我今日唔知你會o係度
見到你係我意料之外~

自命曼聯fans既我
o係觀眾席上見到c朗,朗尼既o個份喜悅~
遠遠比不上今日同你的幾句說話~
可能就是多了那份交流~
多謝你~

Anonymous said...

加油,唔好俾佢停!

娜娜子*

Anonymous said...

灘叔..
雖然我係十幾廿歲仔..
比你所有既野吸引左我買你本書..
果日朝早..去
唔知你下午有簽名會..
sorry

你本書講d野好有道理..
但係如果d 字清晰 d既話...
咁就好啦..
可能我依d 十幾廿歲仔唔識啦..
繼續支持你出好書..
總覺得你同我係同一類人..
都係..............
..................
...................
......................怪人

Anonymous said...

unkle雛,好替你高興、為你驕傲﹗﹗更開心你咁有大志、咁有目標、咁有heart﹗我相信我地呢"7、8個 x n" o既粉絲會繼續幫你創造紀錄,愛爆你﹗

好多謝你的MBL,小妹好耐好耐好耐...都未試過咁有衝動+咁主動要買一本書﹗你果然無令我地失望﹗Matt Brings Loves...(嫌老土嗎?我buy喎~)好希望你第二個bb出世時,我會來到你的簽名會﹗

拜杜威...我哥哥大我四年多,細個時成日恰我、呃我、打我...數得出就做得出...咁滯~試過同我爭厠所時好大力推道門搞到我面頰留痕...响我十九歲時做咗d傷害得我好深、好唔想原諒佢o既事......而家?兩兄妹嘛﹗好好﹗好ok~!

Anonymous said...

我小時候也經常欺負妹妹, 我跑到哪裡, 他也跟到哪裡。

但隨著年紀漸長, 反被他欺負 :P

現在份隔南北半球, 感情反而越來越好。

只有一個妹, 唔錫佢, 錫邊個喎~
係咪 ?

Melody said...

珍惜眼前人!!!!!

Anonymous said...

我都好想有個肯同我玩嘅哥哥或者是細佬

Anonymous said...

睇到你講阿七,我都忍唔住喊..好感動!

Unknown said...

灘叔, page 52 個 "Two Cretures"係咪應該串為"Two Creatures"呢?

btw,你o係habitu影個d相都幾形喎...

Unknown said...

重有 p.173, "You may say that I'm a dreamer......", 根據 Imagine 嘅lyric, it should be " You may say I'm a dreamer.......", 可以omit左個 "that"....

Unknown said...

p.186, "Micheal Bolton" 串錯左, should be "Michael Bolton".
"How am I suppost to ....." 串錯 "suppose" ...

btw, 以前我中學果陣好興Jordan, 有條高b仔就改名叫Michael, 但串錯左"Michelle", 全班人笑到死哂....

Anonymous said...

嘩~灘叔,我好開心呀~
最後一日去書展,都買到你本書...
我仲要係最後一個人買架!!
好彩係hall 1知道賣哂時,即刻叫人幫我係天行者留住最後o個本~^^
真係好彩!
但可惜前兩次簽名會唔得閒,黎唔到拎灘叔簽名...

Anonymous said...

灘叔,你呢個post睇到我有d感動~

Anonymous said...

灘灘:

請有口齒地做到你所說的行為...
留番本書黎買呀!
十分多謝,萬分感激

May Lam上

Anonymous said...

我似你阿妹..你又似我阿哥...
呢個世界總有呢d組合既!
呢一刻我覺得自己不太孤苦, 因為有你阿妹陪!

Anonymous said...

哈哈 好高興第一次留言

好開心睇到你本書
我入書展就係為左買你這本書
仲行左好耐先搵到賣你本書的攤位
希望可以繼續見到你再出書