7.22.2007

好亂




7月十九號,我還可以在現場控制自己的喜悅情緒,離開場地後,我high到星期六晚上,好彩有得係「午夜閒談」抒懷一下,否則我會繼續好疲,但無法入睡...

但昨晚仍然是睡了好像沒睡過,九點起身望住電視,睇銀河隊對車路士,但成場踢成幾比幾,碧咸有冇出過場,佢老婆又同邊個來,我完全唔知,心裡只在想,我應該再寫多一篇blog,提醒大家今天還有一個簽名會,但偏偏性格使然,認為咁做好老土,想想下就已經一點,準備出發至發覺好肚餓,快食一個即食麵,換衫出發.....

終於我漏帶了準備好的「十個火機」.....

去到會場外,由於人太多,工作人員遲遲未到,我呆站在門口位,又想有人認得,又唔想俾人認得,這一刻又後悔推卻阿立的盛意,願接送及陪伴我來,更責怪自己為何唔擺「阿哥款」,逼個妹從澳門提前回港伴我入場...d搞事份子想破壞我情緒,我無咁易中計,本書咁耐都等得,無理由爭果十分八分鐘,搞到自己樣衰衰!「麻不甩,M B L,Matt Brings Laughters」

想到這裡,我即刻識笑,一秒後好運就來臨,一個春青艾少的女工作人員趕至,帶我進場~~`






「 好多人,攤位處等簽名的又如何呢?」

心裡只是想呀想,距離攤位二三十米外,我看到了龍尾

「是排我隊嗎?」

幸好很快我便看到他們手持我的書,人數不小呢!感激~~`

眾多老友,我記得你們每一張臉,名字就因為當時心情緊張, 無法一一記實,(真是自慚,自己還在書中教大家記人名,不過我問題應該係年紀老,記憶力衰退機會大d),但當中有幾位,我好深刻!

第一位:sugar19,因為妳靚左好多,既然讚得妳,就可以繼續講真話,妳之前真係錯晒!

第二位:我表妹,因為佢個妹即是我另一個表妹應承一定來,點知派上家姐帶同兩位索女來撐場,真係錫晒妳
還有佢媽媽,即我五姨,佢十九號帶同舅母、二姨,我媽媽一齊黎撐我

第三位:有一位中年漢,他是貨車司機,佢聽晒我所有節目,專程過來撐我,令我想起eason話聽到有司機
「夕陽無限好」泊位時不停在唱,佢知道呢隻歌會大hit!

第四位:身穿英國球衣,戴金絲眼鏡的中年靚佬,行到面前問我 「你有冇自由行fans撐你?」
「無喎!」 靚佬伸起一隻手指 「我就係你第一個!我廣州來的!」 嘩!我都算「味精皇」架啦,
但呢一下都俾佢痺一痺! 痺到我名都忘記左 靚佬好野!

第五位:我估十三至十七歲左右的一個青年,「你叫咩名呀?」 「我叫...手痕」,唔好意思,我真係忍唔
住笑左出黎 「守衡?」 終於我簽名之餘,亦問問他「仲有邊度痕?」

第六位:病愈的jerry,祝你繼續健康快樂,頭髮有咁長得咁長!{佢有病時無晒頭髮)

第七位:小朱飛刀...原來妳係女仔!

第8至xxx位:阿bo、silverbell、percy、pessimist、ivy、sogo、ada、vivian、阿bone、cindy
柑、ofvdrf、隱形粉絲、桃、阿米.....數漏再補.....感謝





離開時,出版社老闆derek至,緊張地問員工,「d貨到左未?」,我突然覺得佢似「門徒」內的劉德華,
說的對白也差不多!跟住收到編輯秀慧的SMS,「第一版有機會賣得晒!」









我現在好亂,因為我一方面唔相信是事實,令一方面又其實好開心,所以又不停提醒自己收拾心情,準備明天的工作,但個人跟本不受控地亢奮著,為左感激大家,我決定落街喪食然後喪跑,高高高``

38 comments:

perztc said...

Matt, no matter you look a bit tire!!! Good luck!! Tomorrow.... it should be the sharing session in Bookfair, right? Sorry, I really can't miss the work tomorrow, so I can't come. Best wish to you!!!!

It is a pretty good book. Even my Mom said, "Wow! This Chow Hoi Kwong, not bad woh!!!" =)

Jenna Michelle said...

Unkle beach,
我好明白心情衰high嘅境界!恭喜晒!!真係好'鄧'你開心~

Anonymous said...

第一版有機會賣得哂!? 嘩,印得1000本渣!? hehe..sorry爛gag

點都好,休息吓好喎,太high又唔夠瞓因住會病呀!保重呢!

Anonymous said...

灘叔:
知道今日的簽名會都成功,恭喜哂ar!
我會繼續睇lee個blog同聽你gei節目黎支持你ga!
你開心興奮的心情唔好控制住佢喇,盡情表現出黎丫~喪食喪跑唔夠ga,仲有喪嗌ar~哈哈~
我睇哂你本書喇~發現好多野都可以以正面黎睇...更明白"timing is everyting"^^
下次有緣相見,我一定會記得問你拎打火機ga~你每日要帶定幾個o係身喇~hehe
祝第二第三第四....版書出爐~!

Anonymous said...

Manchester因為天氣問題=[
搞到去london班flight delay左,
miss左番香港個班機,
最後搞到岩岩先番到黎香港,
去唔到書展,嗚嗚~~~

Anonymous said...

灘叔:
"有機會賣得晒!"
咁即係有第二版啦!
勁呀!

希望麻不甩的銷路節節上升!
賣哂第一版,再出第二版~~

Anonymous said...

恭喜哂呀海灘
第1版有機賣得哂
加印加印!!!
叫左你放鬆d架啦
haha

休息下 食下野 當獎勵下自己啦
日日都咁忙

Anonymous said...

真係好替你開心呀...灘叔~~
Yeah!~~ Give me 5!!

小朱飛刀 said...

哈哈,聞名不如見面呢!
話明帶埋阿兜捧你場,當然佢係黎打氣,同你影相,而唔係跟你番屋企啦!
我晏d整理好d相同埋個blog就send 番俾你啦!
估唔到都霸到個第七位喎!感謝!^.^

Anonymous said...

今日個「灘」位都排哂長龍…灘叔您咁都仲唔相信係事實?哈哈

尋日0係書局見到有個男仔扲起您本書,佢睇到陰陰咀笑,我想知佢睇緊邊頁,您又寫左d乜。

本書我淨係睇左果幾個序,三姑個序勾起我d回憶,以前古惑仔系列電影真係好受歡迎。

仲有我發覺以前睇好多電影,原來您做過好多閒角,當時仲未認識您,哈哈。

林海峰個序…真係「哇wow」,不過咁先似佢。

場波我都有睇,想0係度寫埋波評,不過似乎講太多。

聽朝繼續晴朗,好好休息!拾撲慈:)

Anonymous said...

開心 X 10000000 全因 :
1. 你記得我!!!

2. 你快樂所以我快樂!

海灘,你真喺得傢! 加油!!

DOUBLECHIN™ said...

睇到你寫的廣州及貨車司機fans, 好感動! 貨車司機有時間唔踩多兩轉專登捧你場; 廣州fans搭三個鐘直通車, 大半個鐘地鐡, 加唔知幾多個鐘排隊進場, 再唔知幾耐等到你俾本書你簽名. unkle beach你好幸福!

Anonymous said...

Dear unklebeach,

I bought yr book yesterday and finished reading it last nite. i like the first article as i have some same feelings in my childhood.Although i cannot get yr signature and see u, waiting for next time, yr second book.
Support! All the best to u!

Anonymous said...

我見到有你幅相!

http://singsit01.mysinablog.com/

Anonymous said...

雖難以令你相信,但盡聽你的節目的又豈止那個濕滑的司機?
相信大多數於這兩天找你簽名的都是你的忠實粉絲。正如我們這一對一pair買一本書的情侶也都經常談及有關你說的話題,甚至是你飾演過的角色及編導之電影。
或許你深入民心的程度已是你無法想像的了。

Anonymous said...

灘叔!
恭喜你~~
天窗攤位某女職員以[名DJ] 黎形容你

Anonymous said...

留番本比我買呀!

Anonymous said...


我係同你一樣姓埋一個勁--> 鄒 o既人


不過睇黎你唔記得我


但唔緊要,最緊要本書賣得! : )
加油!!!

Anonymous said...

心情亢奮的又豈只你一人?? 聽到你話好快會賣哂 d 書, 真係替你高興! 加油努力, 好多人都會支持你的~

Anonymous said...

海灘..恭喜晒呀...快d印多幾版喇....um..我想知簽名後面o個一組數字+字母係咩意思...嘿嘿....係咪有野玩?

今日海灘寫左句..桃花依舊比我...啞晒...~_~"..

小明煒 said...

本來我想黎支持你同搵你簽名,但係難得有工番,兼且公司又忙~去唔到書展~

btw 恭喜你呀~灘叔~
祝你本書大賣~

Anonymous said...

恭喜!恭喜!恭喜!恭喜! 再恭喜!

咁你會唔會開始準備寫第二本書呀?

其實當初留下你係因為你係一個編劇, 我成日都覺得編劇係好叻ga, 因為我都上過下d短期編劇班.....就愛上了編劇呢類工作啦!

Anonymous said...

唔出書都唔知自己受歡迎成拱呢~

祝你個 B 繼續人見人愛~

Anonymous said...

仲有我呀,ah m呀
記得me ma?
haha
算啦,你咁多fans都係唔記得我嫁na-,-

Anonymous said...

查實我已經唔係第一次現身,但話明隱形粉絲就梗係現左身你都唔知啦!hee~

anyway,辛苦哂你啦!企響度成個鐘又簽名又影相!

Anonymous said...

我係默默支持您o既fans, 星期四返工o黎唔到, 聽左星期六午夜閒談後, 想星期日出去您o既簽名會, 但走唔開, 要湊對仔, 好無奈, 今日睇到您寫o既野, 就知幾多人用行動支持您, 好安樂呀! 我已成左書局買左您本書啦!繼續努力, 永遠支持您.

Unknown said...

冇左我個名,係未可以加番落去架@@?
my name is eddie

Anonymous said...

我係尋日用viewfinder 用你影相果位女仔呀~
好在grand hall 職員好人話我知你係1d19-20 o乍,真係感謝佢.
我覺得自己買o左麻不甩好"潮",
數字反映到既~

Anonymous said...

我係接你果位工作人員..多謝你這樣讚美我..是一位"春青艾少的女工作人員"

祝你新書賣到滿堂紅!!!

chris bobo said...

灘叔 , 我都係近排先聽你既節目睇你個blog, 本書幾好丫, 男人的確唔使單靠外表去(型), 有內涵自然相由心生, 你係得既!!!!!!!!!!!!!!

Anonymous said...

呵呵呵......當面讚完又係blog到講....我真係唔認我之前錯都唔得啦 !!!! 哈~.真不枉我專誠單人匹馬到場撐你呀 !!!! 嘻~.!

第一版有機會賣得晒 好好好好好 !!!!

你都要keep it 丫~

sugar19sugar

Anonymous said...

終于可以上嚟留言喇~!!!T_T
真係...唔知道講咩好...
等你下一次出書搞簽名會!!!
撑!!!!

Anonymous said...

襯仲可以係都度發音,講多兩句!
第一句:越睇你個blog,就越後悔未能親身去到現場!(>_<)
第二句:同上

Anonymous said...

恭喜哂...雛凱光!!!
哈哈*
仲有"素雯&嘉恩""!!!!
見到係好開心呀!!!!!

Unknown said...

Bought your book yesterday at the Book Fair but unable to meet you.
Support!!! It was the only chinese book i bought from the fair.

Have been listening to your programs and reading your blogs. Both are great but the blogs kinda gave me confidence to get the book without seriously flippig it. Just Supporting. I believe it is going to be a great read it though.

Good Luck and Keep it Up!

Anonymous said...

恭喜灘叔~
十卜灘叔~ ^^

CellCell said...

嘩~ 阿灘灘真係好勁呀~
見到你咁開心我都好開心呀~
你要繼續努力呀! 加油加油~!! ^^

Anonymous said...

好 dun 你開心呀灘叔! 本書响飛上以經睇晒, So touching! 搞到我响機上係甘拿住本書俊笑! Very looking forward to your next book!