7.10.2007

雛凱光



每個人總有死穴,我也有不小,基本上我是由死穴組成的,因此,我常常替自己辦「我最死穴的死穴大賽」,冠、亞、季,不設最上鏡死穴,同友誼死穴(呢個只是停辦了幾屆,因為我已經無能為力,所以「係咪friend都唔幫先?!」對我已經再起不到任何損失的可能性)

『雛凱光出新書,麻不甩』

我最死穴的死穴,長駐榜首,寫錯我姓名簡直等同自殺式襲擊,我每次遇到襲擊,都會同自己講「鄒凱光,俾心機,終會有一日,無人再寫錯你個姓名!」,講完再加多隻自嘲gag「已經好好啦,個凱字同光字無錯,以前我的名字是周海江」

後來我研究出一個方法,名為「習以為常」,即是說你抗拒的東西,連繼面對一千次,一萬次後,你就再無感覺,試想想,有變態佬向你露械,第一至三次,妳會好驚,但日日夜夜都不停露,妳只會悶,不會再驚!所以當我知道今時今日仍然搞錯我是「雛凱光」,我就要聽到自己慣為止,大家在十九號及二十二號(據聞二十三號都可能有)出現我面前,要先講會員密碼 「喂!雛凱光!」,(雛音初)我聽得越多,就越有機會衝破心魔....

叫聲雛凱光,包你無暗瘡``

17 comments:

Anonymous said...

Unklebeach: I want to be part of the team and even though I could not attend the event, I want to say the member code: 雛凱光; 無瘡暗!! heehee.

Anonymous said...

恕我見識淺薄,我未聽過有人姓"雛"呢個音,
我覺得唔係你嘅問題,
係讀錯你個姓嗰個人嘅問題~~

Anonymous said...

雛凱光, 一言為定~

Pessimist said...

下個星期四放棄lunch time而去支持你~~~ don't worries about it's weekday~ =) 您知您有幾多灣仔區OL Fan's ka la~~~

BTW... 本書到底幾時出?!

unkle beach said...

pessimist

個個都話我有ol fans,我泉己就一個都未遇過,除非我媽媽返左office我唔知啦


本書幾時出? 書展前一定出到喎

Anonymous said...

實在太多人對你有心!
那些路人甲,算吧!

unkle beach said...

bone:
太多人?!


十個內

Anonymous said...

初先生,我都曾經係OL嚟架,所以我都算係响名單在內呢 ;)

Anonymous said...

請不要自視過低。

Anonymous said...

使唔使舉牌先??"初海江", haha....
我已經同老闆/同事講19/7號我下晝好忙,唔好煩我!!所以...到時見:)!!!!

小風 said...

周身死穴確係唔太好……但係……會唔會矯枉過正啊???@_@?

唔洗太刻意,你要對身為人類的適應力有信心,沒有你想像的那麼久,你就會習慣左架啦!如果太刻意,心魔反而更強大呢!?^_^

Anonymous said...

總會有一天, 這個「鄒」, 會是鄒凱光的鄒, 再不是鄒文懷的鄒。書展見!

Anonymous said...

我想問本書個cover最底d字寫住"低死",是"抵死"嗎??

石頭 said...

初先生.. 算吧啦.. 以現今大家O既中文水平, O個個人諗到除左「周」姓以外仲有另一個寫法, 已經算合格(50%)架勒.. 只係..只係佢淨係諗到個字O既50%係點寫O者... 所以..計落佢有75分架勒... 唉.. 不過希望你所講O既, 唔係O係報紙/雜誌上面見到架啦..

Anonymous said...

yo man*受吾受學生妹先??

Anonymous said...

雛凱光 : )
(yay no more pimples!)

Anonymous said...

-helenato-

得個1粒鐘簽名,仲要叫密碼?
遇著d簽完影完唔願走嘅fans,
簽唔曬,亞灘你會唔會開ot先?