7.04.2007

香港矽谷




很久沒有到這個地方,十多年前,我是曾經在TVB打燈,當時電視城仍然處身於清水灣,而我就仍住在荔景村,由地鐵出發「荔景、美孚、荔枝角、長沙灣、深水步、太子〈轉車〉石硤尾、九龍塘、樂富、黃大仙、鑽石山.....終於到彩虹站」,就像去歐洲要中途轉機一樣,千山萬水之後,仍然有萬水千山的路要行,由彩虹再撘近二十分鐘公司車,全程賽事完畢,能夠在一小時侯內完成,你就是世界紀錄保持者.

後來我離開荔景,搬到更遠的天水圍去,而後來TVB電視城亦搬到將軍澳工業村裡面,我無福氣再打TVB工,但回心一想,要由天水圍去將軍澳,同由美國西岸去東岸感覺差不多,這個比喻絕對是誇張十倍,因為之後我親身試過,其實並不是那麼遙遠。

由於為某間電影公司工作,而那間電影公司亦都位於將軍澳工業區,就在電視城旁邊,有幸當時我是有車,每日出發時,就致電在美國矽谷工作的朋友,我上班,對方下班,我由天水圍去到將軍澳,對方由矽谷回到三藩市,快者一小時,比較鬆懈加小小小小塞車,已經可以踢一場法定時間的足球比賽,有時還要加時作賽,也試過對方已經回到三藩市,但我仍然在官塘~`

自此我稱這裡做「香港矽谷」










上次到電視城工作,已經是年多前的事,那次是到「15/16」,與FIONA拍檔,最後贏了五千圓,今次我是去「客串」

重臨這段路,天大地大,長空偌大得可以看到陰晴和諧共處,感覺不似矽谷,也不似在歐洲的公路上,感覺竟然似上次到東莞拍攝「怪物」時,在深圳的公路上,飛馳於陰晴不定的空間當中,左右全是龐大但感覺不穩的大貨車,車程毫不享受,因為要集中精神,提防一旦意外發生,還可以先知先覺地,盡最後一點能力拯救自己,擔心坐得萬年車,但擔心會死許多細胞,即是說我點都會死~~SIGH`~









既然點都要死,就要死得有意義,TVB是本港最難入的地方,所以有得去,搵條命博都要,這就是死都死得有意義之說....

一年不見,感覺差不多,但竟然一個熟人也沒碰到,望他們是已經發達上岸,新一代已經接棒...從前我是上一代,轉個身份,我其實還是新一代,我深信會有方法進駐呢個地方,至於是什麼方法,我到現在仍然未想到出來.~~

但呢一日總會來臨`~










講左咁耐,都未講我呢次去拍什麼?不如各位老友又估下?俾自己十六秒時間後插SCROLL DOWN看答案





















































咪就係 『風流醫生俏護士』羅~~`

17 comments:

Anonymous said...

Wow!! Your Dream Girl!!

Anonymous said...

-helenato-

見到個"39"logo牌,
覺唔覺佢提緊你,
下個月今日你就...

Anonymous said...

小儀好cute r! Uncle Beach個樣真係好抵死!

Anonymous said...

好明顯....你應該係一個婦科俊醫生!!
好期待森之愛情添~

Anonymous said...

是拍森之愛情嗎?

哈哈!unkle beach你個醫生look好good喎,
不過個護士好唔襯你~

Anonymous said...

你們兩個...

好鬼襯...

Anonymous said...

仲以為俏護士係法拉tim..估唔到你d taste咁另類XD
btw..可唔可以post下森美d相?

Anonymous said...

噢,係咪漏咗個"俏"字!?俏護士吖 :D

呀,我啱啱發現你啲slide photos update咗啲唔同相呀,係你自己整,定係Angela幫你搞架!?

Anonymous said...

好勁呀!!!!我一睇就估到你扮醫生啦,但估唔到你咁好彩有小儀呢個助手^.^

小朱飛刀 said...

你兩個真係好鬼襯呀!好可愛!等睇好劇!!

櫻記士多*Ada* said...

灘叔:我覺得你有(牙醫) feel,小儀似(看護)多d....

Anonymous said...

你果個風流醫生既表情...
實在...
有點...
猥瑣...

Anonymous said...

You look cool (smart)!! BTW, your brilliance would be recognized by TVB!! Hey Stephen Chan, do u here that:}}

Anonymous said...

海灘﹐你講到好似好恨入TVB咁﹐我仲以為啲電影人不肖入電視做...
一係唔做﹐要做就要高姿態入主高層﹐例如掌管製作部﹐改善吓啲劇集質素之類。
但八卦新聞成日講有好多內部鬥爭、辦公室政治﹐你唔會鍾意玩啦。
間唔中玩吓遊戲節目﹐拎啲禮物獎金咪仲好。

Anonymous said...

Unklebeach,
I like yr "doctor" look, 制服誘惑乎!:)

Anonymous said...

見到你,唔洗食藥都好番晒啦^)^

Melody said...

一睇就知小儀係幾咁傾慕你啦..uncle beach...
yeah!!