7.03.2007

麻甩之梯










很喜歡在電台的後樓梯流連,光線、溫度舒適,有自己的空間,又不至與外界完全脫釣,這裡是其中一個很好的創作地方....









晚上的感覺更好,更寧靜,好適合創作愛情故事~`

每次在這裡留連,我都幻想自己是一個詩人,不要嘔,詩人在我心目中,只是一個借故唔返工,日日食煙飲酒,飲大就亂寫一堆東西出來的潦倒「麻甩佬」,通常年老還會多病,生前女友就多,死果一刻無人送終,所以我一想到自己是詩人,就立刻會好醒神回到要想的工作上,不過點都好,我覺得件事係好浪漫,至少我是這樣覺得 ~`~





但可惜電台同事對我睇法完全是另一回事,某一次,我又在這裡站著創作,某同事經過,首先是嚇了一跳,然後提高聲線,一定要我聽入耳果種 「嘩!你好似d輸晒馬,想死又唔敢死果d「麻甩佬」呀!」

我當時梗係扮cool,一笑置之,但其實心裡面赤赤痛,我真係咁「麻甩」?

於是我四圍問人,答案通常有幾款,最多的是「絕對係!」、其他分別是「唔係丫!你都好仔丫」、「無所謂啦~~」、「有冇第個問題」、「試下減下肥,曬黑d~`」、「一時時啦,有時都幾麻甩架」,其中唯一一個答案,是我最喜歡的

「你係麻甩,但你幾得!」














早一點聽到這個答案,我就不會拍這幅脂粉味甚重的照片,我寧願麻甩,都唔要俾笑到氣咳!

17 comments:

櫻記士多*Ada* said...

灘叔:你lee幅相唔多脂粉味,反而我覺得有點"傻勁"!你絕對係(麻甩)中有(型)又帶點(傻勁)!都係好男人o黎o既!

Anonymous said...

最後嗰幅個persepctive...
係談得上「型」系列!

Anonymous said...

你係一個才子, 又點會麻甩呢??

Anonymous said...

unkle beach,

你唔需要介懷你個「麻甩」型像喎!唔太了解你嘅人可能會覺得你係一個普通嘅痲甩佬。但係我哋這班日日睇你個blog嘅"拾撲他"就知道你其實係一個表面麻甩嘅創作人!所以,你個詩人的definition都好適合你。只係無咁悲。有好多人都care你架!

Anonymous said...

單身中佬都叫麻甩佬, 大把常伴你左右

Anonymous said...

其實你系咪攝影師...哈哈,d相影得唔錯...

Anonymous said...

灘叔好似好麻甩甘;
其實好可愛`
灘叔系傻佬,,5系麻甩佬ahh`xD

Anonymous said...

大把人麻甩過你啦~~唔好太介懷^^

Anonymous said...

影到對腳o個張相好似想跳落去咁...

Anonymous said...

哈,一睇就知係商台後樓梯呢,我都曾經都有响嗰度留過腳印架,不過嗰陣响weekend好怕一個人行上行落,咁你有冇試過去最低嗰層,不過家陣唔知嗰度係咪仲係好似當年咁 :p

講番麻甩,香港有邊個男人唔係麻甩架!? 你最後嗰張相又真係好似脂粉味重咗少少,不過你好似好多時都係用拱o既表情影相囉 :p 下次試吓"sap"熟多少少,可能仲得啲..哈哈 :p

Anonymous said...

這個世界, 不在乎有多少人覺得你唔得, 重點在於有沒有人認為你好得。

就算全世界只有一個人話你得, 咁你, 就已經係得~

Anonymous said...

記得F.5是floating class﹐每朝都在學校其中一個block的後樓梯溫習。雖然總會有先生、同學行過﹐但係嗰種寧靜感覺好自在﹐光線又充足。有時仲會期待心儀的男生行過呢。

Anonymous said...

我以前曾經同人地提及過你...然后那位朋友都係用果幾只字形容你"你係麻甩,但係你得"

只不過位置有些少唔同,即刻有反效果...

果陣都幾失望,因為我見過麻甩過你好多倍噶麻甩仔,麻甩佬,麻甩伯,麻甩公,甚至麻甩女...

你係麻甩,但係至少唔係顛顛得得

Anonymous said...

哈, 我倒略有所聞, 這篇你之所以嘆謂「麻甩」的原因.
anyway, 我都是這樣說, 好得, 比較重要呢. 男人, 大概10 個有9個都是麻甩的, 像脫髮, 香港腳和長痔瘡~ (連我也不期然地麻甩起來了...)

Anonymous said...

我知你為何有「麻甩」的感慨, 總之最重要的還是如你所說的「得定唔得」.
其實男人, 10個有9個麻甩, 這像脫髮, 香港腳和痔瘡, 還有鹹濕.
你看, 說著說著, 連我也麻甩起來了.

Melody said...

啦士呢張相好得...好似明哥影果d cd 相咁...
正!

Anonymous said...

嗰條都唔係後樓梯,係前樓梯,
後樓梯鬼有咁寬敞~~