2.11.2007

Chestnut in Love


從前我是瘋狂喜愛吃栗子的,現在不是不愛,而是不會再瘋狂迷戀一樣東西,愛得深就會恨得深,難以歷久常新。我曾經同好朋友講過,我死後回魂的晚上,一定要有的食物,其中一樣就是栗子,要死了之後還愛它,就要好好保養,不要讓激情的火焰把理應細水長流的感情線焚毀。





從前,栗子是其中一樣「節令性」的食品,有栗子食就代表秋冬來了,秋冬正是戀愛的季節,年輕時總憧憬著,在寒冬之中,與情人瑟縮在一角,把雙方的面貼落載著栗子的紙袋取暖,然後我突然把紙袋放下,我們的臉就貼在一起了.....她推開我後,我努力地,手口並用,務求要除殼後,可以把完完整整的一粒愛心栗子獻上,情人甜蜜過,拿出濕紙巾,一絲不苟地清潔我手指頭上的炭屎漬,然後別扭地說 『手咁污漕唔好掂我!』
之後答什麼,適隨尊便,而我一定會咁答 『咁而家隻手乾淨晒,我可以掂你邊度先?』




在juliet in love內,本來栗子是男女主角發展的重要道具,如果大家有機再番看,留意吳鎮宇與劉以達在小巴內對話時,鎮宇看到車外,君如正在買栗子吃...

原先劇情是這樣....鎮宇正趕入元朗拯救被黑幫脅持的阿達女友,亦即是他的契妹,花了二百多圓的士錢來到,才發現二人已安全脫險,鎮宇為之氣結,坐小巴回去,與君如第一次遇上,就是在小巴站外的栗子檔,已經滿肚火的鎮宇,竟被君如手快買了最後一包栗子,鎮宇火上加油!上到小巴後,鎮宇坐在最後,而君如坐在最前,車開著,君如一直沒有回頭望鎮宇,不久後,一粒栗子慢慢從車頭位置滾到仍然氣憤難平的鎮宇腳旁邊,鎮宇拿起栗子,剝殼把安吃下,此時,另一粒又滾到,鎮宇取之又吃,然後下一粒又到,當鎮宇狐疑著,君如此舉是否在媾自己之際,方才發現原來君載栗子的紙袋穿了,此時,袋的底部份完全裂開,所有栗子向後滾過去,千兵萬馬,沙塵滾滾...
鎮宇慌忙替君如執栗子,最後有一粒攝了入罅隙,鎮宇不忿氣,但最終仍然無辦法把它取出來,此時,君如亦要下車,鎮宇襯機向君如撘訕
『喂!爭住妳一粒,一定會還!』

想不到這個承諾,到鎮宇死之前,仍沒有履行,君如如常上班,走到小巴站,發現栗子檔已不在,上到車上,驀然發現坐著當日鎮宇的位置,車開著,君如憶念鎮宇,想起他說 『喂!爭住妳一粒,一定會還!』之際,一粒栗子不知從那裡滾到君如跟前,君如茫然四顧,覺得他就在身邊......





我唔知同全球暖化有無關係,從前四季分明,有西瓜吃就是夏天,吃雪梨的時侯,總是黃色火災危險警告訊號,因為秋天總是風高物燥,有栗子、打邊爐、飲熱維他奶、食煲仔飯只會在冬日才會出現,今時今日,以上所有東西,你一年四季有邊時食唔到...

我們再難靠一種食物而喚醒我們,什麼季節已經蒞臨,但每種不同的食物,總有「令」你想起一些故事,到現在,我每次食栗子,仍然會想起童年時的憧憬,沒有拍到的那個情節....
如果每一樣食物,都會「令」我們想起一些人與事,我最不想見到的是「炸雞翼」,我最怕就是這東西,偏偏在飲醉後就食最多,因為無得揀!
「炸雞翼」總令我想起很多飢不擇食的故事~`

16 comments:

Anonymous said...

炸雞翼...即係咩呀

Meow said...

但人類所謂的科技可以把食物在一年四季都有得賣。
我現在在美國依然可以吃到西瓜﹐栗子﹐雪梨﹐等等。

Anonymous said...

我係超鍾意梁山伯與茱麗葉架,喊到我傻呀..呢個故事實在係好感人吖,係好靚添呀!以前覺得Matt Chow呢條友係專寫精裝追女仔嗰啲人,邊會寫啲有心/深故事..但係睇完呢套戲之外,咪就係對你另眼相看吖 :)所以嗰次响喜喜見到你都忍唔住同你打招呼,只不過你唔會多蘇我呢啲二打六兼唔係靚女啫... =P

講番粟子,你有冇試過灣仔鵝頸橋嗰邊嗰對老夫婦賣o既?好好食,不過唔知係咪仲响度,佢哋有時會去到銅鑼灣嗰邊!

所謂"時令"或"節令性"食品真係近乎冇呢隻歌唱好耐喇...除咗大閘蟹或蛇之外,我諗都冇咩係到時到後至食...打邊壚已經係四季食品lu..响荷蘭,啲人只會响夏天BBQ,佢哋話冬天太凍唔可以响花園到燒呢!但係香港人呢,四季任何時候都可以燒野食呀!

拜杜喴,啲comment係你自己publish定係Angela publish架!?

Anonymous said...

thanks for sharing the 'untold' part of 朱麗葉與梁山伯 : )

wonder what would the story be if the smiley key ring is replaced by chestnuts

Anonymous said...

what is "juliet in love" in chinese ? i want to watch the film thx

DOUBLECHIN™ said...

鴨舌! 令人即刻想打返個好yummy的車輪mwahahahaaaa

Anonymous said...

雖然出面有好多一年四季D栗子都喺度滾動緊,
但我公司樓下果檔一定每逢真正入冬時先出黎炒呀炒,所以每年我只會幫襯佢,最正係第一日聽倒佢喺樓下炒栗子時ge聲傳上黎,就知道真係開始凍la,由其係呢幾年呢,睇住佢由往年10月尾開始擺檔至2月,到依家12月中倒先開始擺咋,上個禮拜收左檔嘞,可想而知全球暖化幾咁恐怖,珍惜地球呀各位!

Anonymous said...

粟子令我想起童年在冬天時一家人圍埋一齊食烚栗子的溫馨畫面。

teresa said...

beach,点解你几十岁人都仲可以甘感性咧??我 d friend 成日都话我好情绪化好感性,我念系因为自己年纪细,还没有知道应该怎样才能很好地去控制自己的情绪,等我到你哩个年纪应该唔会再好似现在一样感性la~~~anyway,编剧系应该感性先可以写到感人的story ~~~好中意juliet in love ar~~~很简单,好真实,中意三姑&镇宇^^

Anonymous said...

Hi unklebeach: love this article. you're really a romatic person, hope you would meet your Ms. right soon (well, or you has already met her)!!!

Aloha!!

Anonymous said...

多謝remind我,你這個浪漫悽美又無奈的故事。
真的,以前見到某種食物生果出現在市面,就像天氣預告提醒我們甚麼季節到了,而且要在季節完前盡快吃。
依家無時無刻都有得食,天氣又大反常,人像活在迷茫中。

Anonymous said...

愛得深就會恨得深,難以歷久常新。

小妹中四、五時很愛吃砵仔糕,天天溫完書都吃,不久見到都怕。然後彼此進入年多的冷靜期,心中又重燃對砵仔糕的愛火,這次也學懂了,每隔月才見它兩三次,至今已是六、七年了,對它的愛仍是歷久常新。

我常常都來這裡,但很少留言,應Angela的呼籲,也來留下幾筆。

話時話,小妹在這裡的資歷尚淺,請問Angela是灘叔的Fan Club 會長還是他的助手? 謝~

Anonymous said...

栗子
新年將會有
因為一街都係小販
咩食品都有
格仔餅 雞蛋仔!!
但係勁唔鐘意炒栗子果種油煙味.....
唔知點解,佢個火爐用gas
d聲"呼~~呼~~呼~~"
細個成日覺得,佢會爆炸.
以家一樣都有咁既feel~haha
一粒栗子都講到一套戲
你係得既!
愛情片黎?我好似無睇過:(
見到呢d情節,往往令我想起
檸檬茶廣告~~
用食物黎判季節,相信未來10年開始變化
冬天有栗子 煲仔飯 打邊爐 蛇 熱維他
夏天食西瓜 飲糖水 飲蔗水 雪條
秋風起,要飲下雪梨雪耳瘦肉湯=0=
炸雞翼有咩故仔呀又
等你喎!!!
係呀,今晚聽唔到節目了
聽日就黎情人節!!無假放><
我自己就單身
服侍成班情人.....
人地就你一淡我一淡
我自己就"不"自己碗飯!!

Anonymous said...

to my dear beach

thx for ur good sharing

i admire

Anonymous said...

Dear uncle Beach

好開心睇到你寫的佳作, 我仍懷念砵仔糕...
你系一個浪漫感性有情有義的最佳損友..但又常常擺出一個瑊濕姿態,真難為你老人家, 但我依然喜歡..繼續支持你..

Anonymous said...

-唔係導彈女-
不如我幫你埋尾啦:
隻手咁乾淨就"自摸一番"咪仲好,
反正你咁迷戀d栗子,係咪?