2.16.2007

一口氣




成長後,我只是試過一次年三十晚去行花市,仲要去維園,果次真係沒齒難忘!

話說當年有個英國外藉朋友,專程到港感受中國人新年的氣氛,我作為一個香港中國人,當然要盡陀地之儀,就因為咁,九九年農曆新年除夕,我第一次感受到中國同胞在打仗走難時的痛苦!

地點是維園年宵花市,時間是晚上十點(現在寫這個地點與時間仍有點餘悸),由離開地鐵車廂到銅鑼灣地面用了四十五分鐘時間,甫出地面,我的英國朋友已經說不適 「agoraphobia」,但前無去路,後有追兵
「What can We do?」

我叫朋友向天望,放鬆呼吸,但那種會被人群淹沒的感受,像倒數死亡的來臨,極恐佈!我捉住朋友發冰冷的手,我同佢講「唔駛驚,一口氣..衝出去!」,情急的我,也忘記他是外國人,但當我醒覺自己在說中文之際,我竟然看見他,深深的吸下一口氣,緊握著我的手,與我排眾而前,已經忘記走到多久,只記得終於發現遠離人群時,我與朋友都呼了一口很長的氣!

「一口氣完成一件事,是為了儘快可以......鬆一口氣」





自那此之後,花市我只會在開市的頭一兩天去行個圈,買些花回家放。近年花市主打「吹氣玩具」,但今年產品只是一般,那些Cutter、鐘樓等等,都不及回家發現仍屹立不倒的「石油氣樽」吸引。




上年有世貿事件,所以出產了這個「樽」,我其實不太喜歡吹氣東西,包括公仔,我怕看到它們一沒有空氣支撐,就一厥不振,貼在爛泥上,無法站起的樣子,雖然我知道跟本不是它們問題,是製造它們的父母急功,只求數量,不求質量,反正都預大家玩完就算,無人會保存,容易損壞,你掟得大條道理,安心舒服。


而它是我遇過最強勁的吹氣東西,自舊年給它泵過一次氣後,經歷一年的風吹雨打,衝力小孩們的撞擊,它依然屹立不倒!

就憑一口氣!



憑一口氣,我們可以撐到最後最底,我們可以衝破最困阻的局面,驕傲地呼出最後勝利的氣息!這一口氣更是我們的態度,堅持,力量!

就算你中途不慎洩了氣,放了氣但不要放棄,你要為自己打氣!到最後是黯然嘆氣,定係做出一場好戲,就看這你「一口氣」又幾好氣!我都講到無氣,祝大家新春贏輸都唔會勞氣,情人互相調戲,家人一團和氣,敵人放下武器,唔會被幸運之神嫌棄,個個都好有氣福! 恭喜~``

13 comments:

Anonymous said...

我都想行花市呀
但倦到爆.......有冇人陪下?
海灘人同朋友去呀??
聽講特首今日有去喎
有冇撞到佢??
你有買桔習慣嗎?我就無啦
而且覺得,運桔運桔,都唔好意頭!
石油氣樽,好型喎
成日係電影入面
見到d男人穿白色底衫,頸上一條"祝君好"毛巾,大輪單車,左右一樽石油氣
好man ar~~~~haha
呢位係你邊個親人呢
姪女呀???定係兒生女?
佢好辛苦咁喎,haha,感情十足
一淡氣,忍住佢,你可以頂住一切
頂住果陣,少不免想放一口氣
但知道一放,就會無哂鬥志
左右做人難
難怪"放棄放棄"等如玩完

Anonymous said...

好欣賞有心人!
海灘,很高興世上能有你這個有心人。

Anonymous said...

老人家的確長氣,不過卻很有義氣,能與同伴衝出重圍。
有心人實是難得,但世上有心人多是灰心人或是死心人,因為見得太多,明白得更多,理解到真理或現實背後的真實一面。
所以有心人不一定是值得高興的一回事。
見灘叔為一個吹氣公仔而感慨便可想而之

Anonymous said...

新你豬年好運,豬籠入水同埋最緊要身體健康呢 =D

Anonymous said...

如果你拖住嗰個系我, 我就覺得勁有安全感去買年花, 唔洗搞到買不到,兩手空空,垂頭喪氣,走番出來啦...新年快樂 !!

Anonymous said...

-唔係導彈女-
信我雖然剛訓醒,其實都有諗過祝福你乜好,
話曬都過年你又咁雙子,不如就集中玩既,
手風上就越加順暢,係交友上越見越正啦.

Anonymous said...

聽講我的生肖在這個豬年會諗嘢好灰,情緒悲觀、波動。 好像我已不知不覺間或在意的受了影響。 我希望可以一口氣的走過這一年,不會有事發生。

Anonymous said...

hey..beach!!!
happy chinese new year! XD

from NZ
pinky

Anonymous said...

沒齒難忘

Anonymous said...

beach,

都話你係gay ga la.

幾時俾我返黎做節目ar?

君如

Anonymous said...

灘叔,祝你:身體健康,出入平安,龍馬精神,橫財就手!

Anonymous said...

咦,轉咗個背景海灘feel多好多喎 =) 唔錯唔錯

Anonymous said...

沒錯啊, 只要還有一口氣, 遇上任何問題都要頂硬上~