2.04.2007

見好就收




今日是曾被稱為香港之光的前馬王 精英大師 最後一次出賽,看見牠尾二過終點時,我想起黃偉文舊年某夜在某不可能碰到他的夜店內的一番話,內容大致是他會在填詞方面減產,原因是「花無百日好」,再好的東西也有倒下來的一天。當時覺得很可惜,但今天看到牠的遭遇,如果有得揀,牠還想跑到今天,爛尾收場嗎?


相信黃偉文如果繼續寫,短期之內,他的詞仍然是首首佳作,但寫多一年又如何,寫多一千首又如何,繼續寫下去,終會有一天你聽得多,睇得憎了,無新鮮感時,如果你仲愛佢,你會心裡面不由自主地說了聲「咦~`開始唔得羅喎!」 如果你會開口說出來「嘩!家下佢唔掂啦,out晒!」無論是你無情,還是你愛恨分明,總之 「是旦啦,無野啦....你唔愛我喇」

既然如此,倒不如見好就收,你有權選擇唔買我,我早一步自己唔賣,你唔捨得我,總好過到頭來俾你捨棄!

「到你看我,就要錯過」

能夠在高處,毅然抽身下來,需要的智慧、膽量,所承受的壓力,往往令人臨門卻步!
「做得好地地咪繼續做羅」

你想要 穩定,但最令人不安的,可能就是安穩,我們懶惰,是因為不求突破,安於現狀,到一天大環境改變,方才發現自己生存的板斧沒有增值,悔當初不懂得居安思危。

人生如戲,起承轉合,沒月轉變,就沒有新發展,在每個美好的階段結束前離開,到第個地方再闖吧!放諸四海,感情亦一樣,有些人,有些感情,到某個位置就已知再沒有發展餘地,留住最美好時刻,見好就收,總比勉強發展到窮途沒路,最後要互相憎恨,才找到分開的理由,咁又何苦呢?

我害怕事情結束的一刻,所以去玩一定中段就走,燈膽用了差不多時日就會換,其實還有很多話想說,卻在這時收筆!

9 comments:

Anonymous said...

高處不勝寒,見好就收,係啱噶....
我好中意呀Y,之前聽到佢减産噶消息,鬱悶左好耐...
但係我都好尊重佢,因爲我唔想自己將來好似灘叔口中"唉,呀Y啲嘢唔得啦"噶人..
By the way,果首"你唔愛我啦"...應該可以講係我最唔中意呀Y填噶一首歌...而且唱果個我都麻麻...所以...
所以我覺得王菲都係啱噶,雖然我好miss佢...佢中意,咪岀嚟再唱翻兩嘴囖~~

PS:我聽到有人贊灘叔響新戲裏面表演好好bor~~灘叔~拍多啲戲啦~~~你得噶....

Anonymous said...

咦~`開始唔得羅喎!

Anonymous said...

最難令人看得通看得透的是感情問題,往往要到悲劇發生或者才醒覺。
奈何當局者迷,甚麼都聽入耳,只鑽牛角尖。

我是銀銀的長腿叔叔 said...

2 句說話

"自古英雄如美人, 不許人間見白頭"

見到精英大師差不多包尾回來, 真係心傷...

Anonymous said...

好一句花無百日好
人生就係咁,有得好,就會一路落
但唔會有收步餘地
只會明智既人,希望好尾收工
如果精英大師係一場冠軍中退休
都叫做好來好去,以家咁樣.
真係會唔會好似zoda咁呢?世界杯咁樣撞人
人往往就係咁賤
你好野果時,就讚到你上天
你一衰少少,就踩到落地底深處,比熔岩乾煎

海灘你咁樣講,你又想黎料嗎@@
你仲後生喎,哈哈
我個年代,原居民 靚蝦王
如果日後世界先進,可以留下DNA再複製
我想歷代馬王比賽一次,一定正到暈!
球王又係
如果咁多個球王還原去20歲
再同以家既球星踢返場,又係大戰一場

講返正題,1個人點都會有技窮1日
如果100係1個結束
大家會希望99先停嗎?
就好似大家食野一樣
你會食9成?8成?定係10成?
真係1個好問題
haaha
我自己就食7-8成啦
唔似某d人,好似唔食就會蝕底咁
食到10成10,之後行幾步路就嘔返出黎
到時就一無所有,仲衰啦

teresa said...

懂得激流勇退既人唔少,真正做得到既又有几个? 可以收放自如当然好啦,BUT有几个人有你BEACH甘通透啊? 学你话斋,尤其"收"比放更加需要智慧同埋勇气~~ANYWAY~ LOVE YOU BEACH ^O^

小朱飛刀 said...

見好就收,常人難以做到。
當你投入某一件事,多是難以抽身,
eg.愛人,罵人
什至簡單至入賭場,有幾多人能忍得到手?

但如今你我仍血氣方剛,
blog 要繼續寫呀!

^(00)^

Anonymous said...

right~ 人生只有一個,遺憾美亦是美。

Anonymous said...

曾經, 極迷林夕, 但現在發覺他的詞九成都是為交貨而作, 感覺開始有點不一樣。

林夕字傳一, 捧在掌心, 如珠如寶 ; 字傳二, 連購買的意慾也沒有....