2.05.2007

After Ten




投訴皇,咁又十年喇,清卡啤娜問了我一個問題 「你估十年後你會係點?」
「未諗到,不過會盡快諗,唔知死左未?」

睇番十年前,計劃未來十年,一來一回,二十年,人生要搵到個目標,已經用左二十年,達到果個目標仲唔知要幾耐,最後仲可能失敗,咁煩,不如算啦!我唔算,唔係代表我有毅力,有理想,只是人生太悶,無d野追求下,D時間真係好難過....所以真係要諗下十年後應該點!

17 comments:

小風 said...

十年...orz 我都諗唔到
五年都勉強答到ge~~

不過...人生真係好悶...確係需要搵野追求...得閒無事就諗下未來有咩好做囉~~

Anonymous said...

有時候咁早諗定十年後會係點都未嘗係唔好,但係會唔會比咗壓力自己去做一啲嘢呢!? well,我係衝動派(白羊座)所以唔敢咁快諗咁遠o既事..所以都係到時再算喇,最多都係briefly咁諗嚟緊嗰兩或三年渣!

拜杜喴,我噚晚終於睇咗放遂,我都知係勾慈,但係响荷蘭冇咩機會睇港產片..適逢係呢度o既國際電影節,而香港o既代表呢,佢哋今年揀杜琪峰一系o既電影...响戲裡面個個佬都好型呀,擺"舖"皇好型,秋生都好型,連張家輝都型呀..任逹華就梗係唔駛講喇,two thumbs up都唔夠形容呀!希望下次佢哋揀葉偉信o既電影系列呢!

Anonymous said...

oh oh, sorry..部戲係叫放逐唔係放遂..哈哈,你當然知我打錯名喇 :D

Anonymous said...

呢兩日身體狀況幾差,令到自己無乜心情。
但是睇到你張相又開心番少少。 多謝!
在沒有金錢保障以後的生活下,不敢有甚麼計劃清廚,只好有一天過一天,有工就返。
I'm stucked in nowhere.

我是銀銀的長腿叔叔 said...

嘩...灘叔, 張相真係..唔得呀!!!

老到呀..

DOUBLECHIN™ said...

其實我都唔係好知, 只係忽然有感而發想攞d inspiration. 點知你都未諗喎.

咁多變數, 唔諗係正常. 諗左果d個個都變左成功人士lu, 唔駛坐係道等運到~

(如果repeat左請delete一個~ thanks)

Anonymous said...

做同諗往往係2回事
人生定下目標
就好似假設1個目的地比自己
有能力走埋去,恭喜你
每日望住個目標,望望下又1年
之後5年 再10 20年
回頭一看,目標只係1個假設性
令自己生命有一點點寄託
有一點點安慰
安慰唔係心中快慰做得到
而係自我安慰
明明做唔到,都要定目標比自己
有時真係,發下夢都好嘛

Anonymous said...

唔係嘛,咁又十年?
好驚呀,
我仲記得投訴皇點死
仲有仆落街買domdom

Anonymous said...

haha,呢張相似係十年後,多過十年前!

小朱飛刀 said...

嘩哈哈哈哈!!!
你嚇死我啦!
驚過上次麥潔文張相呀!
>(00)<

Anonymous said...

呢個問題真係好難答,其他高難度問題都話有得答吓~ 「唔識」‧「唔知」‧‧‧但如果比人問到自己對未來/未來10年嘅計劃時,都真係點都要答炸野出黎,可能雄性就係禁~ 出得黎行,就點都要有返少少理想陣一陣~ 答得出就唔等同於做得到,答"姐"~

其實空閒時自己亦會問下自己,「理想」、「理想」、「理想」... 諗諗吓就不其然地就變咗「幻想」~ 不"景"「理想」同「幻想」都只係一字之差~

呢條問題亦經常性係見工時遇到,但又有幾多個人會答「我想做您佬細呀~」佬細! excites me~

Anonymous said...

每一次想到這個問題,都是想了一大堆自己不肯定的東西,然後最終又再是想不到自己未來十年做甚麼,不說那麼長,就是五年也不能!週而得始的,人一生就是不停地在想自己的未來能做甚麼,認真也好,不認真都好,始終是做好今天最好!

Anonymous said...

呢張相....爆裂刑警既投訴王....
講小小題外話....
灘叔,邊度有得搵 法版 爆裂刑警??
我想要啊!!

同埋呢張咁既 size ....
真係岩岩可以用係MSN自己的大頭相度喔!

Anonymous said...

係呀..人生真係好悶.............

Anonymous said...

我又不太認同你的看法。我今年中五,要面對會考,在我個人而言,日子不難過,反而我更希望時間可以停留,不要隨風飄逝。每天,我們也在珍惜每一個相處的機會。不斷嗟嘆時間匆匆,24小時,根本不夠我們用。
其實有理想,可能是我們年青人,自我心靈慰藉的一個藉口,因為我們根本不能接受時間匆匆逝去…

WendyH said...

灘叔,

好中意聽你同有耳非文既節目!!!

宜家呢個數碼時代, 一秒就可以search到萬九幾樣資訊, 資訊氾濫, 意見奇多. 咁多諗頭真係唔知由邊度計起. 大公司有咁多專業顧問都唔敢話有十年plan喇.

莫講話一條冷既我為自已整個十年plan!! 所以我係無諗過十年計劃喎.

Frankiewoo2001 said...

「爆烈」咁又十年勒,好喜歡「投訴王」!

To Wenny:你試下去灣仔英皇地庫睇睇!