巴能匙

認識官小姐好多年，從前佢真係好「嗦」！好搞事之徒如你，一定會立刻說「即係而家唔嗦啦？！」你問得我一定答「係！佢而家無以前咁嗦！因為佢面上太多煩惱了！」
我跟官小姐說「有時煩惱是來自妳想太多！」，官小姐回覆「唔想唔得，但一想就有點透不過氣！」 我問她「既然如此，是時侯要走，妳可以做其他工作嗎？」 她感嘆「回頭太難了！」
既然無得選擇，就坦誠面對吧！像大部份人一樣，人生是要靠工作來得到生活，工作上能得到滿足感是一種福氣，得不到則是合理，工作是理應辛苦的，最重要是辛苦之後得到什麼，而如果你相信，一分辛勞可以得到一分快樂，那你註定不會快樂，辛苦同快樂的比例，如果可以去到一比九十九，當辛苦九十九次，就有一次快樂，已經是萬幸！請大家相信這是真相，因為只有接受，才可以有解決方法！
我給官小姐及大家的方法是，首先不要貪心，想出一樣你最愛最愛，最能令你快樂，而又負擔得起的事情出來，如旅行、出海、行山、血拼、運動、性愛、飲食、睇樓、睇妞、睇波、睇書、睇戲、聽歌、訓覺........總之不是傷天害利的事，係量力而為情況下，到自己係工作上太辛苦時，真係頂唔住就插入鎖匙開掣，高速離開工作，去做一件自己最快樂的事情，例如 午餐時間唔食飯，相約情人開房性愛，或者揀一架自己最無能力買得起的車來試，得三日假都要去倫敦、巴黎、巴塞隆拿一轉.....適隨尊便，但切記快樂完就要熄匙，然後回來又重新儲蓋掩，儲夠又再出發！之後我們工作時就會知道，是為快樂而辛苦，而辛苦過後，就可以盡情快樂！

所以記住頂唔順就插入匙開掣，回來就要熄匙，而這條匙叫做「巴能匙」



希望大家都可以像官小姐一樣，聽完會眼仔碌碌傻笑！btw，以上相片是影於〈火火〉即將推出舞台劇《大世界》排練場地，我唔係去探班，因為我都有份演一角半色，大家都知我跟住想講咩！我都無需要再講，總之門票就已經開始發售！手快有，手慢無！ 高高高~`

這些日子...

這些日子，大家都不好過
這些日子，大家都說不出話
這些日子，大家開口說的都不是好東西
這些日子，大家都需要歡笑



貪心的人，不快樂來自貪念未能滿足！
知足的人，卻因為其他人的貪念，弄得徬徨無助！
這是不公平的定律！ 頂``

這些日子，大家一起學習如何好好過
這些日子，大家都多點說話吧，老掉大牙的道理，「說了出來會舒服好多」
這些日子，大家都要學習只說好東西，雖然是困難，但總能夠找到一點半滴的好事
這些日子，大家都需要歡笑，原來這就是我的動力！

作為一個以賣笑維生的人，這些日子，身負重任，就算近排貨源不足，但我深信仍然有能力令大家歡樂！我快樂就你快樂，不如來個等價交易，大家留低一樣令大家歡樂的東西（笑話、相片、飲食、地方、行為....）你令我快樂，我送一件UB40 Tee回禮，物輕情意重，不愛也不要噓！

我會把中獎者的〈歡樂事〉登出，然後把禮物留在電台，等你來取！

快樂何止是免費，直頭係有禮物收，趕快行動，高高高~`

朋友

拍擋

你是我的拍檔，
你倒下，我便倒下
我倒下，請你繼續前進
我先走，也要知道你何時匯合
我出現，就是你需要我的時侯
我肯等，等你來令我們更強
你是我的拍檔，就是相隔千里，今天我們依然是並肩作戰，為新一周而努力~`

很喜歡....

很喜歡這裡的食物，好味之餘，又適合一大一人狂歡喪飲喪食...





很喜歡這裡的環境與燈光，雖然樓底比較高，說話要大聲一點，情侶浪漫晚餐未必最適合，但一大班人聚會，就會容易帶起情緒....




很喜歡這班人，小聚但多餐，每餐都聚得開懷！其實我們都很簡單，有飯食飯，有酒飲酒，有笑講笑，所以我們都很快樂~`








這裡是〈BLT Steak house〉 海運大廈G62號舖

Make Love No War

屋企的樓下單位的住客經常吵架，聲浪之大，情緒之激動，令我感到極度滋擾與不安，但人家的家事，我無可能干預，投訴過聲浪太大，靜了幾天又再來，還比之前更激烈！我不敢再投訴，恐怕火上加油，發生血案！但每次聽到他們吵架，我就像聽到計時炸彈倒數的聲音一樣，一步一驚心！長此以往受著這種精神折磨，血案未發生，我已先發瘋跳樓自殺！於是我苦思了幾日，終於俾我想出解決辦法！

「以燥音對付燥音 ！」

未講方法之前，我要聲明「我所使用的所謂燥音，其實對於來講是天籟之聲，但懂欣賞的人太小，才會把這種聲音歸類成為，像「重金屬」一樣不為人接受的燥音！」
言歸正傳，我的方法是把手提電腦駁上喇叭，放到窗台前，每每聽到吵架聲，我就把窗門全開，然後將電腦內正播放的「咸片」音量，較至最大播出；呢個方法之好處是，我既可以聽不見吵架聲，更可以放肆地聽自己最喜歡的聲音，一舉兩得，一石二鳥，一炮兩響！正~`

方法推出了一個星期後，我發現樓下的吵架聲好像沒有了，我有點擔心究竟是我的方法奏效，還是寧靜是來自....血案已經發生了....原來這種擔心而所受的精神折磨，比他們的吵架聲還嚴重！因為多日後我再次聽到他們吵架時，竟然有一種如釋重負的開懷感覺，我開心地把「Da咩~`」、「harder！harder！」、「不要停呵~`」的聲音推至最大，幾分鐘後，他們又停止了吵架，但之後每天的同樣時間，他們又會捲土重來，日復一日，我發現他們的吵架聲沒有從前那麼激烈，有時他們似在撕叫多過吵架！莫非他們不是吵架，而是在性愛，又或者他們知道只要稍發出些聲音，就會得到樓上某人播出「天籟」，然後就可以在這些聲音掩護下，合作做出自家的「天籟」
其實是那個可能都不重要，只要用關於「性」的方法，可以防止吵架，我的目的就達到了！但當然希望他們可以自發功，以「性交」阻止「嗌交」，因為我的「咸片」存貨已經所餘無幾，但若果他們別無其他方法，我只好廣發「英雄帖」，求各方英雄出手相救，為了世界可以快樂一些，大家出手相助吧~` Yeah`

Things can make Me smile again~`

When the glasses are in the tray, the eye chart appears in focus. When the glasses are removed, it appears blurry. Concept by Fiona Carswell for an eyeglass tray using thermochromatic ink and a pressure sensor.

Wish of the Beach~`

Your Wish is Granted.~`










































I hope your wish is granted too~`

Monday Reminders~`

It was a long, dark, sleepy morning walk.

You fell down, case and point.

It was a Good Start``

It was a Good Start``

問心

各位不同年紀女仕們，如果有一晚，妳飲大左，有相識不久的「佢」（圖中那位）抱妳返房，溫柔地放妳落床，手指慢慢為妳的太陽穴按摩....然後手開始移到妳身軀上，在妳重要的部位附近徘徊....然後「佢」低頭在妳耳邊輕輕的問「舒服嗎？」
未待妳回覆，「佢」開始吻向妳，然後......


問心果句，如果係「佢」借醉搞妳，會接受嗎？

武得揀與吳識揀

我曾經試過在一間日本餐館點菜，發生以下情形，一個年青男經理，永遠同時間要處理六件事情，落單時叫其他伙記帶客人埋位，又要幫其他檯追單，同時找錢俾左邊張檯，及幫右邊張檯埋單，仲要唔夠十秒就要撥靚個髮型一次，基本上，搵佢落單都知道會麻煩，但估唔到係煩到咁

「想食D咩？」

「魚生有邊樣靚？」

「樣樣都好靚！你想食咩？」

「邊樣最靚你介紹下丫」

「真係樣樣都靚喎，你想食咩？」

「我想食最好果樣！係邊樣丫？」

「呢度樣樣都咁好過喎，你想食咩？」

呢個位我開始有火，其實都算好耐性
「你係咁話樣樣都好，咁即係點呀！咁我即係要晒樣樣呀？！即係雜綿魚生呀？！」

「就雜綿魚生啦！乜都有，食過邊樣好食咪再ENCORE羅！而家唔駛傷腦筋丫嘛！」


我想揀！點解要全部俾晒我！

最近看到一位男子探訪有錢友人的遭遇，男子坐在大廳等待朋友，樣子端莊，態度盡責的女傭走近
「先生！想飲D乜？果汁、汽水、茶、咖啡、水同酒都有」

「我要「茶」，唔該！」

「要咩茶呢？我地有Ceylon、Earl Grey、Camomile、Gasmine、Indian tea, Herbal tea, Bush tea, Honey bush tea, iced tea or green tea? 普洱、龍井、水仙、香片、鐵觀音、烏龍茶、功夫茶、潮洲茶...」

「...我要杯咖啡得喇..」

「要乜咖啡，Latte、Capuccino、Frapuccino、Mocha、Americano、Espresso、Blue Mountain、Vienna Coffee 、Spanish Coffee...」

「我要杯regular coffee得喇！」

「咁要凍定熱呢？」

「熱！」

「加奶嗎？」

「加」

「要高脂高鈣奶，定低脂高鈣、亦或低脂低鈣，還是高脂低鈣奶？仲有花奶、羊奶、煉奶....」

「我都係唔駛加奶！」

「要sweetener, sugar or honey嗎?」

「Sugar唔該」

「Beet sugar or cane sugar?」

「Cane PLEASE！」

「White, brown or yellow sugar?」

男人火起了
「妳俾杯水我得喇！」

「好！要有氣定無氣？有氣有soda water、Qvarzia、Perrier...無氣有 Evian、Volvic、Vittel、Saint-Gervais.....」]

「我！只！係！想！就！咁！要！一！杯！清！水就得喇！」

「好！礦泉水、蒸漏水定水喉水？」

男人火起到想要「火水」來向女傭噴火，此刻，男人的朋友亦步至大廳

「唔好飲水啦，不如飲酒丫」
盡責的女傭立刻開聲
「想飲咩酒？紅酒、白酒、香檳、威士己、啤酒、Sake、Volka、tequila、Martini sweet、dry、bianco、GIN、五烺液、女兒紅......」
男人唔敢再揀
「你決定丫！」
我唔想揀！點解要全部俾晒我！

Physical~`

看罷 J W的演唱會，我跟朋友說「不知何解，我不喜歡...但觀賞過程是稱心的..」，朋友說「因為你怕懷舊！」
「Physical」、「You spin me round&round」、「Material GIRL」、「Vincent」、「玫瑰玫瑰我愛你」....我有能力講得出，唱得出每隻歌，証明絕對係我年代，感覺已經好唔自在，然後仲係一個二十歲少女，用把成熟又有韻味o既聲音唱出，仲唔係從前「金鳳凰酒廊」，駐場歌手：〈青春少艾，樣靚聲甜，情歌公主~李麗霞〉 再加上隊Band 〈音樂造詣極高，但心態只係打份工〉o既演出，環顧四周圍睇得入神o既觀眾，我差一點想叫杯fruit Punch飲，同寫紙遞上台點歌「禪院鐘聲」....是否時空交錯，把我送回從前的年代，我是現代人，我唔是返去從前！
朋友聽罷我發牢騷後，再輕輕拋下一句「唔好聽羅！聽飛輪海吧！」，「都唔聽！我聽尹光！」 你有飛輪海，我有爆金爛！既然要倒退，我就退到自己最不喜歡的時侯，橫豎都要受苦，被折磨倒不如自磨！但這一切都是我一廂情願的錯誤想法，離場時，兩位年輕少女告之我「真相」！

少女A：「頭先果隻〈PHYSICAL〉係咪舒適堡廣告新歌？」
少女B：「唔係掛，Aaron都無唱過！」
少女A：「可能下隻碟會唱呢！唔係點會有隻叫〈PHYSICAL〉喎！」
少女B：「咁又係.....」


潮流如季節，季節就似人生，人生就是一個循環，「過去」是跟我們反方向走的球體，當離開到最遠的時侯，過去又慢慢走到現在，舊東西面對新人事，變得新奇可愛，舊人事又可以繼續愛舊東西，而不怕被取笑「太懷舊」，因為舊東西都變成新時興！正如五十歲的BARBIE也可以再到中國打新工！

「Lets get Physical！」從前是禁歌內意淫的一句，如果Aaron翻唱，就可以變成「Lets get Physical.... membership for Free！」

大家同我做証，呢條橋係我諗先架！

灰底

嘩！正！等呢場雨好耐，無呢場雨都沖唔走d春霧！然後周末轉涼，仲可以著多次d厚衫去街！嘩！諗起都開心！
唔夠開心點有力做工喎！












有冇發現，當所有野灰晒，你會好容易見到顏色！你睇件衫隻藍，泳池個藍，屋企個綠，大廈個黃同磚紅，無論幾大雨，都依然好顯眼。
所以記住阿灘格言


〈越灰底，越多顏色睇！〉

yeah~`

消 色

即使外面是多灰陰，我們的世界仍然可以有很多色彩！

「如果無左一隻顏色，你會揀邊隻色？」，或許我太好色，根本揀不到可以捨棄的顏色！真係非揀不可，我就會揀「紫色」，因為我只見過一個人carry到紫色東西，但這人已經離開了很久，所以我認為「紫色」唔應該再係世上存在！

你最想唔要的顏色，又是那一隻？原因又是什麼？你每留低一個答案，這裡就那一分色彩~`

藍男自語

藍未必一定代表憂鬱，藍可以代表美麗，代表明亮，代表生機，代表春天....Blue monday也可以美麗又明亮，像春天一樣充滿生機！ 〈Moody blue！such a fool！〉

姊妹

金小姐與芷蘭相識多年，情同姊妹，芷蘭要結婚了，作為金蘭姊妹，金小姐得悉喜訊後，情緒比芷蘭更激動，緊抱著她，哭笑難分，以外星語向芷蘭送上多個祝賀，那一刻，金小姐心內有一句話，始終沒有說出口；芷蘭輕拍金小姐的背，除了說「多謝！」外，再找不到其他說話回應，但見金小姐良久亦未能平復，芷蘭故意問了金小姐一個明知故問的問題，「妳做我伴娘喎！」，金小姐聽罷，哭得更利害，笑得更大聲，心裡又另一句，始終沒有說出口！
芷蘭的婚禮越近，金小姐的情緒就越亂，直至要試伴娘衫的前一晚上，金小姐終於按捺不住，找了好友阿灘訴苦，要把心裡面那兩句話說出來！起初阿灘是抗拒的，因為阿灘是怕承擔的人，怕知道人家的秘密後，要承擔守秘密的負任，但永遠都是別人比自己，更清楚自己！灘高一呎，金高一丈！在阿灘往應金小姐約的途中，她已先下手為強！阿灘冷不提防打開她的短訊，無可逃避地分享了她的秘密，第一句她藏於心裡，沒有跟芷蘭說的話 「我可唔可以唔做伴娘？」
阿灘看罷，腦內已轉出多個「唔做姊妹的因由」，準備以其人之道，還治其人之身，妳未開口，已經說了妳想說的！
「芷蘭的丈夫，是妳的前度男友！」
「不是！」
「妳已經做過兩次，怕中傳說中做過三次伴娘就嫁唔出的魔咒！」
「也不是！」
「睇相佬說妳今年不宜做伴娘！」
「亦不是！」
「妳果日自己都要結婚，要做新娘，做唔到伴娘！」
「絕不是！」
「其實妳是男人，所以應該做伴郎！」
「都不是！」
阿灘越估越驚，緊張下忘了還有一個因由，但說時遲，那時快，金小姐已經把因由，連同沒有跟芷蘭要說的第二句話，一拼說出來
「伴娘的衫好Q核突！我唔想做伴娘，就係唔想著果d核突衫！」
金小姐把心底話說出後，整個人鬆了一口氣，而阿灘就站起來，走到金小姐面前，擁抱她
「我以為我心腸唔好，又無事生非！我一直想問〈點Q解伴娘及姊妹d衫咁Q核突？！〉」

能夠找到志同道合，是一件很動人的事情！

就係因為呢個因由，所以阿灘不愛去婚宴，亦謝絕做「兄弟」！實在難忍望見d咁Q核突的畫面！還記得很多年前，絕少做「兄弟」的阿灘，多年前因為垂涎朋友的伴娘，竟然請纓甘做伴郎，到大喜當日，阿灘嚇了一跳，原本明明脫俗得像出道時的Juliette Binoche，搞乜會變成後期的朱咪咪！要對住一整日，俾處死更難受，而好明顯問題都不在伴娘或姊妹本身，都是那身由印花窗簾布+透視窗簾紗，再加些小檯布，包禮物會甩粉的金線絲帶蝴蝶結，及狀似臭丸的小型珍珠，怕凍或怕肥的，仲會加多件夜總會知客必備的毛毛披肩，手上仲唔知點解要配多個花環，簡直是娘爆，然後再加令人一見難忘的化妝與髮型，再靚的美人亦會因為做姊妹或伴娘而變醜，所以別怪阿灘心腸唔好，當你苦思心亦無法解釋 「點解姊妹同伴娘的打扮咁Q核突？！」，你只會得出一個結論，就是新娘子刻意整醜身邊的人，來顯得自己突別靚！

金小姐垂死掙扎，願意以任何代價，得到一條「唔駛做伴娘，又唔會得罪芷蘭」的絕橋，但阿灘才華有限，雙贏局面的絕橋真的無法提供，但「免除伴娘姊妹團穿著核突制服」的屎橋，阿灘仲有貨賣，信者得救！
阿灘叫金小姐主動接觸芷蘭未婚夫，要他向芷蘭嚴正聲明，如果伴娘姊妹們穿著核突制服，就立刻取消婚約！金小姐對阿灘的提議感到啼笑皆非，覺得是天方夜談，但阿灘堅持這是唯一可以改變事實的辦法，只要金小姐及一眾姊妹堅持以性感泳衣，取代現有核突制服，芷蘭的未婚夫一定肯以終生大事來支持！
絕望的金小姐，竟然用了三秒分折阿灘提供辦法的可行性，「泳衣我實在無法接受！緊身高叉旗袍可以嗎？這是我最後的底線！」阿灘直斥金小姐天真且傻，就算旗袍通過，由於費用昂貴，係呢個時勢，根本無人願意承擔，只有性感泳衣，由於布不多，必要時上深圳訂造，十零蚊應該造到，再加上「伴娘姊妹團」著泳衣呢個咁大膽嶄新且革命性的意念，肯定可以得到大部份在野憤青、憤佬、憤坑、憤叔、憤伯訓身支持動議！金小姐竟然點頭和應，阿灘啼笑皆非！人在困惑無助時，真係乜都會相信！但相信又未必代表會行動！
翌日，金小姐與姊妹們如常試穿了那套核Q突制服，還交足戲，全程笑容滿面，情況一直相安無事，喜氣洋洋！但去到尾聲的時侯，其中一位之前一晚浦天光，唔夠訓又hangover的姊妹細卷突然撲起身，氣沖沖地走到芷蘭跟前 「Sorry！我頂唔順d衫，我幫唔到妳做姊妹！」 一時間，全場鴉雀無聲，唯獨金小姐情不自禁地拍了一下手掌，眾人來不及反應，細卷就繼續發炮「點解要扮到咁娘爆，我寧願著泳衣都唔著呢d衫！」金小姐正欲大聲叫「好！」，發現芷蘭望向她，金小姐立刻吞左個好字落肚，急轉為低聲不滿地說「有冇搞錯~」芷蘭問細卷想穿什麼？「我唔知，總之就唔係呢d核突制服！」，金小姐想點頭認同，但芷蘭又望望她，金即睜眉弄眼，手指指 「有冇搞錯~`」在這個膠著狀態下，冷傲的ICY兩指夾馨一支未點的香煙，垂著頭，聲線卻鏗鏘有力 「我識一個後生裁縫，專造去飲D衫，好靚！唔貴！有興趣轉頭覆我！一支煙時間~」，說罷垂著頭走出房外煲煙。這個時侯，各姊妹開始嘗試發言 「其實都可以試下....」、「唔貴又靚，我地自己俾番錢羅..」、「無所謂....都係為左賀芷蘭！」，而芷蘭亦承認「D衫係好Q核突！」，金小姐看著一眾終於落實找ICY的裁縫造靚伴娘及姊妹衫，感動到發了一個短訊給阿灘 「原來肯開口爭取，真係可以改變到事實架！」
以上是一個月前的故事，一個月後的今天，阿灘不停收到金小姐的求助短訊 「我唔做伴娘喇！姊妹們都話想唔做！」「新娘套衫都無咁麻煩啦！唔駛做工咩！」 「邊有人要個客減肥去就佢套衫架！」 「連ICY都頂唔順喇！」 「客人梗係有意見俾架啦！咁就覺得唔尊重，你係裁縫！唔係設計師！唔係藝術家呀！」 「而家唔係我地不滿，係人地藝術時裝師唔想造我地，劈炮走人呀！」 芷蘭的婚禮在十日後就要舉行，伴娘姊妹們還可以有什麼選擇呢？直至截稿前，阿灘收到金小姐的最後短訊是 「無衫著，最多咪著番之前果D核Q突衫，一日之麻，駛死咩！」

要革命成功，是需要無比的堅毅，但可惜我們往往遇到的情況是〈革命尚未成功，但同志已經無力！〉，所以我們依然要捱伴娘姊妹們的核Q突制服~`sigh`