1.14.2009

解藥



大家一齊研究一下,究竟最近悶悶兜兜,撻緊都唔著,有心無力的狀態,是否因為天氣太凍,而聖旦及新年玩到無晒力,同時又要留力迎接下星期的花市、蘿白糕、年糕、魚蝦蟹、沙蟹、紅酒、白酒...加捱更抵夜,仲辛苦過平日返工十倍的生活,試問現在仲點會有任何狀態!人家都春運開始回家啦!我地仲要做做做!香港人嘛!淨係識做工!Dee!但當然有得做梗係好過無得做啦!香港人嘛!好識靈活變通!唔做工邊有錢買衫買鞋買psp買波買馬,交租交水電交煤氣交人情交帛金交朋結友交配交換溫柔,供車供樓供狗供情人供親人供馬會供基金供子女供52吋Full HD LCD TV供醫療供保險供IT供JOYCE供加洲紅供上面果個供下面果個供過要求,功德無量~`你話我地唔做工點得!香港人嘛!總會找到解藥渡過難關!無錯!我已經找到了!我選擇去吸毒~`

係我區找毒品比較困難,要行大既近十分鐘,先有一間毒品分銷中心,而個場比較老化,好多公公婆婆係度hae,真係想像唔到呢個年紀仲可以吸毒!有毒癮的人最怕就是組織東西,呢個場好好,幫你安排好晒!只要你走到收銀處,講出幾多號餐,你想要的DCB、F-O-F、BIGM、SM....就會連同九九巴仙油炸度,一食就HIGH到停唔到口的FF,再加上吸毒後必要飲的有甜加冰可樂一同送上!有時我唔夠HIGH,仲會再加多杯新地福壽雪糕!食晒落肚未耐就會大瀉一場,之後你會覺得自己由內到外,都得到從生,你會渾身是勁,精力充沛!勇敢面對你工作,捱埋呢個幾星期!

咪話唔單聲你地知,最近佢地果個MalaMacLokGai,四件裝,你可以分幾次啪都得,high過原裝MMLG好多!癮起記住試!

13 comments:

Anonymous said...

個MalaMLG 一d都唔La 既.

我都係仍然最愛3號餐走S 同埋越細條越好吃既 FF.

~fie

櫻記士多*Ada* said...

要high到似你拱樣, 我諗要加埋個"超級sunshine"先得!
我淨係鍾意high"FF"同"塞米"咋喎, MalaMacLokGai拱難食!

Anonymous said...

係咪真架 , 我會試下 . 嘻 !!!!

sugar19sugar

unkle beach said...

sugar19sugar

妳好番未?

S said...

講得好中!!

Anonymous said...

-helenato-

睇C朗攞08世足先生d片,
諗番佢舊年,比人話佢恨攞呢個獎到,
搏大霧錯攞07卡卡個獎,
佢個樣真係... 諗起我都想笑,
佢cool開型爆架嘛

Anonymous said...

but i will resign tmr, find a new job after lunar new year!

pvc said...

嘩,high麥啲呀..唔怪之得個雙下巴跟足你一世喇~

祝你個雙下巴永遠與你同在,阿悶~

said...

我昨晚都食佢個亞7。哈哈。

米米 said...

最好食都係新地福壽雪糕上面的朱古力花生..hee..諗起都想食

米菲菇比 said...

熱烘烘的ff用"了"新地福壽雪糕走醬黎食係冰火交融的一刻....必試!

Anonymous said...

我好返八成架喇 , 不過要戒酒..........

哈 !!!!

sugar19sugar

Anonymous said...

哈哈哈哈~ 你好funny~