10.07.2008

混沌





山中方一天,世上已千年!去英國七日,要多小日子才可以回來香港?其實係回到地球?!
在英國每每遇上慢吞吞的員工們,當每想說「快D啦!」之際,就同時有另一把聲音叫自己「放鬆!不要把香港節奏放於歐洲!」,事實上,英國已經比其他歐洲國家快,如果係西班牙,買買下野,佢地夠鐘「Siesta」,要午睡後再繼續服務,可以這樣想,人就會安定下來!還有在歐洲其實無甚節目,最大的嗜好就只有望著蒼茫茫的天空,在冷冰冰的寒風下,胡思亂想!所以在歐洲寫詩畫畫,並唔係扮野事情,基本上係同香港人去唱K、打牌同腳底按摩一樣咁普通... 其次可以做的就只有去睇波同到其他國度遊覽,無論英國定歐洲,要看的實在太多,一個地方,一個城市,無可能一日,一個星期就可以了解,你唔肯放下香港的節奏,就唔好去歐洲,又或者咁講,我們都應該久不久去歐洲,調節一下我們急促的生活節奏!

不要說我「晒命」,事在人為,人生好短暫,當你後悔一生只在一個繁碌的國度渡過時,想離開已經有心無力,恨錯難翻!

英國的節奏及態度,令我困在機倉二十多小時,仍然沒有生理、心理不安!人家本應在香港準時落機,然後轉機、轉車去深圳,但卻困在深洲機場外十多小時,然後飛十分鐘回港,再轉截到深圳.... 卻沒半句怨言!橫豎要不滿,不如化成歡樂,給予這件慘事一些掌聲、歡呼... 到落機時,我們帶著離開的,都不會是負面情緒!何樂而不為!「急matt丫!難得鍜練EQ的好機會啦!」

感謝一眾事件給我的啟發與鍜練!

可惜回到香港,情緒、心情可以慢但動作唔慢得!「星期三十一點開會?快覆」「XX問你幾時再有野睇?」「節目主持問題」「球來球往之後FORMAT」「幾時去睇脊椎醫生」「行李幾時執」「今日星期日GATHERING?如果得你聯略阿媽定我聯?」「幾套劇十幾套戲幾時清」「朋友隻貓有事」「無買手信點面對同事」

我混沌是因為我仍然以歐洲節奏,面對香港問題!係香港你想一日做一件事,就算是坐監也沒可能!但一下子要由天堂回到煉獄,不免要些時間適應,希望各位見諒!
「急matt丫!難得鍜練EQ的好機會啦!」

8 comments:

Cathy said...

hey Matt,
西班牙午睡係叫Siesta,
但當然你想佢地搞fiesta(festival)好過啦!

unkle beach said...

thx CATHY

YOU know the S is near the F

SCARRED V said...

海灘,你煲乜劇呢?

我都覺得香港人的節奏係咪全球最急速呢?
當連東京買嘢等包裝時都滋滋油油的話...
可能香港人比起其他地球人做多幾世嘢...
嘻嘻...

unkle beach said...

v:

一直未有時間睇番DEXTER!好想睇~`

jessica said...

take your time.....take it easy.

Fayeh2o said...

我都覺得香港係"過快"既節奏。你令我好掛念加拿大既步伐...同樣慢 & 巧輕鬆。

bo said...

你會唔會考慮移民呢? 我响舊金山住既時候, 記得有個舊金山華人電台, 都幾好聽嫁!

Cool man, TIE la.

pasLeSweetie said...

我覺得香港人個腦都轉得急過人 都唔係壞事啵,起碼smart啲,反而有優勢 適應力爆強,快開慢咩 冇問題, 慢完快番又得 但係不嬲慢就好難快到喇