完之失落

一個假期結束前，你會好失落
一場大賽完場前，你會好不捨
一部好戲完場前，你會好激動
一本好書看完前，你會好不安
一個派對完之前，你會好想走
一些親朋離去前，你會好後悔
一次性愛完事前，你會好努力
一段關係結束前，你會好無助
一份工作完成前，你會好...

「邪門」

為什麼只是爭那小小，但還是無法完成！一定是潛意識的我不想完結，是因為我太喜這個project，所以不捨得完結？這當然沒可能，說過一千遍「完了，又是另一個開始！」有什麼比如果完成這一項，就要開始另一項痛苦？而向朋友訴苦時，還要得到「你有咁多野做咩？唔覺o既？」

人生是痛苦的，活著是要尋找快樂，工作只是為了生存，生活是要製造人生，人生是痛苦的，活著是要尋找快樂！ 所以「一份工作完成前，你應該只會好想快叉點完成，然後立刻走去做可以令自己最快樂的事！」 咁我先走一步！ 有進一步消息再通知大家~` bb

七月七

首先大家聽見果個PROMO係堅o既，三姑係七月七號返電台開咪，至於拍檔係咪我？直到今日下午同佢飲茶，佢都無提過搵我，所以佢可能傻起上黎自己做，但自己做咁辛苦，即係叫佢唔好做，唔想佢唔做但搵邊個做？仲有兩個禮拜，或者佢遲d會同我講掛，又或者已經另有其人，不過係邊個都無所謂啦，最緊要係佢回歸，大家又有得笑餐飽！ 咁再等多等都值得啦

That's What Friends Are For

在全場在大笑，小女孩的爸爸一眼也不敢望我，因為自他結婚前的「寡佬派對」後，我根本沒有再同佢一齊去玩，即是說朋友每次去玩，都話同我一齊去，佢講俾老婆聽，佢老婆講俾佢個女聽，聽下聽下就LABEL左我係壞人，但「帶壞佢爸爸」應該是她媽媽說，小朋友唔會識咁形容！

朋友就係要黎咁利用，最緊要你玩得開心，咁我犧牲都值得，有來有往O既~`

你點睇.

好彩襯有太陽開心左兩日，世界末日前d天氣都會係咁，所以珍惜好天氣日子的一分一秒！大家聽日至小有半日假放，而我就要繼續打大風出發！真係諗起都開心！既然大家多半日假，俾d野大家研究下

同朋友飯聚，席中十多人，有男有女，年紀相若，其中一家三口，女兒剛十歲，睇住佢出世，睇住佢大，暗裡都算係我契女，我每次搞笑，佢都想死忍唔笑，但最終失敗後，笑完都會補句「Matt 叔叔你唔好咁低能啦！」
而近呢一兩年，佢開始簡化說話「Matt叔叔又低能！」，甚至試過極簡單「低能！」語氣是極之肯定的
差不多散席時，我同佢講笑「妳返屋企先啦，我同你爸爸去玩！」，佢立刻攬住爸爸話「唔得唔得！」 席上另一位朋友又撘嘴 「求下你啦！俾我同你爸爸去玩啦，玩一陣就返」 佢竟然放開爸爸然後說「一陣架咋！」俾人咁落面，我登時問佢「點解我同你爸爸去玩就唔得，xx叔叔就得先？！」 佢又攬住爸爸，係佢肚腩發聲「唔好要我講點解啦？」 「講啦！求下你啦！」 佢沉默了一會，猛然望向我 「我唔想你帶壞我爸爸呀！」

全場大笑過後，大家埋單離去，一家三口上車後，席上其他朋友立刻再次投入討論「點解個小小妹會話我帶壞佢爸爸！」因為就算真相是我帶壞佢爸爸，但無人講佢一定唔知，有人認為「佢係電視電影學番黎，唔係真心..」 又有人認為「是席上其他朋友有意無意間講過佢知！」 更有人肯定是「佢媽媽同佢講...」而我又有另一個想法，其實是真相，所以唔可以講出黎先，等大家估下，講下...

無聊夜，高高高！

清廚

平生至憎就係「講價」，今日竟然為左呢四份一個西瓜破格~~

「老闆娘，果舊西瓜幾錢？」

「十三蚊」

我望望身上得十二圓散紙，及一張五百圓，我就係咁樣破處，同一般情況一樣，過程都是極不愉快，極後悔...

「十二蚊得唔得？」

「嘩！睇你高高大大又幾好樣，一蚊都要貪下我？！」

我連忙想開腔解釋，但已被老闆娘搶了白

「十二蚊就十二蚊啦，我豪俾你！」

我把十二圓交俾佢，拿著西瓜，無言而對

「老闆娘！我以後會繼續幫襯妳！」

「係你先好講呀！呃人變醜樣呀！」

雖然我係醜樣，但我係天生，並不是後天經常呃人所至，但人生的誤會，總是無法解釋，要怪自己點解唔羅張五百蚊出黎，不如怪自己無端改變，但我如果我無「清廚」，又點會食西瓜食得咁開心！

YEAH~`

等到喇~`

個天已經待我不薄，原先是因為配合我完成工作，然後先會出太陽，但等無可等，雨落無可落，佢要爆出來了！雖然我尚欠「 」 才完成應要完成工作，但我已經忍無可忍，放工飛左去石澳一轉，見下太陽，聞下海風，睇下艷女，雖然時間好短，但已經好滿足，家下我都係同大家一齊繼續做，做完就快d仆去曬喇！ Yeah`~

明月幾時有

放心！明天會好好天！各位準備行動！ 不過今晚月圓，相信已經有好多奇妙事情會發生~`
woooooooooo

Happy Office Hour

我唔算返得office工多，就算有返過，電影公司的office跟正常有很大分別，正常OFFICE總不能是全間黑色，又或者全公司都是vintage傢俬...又不會有成塊面穿晒環，成呎高punk頭的女同事出現，又或者有著住舊tee 短褲，係公司做通宵的男同事...所以我原則上，係未見過真正office....

我估商台雖然係一個從事娛樂事業的大機構，但都已經好接近真正office，起碼呢度d公事檯，全部是又殘又老土，還有以光管照明，同埋呢度有好多 OL，咁係OFFICE喇掛？！

作為我呢D鄉仔，對OFFICE內一舉一動都相當好奇，例如我唔係好明點解會咁多人帶飯，我明白出去食又貴又唔好食，但困住係間OFFICE成日，唔想出去吸下真空氣咩？個答案是 「留係度上下網好過啦...」 「出..食完咪出羅...」「出去？！邊食仲要邊做呀！」，點解我知，因為我問班 OL羅！ 二台OFFICE外是「叮飯位」日日留係電台做野，都係為左LUNCH TIME，等數以萬計的OL黎「叮飯」同「等叮完飯」，真係好睇過戲！





不過我最近可能望得太直接，仲要影埋相，有關OL只肯俾我望，但一見我行近，就會轉身擺人牆，仲一定要我離球十碼，否則俾紅牌，趕我出場！

其實我知道班OL並唔係個個都咁對我，我總覺得當中有一個至唔知幾多個，本來係唔帶飯，但為左每日可以係LUNCH TIME過黎見下我，所以自己學煮飯黎帶，但其實煮得好難食，但為左見我，難食D都要！
真係用心良苦，唔好再折磨自己，等我請妳食飯啦！我屋企都有D野食剩，我帶番黎叮俾妳食~~係咪好羅曼蒂克呢！ 笑完！噓完！X完！ 好死番去做野喇！（我最主要係同自己講！）

要爭取快樂~`

星期日晚，吃著我認為世上最好吃的家常晚飯，邊看港台「鏗鏘集」送飯，今集的題目是「善終」，轉到另一個台，仍是各式其式的四川地震消息，電影台就做「明日之後」，別過臉不看，垂頭又看到報紙上steve jobs懷疑患癌的消息~~

席上有位高人驀然開腔，「個天都唔想好人再受苦，早一點帶他們離開，剩下來的，如果敵得過天的考驗，就會成為未來救活地球的一小群！」



高人一講完，兩隻龜仔同時回頭望過來，似相當認同高人講法，或許未來地球洗牌再來，開荒的再不是牛，而是龜，人類？ 只剩低長進的一族，相信全球不會超過五十萬，希望到時我夠「好人」，個天會帶走我先，旨意我去救地球？海灘都唔知救唔救到呀？！




不是因為下雨天，令我胡思亂想，我其實好清徹，當你知道個派對就完，你一定會玩得盡情好多，如果你係會坐係度怨點解個派對咁快完，咁你連最後的歡樂時光也失去！

『就快落幕，爭取快樂』

精力充沛

已經很久沒有自然醒，已經很久沒有訓超過十個鐘，已經很久沒有試過訓醒覺得好醒神，太陽仍然未出來，我明白這是天意，待我完成呢個階段趕工，太陽就會隨住我其他肥肉，一齊出來見大家，不過我應承自己要完工，已經是兩個星期前的事！放心！我一定趕得起，呢句是我日日講的一句話！

我知道呢度靜了很多，小了很多東西給大家看，來愛我吧，給我再多一點耐性，我告訴你們，這個付出是值得的！大家不要走呀~~

橙迷浦頭

看圖加字`~

藏交

曾經我也是一名「收藏家」，雖然我收藏的，並不是人家那些價值連城的「名畫」、「名車」、「名錶」、「名酒」，我收藏的，只不過是一些雜誌，一些cd、一些火機，但在我心裡面，這些東西都是無價，比那些「名咩、名乜」高很多個層次！但我怕追求無止境的東西，會令我感不安，其實你大陪份時間花在那些「珍藏」上，都不是欣賞，而是「如何處理」它們，終於你找了一個風水地安葬佢地，例如櫃頂個膠箱上面，例如床下底最埋入去要爬果個角落，例如索性放佢地入寶福山大型迷你倉...無論咩方法，都係唔捨得唔要，但又唔知放係邊，最後搵到個位放好就以後都唔會再望一眼，有人話留番老來慢慢回味，咁點解要佢地呢二三十年失晒應有功能，終於我「噹」一聲參透左玄機，我將我所有囍愛的收藏，都送給人，「記住再送俾人，叫佢好好保存，我們老來再見！」，本來訓係寶福山，家下有得四圍去，給不同的人欣賞，佢地個個都重拾青春，精力充沛，MC HAMMER再跳起舞來，火機會再次「有火」，DVD內的大名星，再次有表演的機會....原來你肯放手，佢地仲有大把青春....「放下自在」

很快又會有新一輪的拍賣會，我還想出一個好玩的方法，『COMING UP~` THIS SUMMER~` BEACH DUTCH AUCTION~`』 係咪好似D荷里活大片預告旁白，請留意影期！

我現在唯一會收藏的，是其他人的故事，其他人的收藏，就像我有個親人，佢最鍾意收藏「咕旬」、收藏「鬧鐘」，基本上佢間房，D「咕旬」係可以做到「波波池」效果，佢D「鬧鐘」，多到可以三百六十度圍住張床，但無天只會用一個，每晚只會攬一個「咕旬」；我又有個朋友從不飲酒，但專收藏我飲完的酒樽，啤酒除外；又有人喜歡收藏「搖酒捧」、「酒店拖鞋」、「杯墊」、「音樂盒」、「玻璃樽」、「安全套」、「衛生巾」....你又有什麼奇怪「收藏」，不如我地交換一下~~至小文字上交換一下，高高高~`

PS：好多朋友都以為我現在收藏WHISKY，其實只不過係當人一開始老，就會有人送「酒」俾你做 禮物，應該
係想對方飲多D，快D死~`

JET

有電台PR女同事睇完話「想嘔」，應該同見到枝酒有關~~

你喇沙~`

我想去「如心廣場」好耐，好想知道呢座龔小姐最後傑作，究竟有幾「傑」





有幾「傑」我唔知，我淨係知道好「暈」，個酒店大門口毫無方向指示，人車搵路，好容易撞到你暈


















果頭暈醒，上到大堂，四四方方，仲要有鏡，問間餐廳點去 個recep靚女話「左面」，我轉頭，面面都係左面，可唔可以請個escort帶路呀！




千辛萬苦搵到架lift，個神稍稍定番d，一入到lift又暈過！家下去食『自助餐』，駛唔駛咁迷呀？！唔係去clubbing喎！



終....於嘔住去到餐廳入口，「嘩！」 醒晒！估不到荃灣亦有咁grand o既地方！然後走到餐廳內......
而自助餐的水準.......

最失望的時，我竟然遇到佢！



一個看來廿來歲，戴著黑色粗框眼鏡的潮童，他在這裡負責為客人煮麵，我點了一碗「素翅+日本魚蛋」，他以極熟練手法，不出一分鐘已經為我煮好，然後他問我「湯要唔要辣？」 「點辣法，係咪咖哩咁一pat醬？」
「唔係，係馬來西亞喇沙....你喇沙？」 「嘩！」我懷疑只是自己敏感，以對方年紀，「初戀無限Touch」上畫時，佢應該得十一二歲，未必有睇過，但我心係咁諗，把口就即答 「我喇沙，你喇沙？」 我見到杯「素翅+日本魚蛋」係咁震，原來條潮童忍笑忍到震晒，終於都笑左出黎，半秒後佢笑到收唔到聲咁話「sorry！我換個碗俾你！」

哈！「你喇沙」 真係玩十年都咁開心！感謝潮童你令我醒番晒！





點知臨走去個廁所，又俾呢度d設計激爆，洗手碗係尿兜旁，仲要疏罅，咁如果有人在旁小便，我就唔可以垂頭洗面，否則你塊面就會同人家陽具好接近，呢d係咩設計黎架！『你喇沙！』