無錯.....

....有時，你唔開口說出要求，就會好似相中男子一樣，一臉無奈，想一野鬆過去，又好似太殘忍，唔出聲，個膊頭又重又疲....

以前住屋村，D所謂黑社會，一遇到問題就會大叫「XX浦頭！」，但叫完現場仲小左人，就算多都可能係警察，我一直覺得比佢地優越，至小我出句聲，「拾扑他浦頭！」，都真係CALL到十零廿個出黎丫~~

你撐我，我就撐你！高高高！

不過今晚都係無地方去~ SIGH

請給我一點熱情

其實....

我.....

我需要.....

簡單黎講，我開始迷茫，每天做的事，有誰在留意，每天寫的東西，有誰共鳴，在這批評之都，如果你做的東西，連鬧都無人鬧，其實好傷感，看到這裡冷冷清清，來來去去都是那小貓三幾隻，一次一次問自己，還應該繼續嗎？

所以ANGELA問今年會否像上年一樣，會搞GATHERING，我的答案是「意興闌珊」，這刻驀然有點唇寒齒亡的感覺，渾身凍得抖震起來`~ SIGH

飯聚

人有三衰六旺，呢期我都算一衰，唔好話約會，想搵人「飯聚」一下，男、女、老、幼，連兩隻龜都唔啋我！好彩我都總算受過長期訓練，知道點樣令自己一個亦可以好快樂....

今晚，我就一個人出去玩，去到邊玩到邊，見到邊個玩邊個！你夠膽就留低你會係邊，我就過黎啋場，咁當然要你個地方吸引先得啦~`

come on 高高高~`

缺一不可

首先，以下內容可能引至妳母性大發，但請放心，我識照顧自己架，媽咪~~`




上面呢五樣東西，我每天出街，都一定要跟身，小了一樣，我就會癮起，周身唔自在，無帶電話同銀包都無咁驚，等我續一介紹下...

右上角果支要黎通鼻同收鼻水，我知無益，但呢個係唯一方法令我見人，或者開咪前，可以令個鼻穩定，而下面那支所謂通鼻「傷風通」，當然係無效，但有時個鼻塞起上黎，用呢條野，當係大碌「棉花棒」，仲有薄荷，去拉開個鼻孔抖氣，總比用手指美觀...少許...

攪掂個鼻，有時因為過疲及用眼力過度，雙眼好需要滋潤，如果無眼藥水係身，我會覺得自己雙眼失明，一無事成...

而香口膠不用多提，因為請客要有五頭鮑，見客就要香口膠，如果見人前唔食一至多粒，我會唔敢講野...
至於下面那些是妹妹送給我的「XX果」，唔記得個名係因為，我明明覺得係「八仙果」，但佢死話唔係，總之食左個喉嚨會舒服同潤滑好多....

我試過無數次，因為帶漏，而要立刻搵藥房去買番，買番黎雖然未必一定會用，但唔買我就頓時變成一個廢人，今朝返電台，上左車先記得無帶通鼻野，咁早又無得買，終於我仍然是叫的士番轉頭，緊握住支通鼻野時，我得到前所未有的「安全感」，足夠支持我做埋個節目，否則以我今日O既病情，我應該連早晨都無力講...認真係好彩！

每個人都有些東西一定要跟身，就等如妳去到幾遠旅行，都一定要帶那一隻跟左妳二十年，有名有姓的「公仔」一樣，又或者你那一支寫到人筆合一的「普通鋼筆」，這些東西我們簡稱為「吉祥物」，曾經有一位女子同問我「如果你帶住我會感到有安全感，你會當我是吉祥物嗎？」，我肯定地回答「不會！因為我對吉祥物是充滿性幻想的，總希望知道，吉祥物內裡的真正面貌，但知道後，往往會非常後悔，所以還是保持距離好一點...」

還是「吉祥五寶」的純情 拾卜慈，對我比較有幫助~`

W hile W e W ere W orking

They are All Sleeping~~




























拍戲大部份時間都係「等」，咁齋「wairing」，倒不如去「Sleeping」，到開工時就有人叫醒...
當我唔駛working，正準備去sleeping黎waiiting for next working，嘩！我見到surprising 同tourching....









失散一輪，佢兩兄弟終於重遇！














你說唔似，當視人絕對無所謂，但竟然有新入行的女場記信以葉生是樂仔的親生哥哥，這個誤會絕對不美麗，做電影幕後，妳竟然連「葉偉信」導演都唔識？！咁認真要撿討一下....我講葉偉信，做咁耐都無人識，仲話靚仔導演，啋~~`

些榮

無求什麼..



久不久有這樣的十五分鐘，最好三十分鐘，我已經心滿意足~`




假期不計長短，匿埋係廁格一分鐘，想你唔應該想的事，落街食支煙，聽首歌，打個電話flirt下人，搵人鬥下嘴，互窒開下腦，再唔係上黎呢度睇下，我包你好refreshing``

Day One

如果談戀愛跟有工開，兩個只能活一個，我一定揀有工開，因為開工一定比談戀愛快樂！











為「野狼犬」導演郭子健新戲「青苔」客串，場景在深水埗一間殘舊的「公寓」，我最喜歡的場景！
那種舊，那種污穢，那種令人會覺得至身於另一個國度的地方，除了拍戲，正常人，根本永遠不會踏足，上次拍「金雞」時，去到尖沙嘴重慶大廈取景，我覺得還是深水埗的才真正有那種靡爛！






看見這個場景，這種造型，大抵你都會知道呢部電影個世界是什麼了~`我建議，大家都係趕快去睇左「野狼犬」先，因為呢部要遲一排至有得睇。




男主角











我六年前第一日見到佢，就問佢其實係咪姓「葉」，佢否認後，我就去問葉偉信係咪其實係姓「余」，佢兩個無理唔係兩兄弟，樣似連講野個格，諗野方法都一模一樣.....咁「傻」！











至於我演咩角色，一定唔係大家睇完呢張相所想，但你要咁想，我都唔會怪你，要怪就怪影呢張果個余文樂！

人望高處

今日，有一個身型嬌小的女化妝師替我吸面油的時侯，抬著頭問我「你有試過要抬高頭望人嗎？」，我即時回答「有！我跪下的時侯！」化妝小姐突然變得靦腆, 低聲再問「你是說求婚的時侯嗎？」，我沒有回答，因為我的腦海已飛往我曾經在「七年很癢」內，拍過的一個鏡頭，女主角不慎扭傷腳，他鍾情的男主角走到她跟前，跪下輕扶著她的腳，構成了一個像男主角向她求婚的畫面，整個世界都停頓下來，就讓二人享受這一刻...

「不回答是不是默認？」

我被這句話帶回現實去

「妳要不要試試？」

化妝小姐一怔，強擠出一個笑客定定驚後，微笑大方地回應我「我受不起呢！」，然後想了想又再說 「能夠令你下跪那位，怎可能是我這種貨色呢？！」

我又沒回答，因為腦袋又飛到另一個舊故事去

男女主角是由小學開始相識的好朋友，女主角一直對他有好感，奈何他天性被動，終於女主角跟另一位男子相戀了，但一年後，二人因種種問題分手，女主角傷心欲絕，他就竭畫所能去逗她開心，但越逗她，她卻越不開心，但他鍥而不捨，給她送上最幸福的祝福 「放心吧！妳將來一定有一個又靚仔，又有錢，又成熟，又有負任感的男人愛妳一生一世.....放心，我願意用我一生的愛情來換給妳！」

她聽罷，淚水奪眶而出，心絞痛地望著他 「你用所有感情，也不去換做那個愛我一生一世的人？我估你真的一點也不愛我？」 他聽罷渾身無力 「我一直以為我高攀不起妳...我甚至連抬頭看妳也不敢...」

之後......之後是怎樣也不重要了，想到這裡，我又回到現實，我正容地問化妝小姐，「妳真的想看我抬高頭的樣子嗎？」她只笑沒有回答，我叫她向上望，她看了一會 「沒東西好看！」，回頭時看到我也抬高頭看著東西

「不一定跪呢！妳現在不是看到我抬高了頭看東西嗎？妳不抬頭，怎會看到我抬頭呢。」

她失笑...

「看不起別人是可恥，看不起自己是可佈，很多東西，只要你肯抬起頭，就可以看到！」

堅

最近認識了一位廣告、MTV導演，呢條友三十歲都未夠，D想法勁到爆！佢係沙士期間，要幫人拍條片來振奮香港人，條片我睇左，內容是導演要表達沙士就等如一場戰爭，但無論世界點樣大戰，有性就有快樂！於是佢將一部攝影機裝了上天花板，然後佢叫左對情侶朋友，戴住防毒面具，就在下面的床上造愛（朋友是知道會拍攝的），佢將整個過程剪成二十秒，加上開機關鎗聲效，配合他們的性愛動作，嘩！好X震撼！好勁！ 但更加勁O既係，由於佢手腳慢，遲起貨，到條片做好，已經無晒沙士，條片變成紀念那對朋友的最後一次性愛，因為不久後他們便分了手。

哈哈哈！我開心了一日，不是因為看了這條片，或聽了這個故事，是能夠認識這個人，真係有益身心！ 正！

Y we are friends

我好細就知道，我們都是在同一地方起步，然後向著我們的Y字人生進發，到樽頸位，大家有不同選擇，有人跟你背道而馳，有人方向一至，攜手向前邁往，然後又到另一個樽頸位，可能與之前同行的人背道而馳，然後發現從前方向不一樣的人，卻站在同一陣線上，到最後，我們會跟誰並肩，現在決定真是言之尚早。

我們都應該珍惜每一個階段出現過的人，有些只是點頭交，有些是酒肉朋友，有些是推心置腹，但後來反了目的ED朋友，最難得還是那些淡如水，但到現在還久不久就會想起的君子之交，無論是乜交，能相遇上的都總算相交一場

所以我是相信有一生一世，但是在心裡面~~

再次約會

上個月到銀河電影公司看「神探」，同行還有不小電台同事，當中包括林狗，翌日林狗跟我說，「昨天看到你在銀河跟相熟電影人傾偈，我覺得你是屬於電影的！」 ，這番話我已經聽過不同人講過不下十次，就好像一對無疾而終的情侶，身邊的朋友總會久不久就說「重看舊照片或某次拍下的video，我覺你跟xx是很匹配的一對！分開了真可惜....」
一段丟淡的關係，是需要「事、景、人」配合，才有機會重拾舊歡，我們就由「景」開始....









有些地方，只有拍戲才會到，只有拍戲時，才會有心機去細心四處觀看，參觀...每次總會發現，香港還有些國度與角度，是我們還未看過的，看著這些景色，我更肯定，如果我有機會年老，到時才搬到香港區居住，一定充滿新鮮感，一定不會暮氣沉沉....





新的景緻給我新鮮感，舊的同僚給我的是溫暖感，這些人都是值得再次約會的，但總覺得未必是在拍電影裡....





這件事是意義重大的，是十七年前周潤發發表的 『做電影人，如果無飯盒食，即代表無工開，所以每次食飯盒，都一定要食晒至有衣食！」

我雖然只是去探班，竟然被邀請一起晚膳，這個景，這班人，這個飯盒足夠舊情復熾嗎？似乎還是言之尚早，待下星期正式約會後再算吧，有好消息一定第一時間通知你

提 .. 撐

我自己就唔會睇「東京鐵鎝」，現在每朝一做廣播劇，我就出房唔聽，我唔想唔開心，同部戲好壞無關，所以我仍然會提提大家部戲今日上畫，當然還有阿菲隻碟都係今日出，由下午mini開始，到一切從音樂開始都會有佢做宣傳，可以做的有限，只可以一日咁谷，希望大家支持，有多餘錢就去買隻黎捧場，得一個買都會對佢鼓勵好大！




上地面啦，可以出新曲加精選，妳仲點做「地下歌手」丫！ 高高高`~` 飛

一次

有些藝人，一生可能只有一次最吸引，最精彩！「第一次」這個MV，是長期佔據於我至愛三甲位置，女主角蕭淑慎不能再的演出，她最後放下裙，叉著腰說「誰喜歡蕭淑慎？」，我快光良一步舉手說「鄒凱灘喜歡蕭淑慎！」，第一次也只有那一次，我因為這個mv，到台灣時專程找朋友介紹她我認識，可惜見了真人，後悔莫及，再一次驗証到，有些人是不能太接近，還是把最好的印象保留，可以歷久常新~`

今晚我又想起妳~`已經不是「第一次」

Twilight World

Forget lonely crowds, unfriendly faces
They'll soon became familliar places
Before too long, before too long


Don't be fooled by love songs and lonely hearts
You're living in a twilight world
Don't be fooled by love songs and lonely hearts
Don't give in to the twilight world

白留鬚

我前幾年發過一排癲，留過一排鬚，但竟然我一幅相都無keep，但我記得我呢個「郁」係有做過訪問，拍過野！突然好想睇番自己當時個樣，如果大家有係邊度見過，通知一聲我，等我靜雞雞去睇下~~ 謝

因為快一步，所以悶多一些

我上個月已經看了「神探」，當然比起威尼斯同多倫多影展睇左o既朋友黎講，我都係遲，但相比一般觀眾，我都係先睹為快。

韋家輝先生係香港當今我最欣賞及佩服的「編劇家」，我不會因為他近年轉拍「商業喜劇」而不屑他，他做每一件事，都總有原因，久不久仍然有部他編劇的作品，已經心滿意足，若不夠，就重看他從前的作品，任何一部，現在看仍然是「經典」，很認同黃子華對他的形容，他並不是一個「編劇家」，他是一位「哲學家」

「神探」劇本精彩之處，讓我一邊看一邊祈求，他朝有荷里活片商會垂青，買下劇本重拍，原因是今次韋生玩「每個人都有好多面，有好多個不同的我圍繞身邊」，劉青雲能看到別人這些不同的我，而導演亦安排了不同角色擔演這些「我」，但個人認為，用「林雪、劉錦鈴、張兆輝等演員」，雖然演技出色，但如果換上大名星客串，效果會更好，就等如「博擊會」內，edward norton自己幻想出來的人物，都要找brad pitt來演，如果有朝一日，brad pitt做林雪，scarlett johnson做劉綿玲，jake gyllenhaal演張兆輝的角色，而男主角就換上Johnny Depp，然後再加大拍攝的budget，我相信可以把劇本發揮得更淋漓盡致





上星期，我仲睇理「撥名狀」，慘~`呢兩部我最想睇o既電影，咁快就睇左，咁呢兩個月我又小兩個節目！我真係唔想睇住架！同陳可辛開會都刻意唔提，就算佢問我「睇左我部戲未？」，我都會話「好丫，下星期無咁忙睇」輕輕帶過，拖得就拖，就係唔想咁快左，到時又小個節目，直至某日下午，電台有人打俾我話「陳可辛想邀請我下午去睇投名狀」，我即時笑左出黎，佢搵我睇駛唔駛咁覆雜，要通過商台搵我呀，肯定係有關方面搵唔到人，臨時臨急搵我，又驚唔好意思，咪搵個「大」O既黎壓我羅！我睇穿晒啦！所以我其實係得閒，都話「下？！你而家至同我講，你估我真係無野做架？！」，終於商台幫我婉拒左。

兩日後，我收到陳可辛電話，佢第一句就答「喂！你仲唔睇我部戲？！我同電台開名叫你黎睇你都唔黎？！」「下？！真係你叫架？！」 「商台做宣傳要睇，但邊個黎睇，要我批准架，佢問我，我咪話叫鄒凱光睇羅！」

就因為咁，係呢個電話之後三小時，我就幫自己十二月減小左一個節目~~







不過有得必有失，係一間咁好設備的「播影房」包場看電影，會令人對電影再有憧憬，亦正如電影內李連杰的角色一樣，我需要的，就是像他一樣的首領，我望見我上面D人渣靚車，著靚衫，我先有動力向上，俾心機做，但現在我們看到的，都是為口奔馳，又或者當電影是副業，炒股才是正職的電影老闆，大家點會有心機去做，點會有做到好電影！

Sigh~`






兩小時十五分鐘，我被李連杰迷住，原來演文戲可以這麼利害，他活在這個角色內，相對地，前半部劉德華就比下去了，幸好後段導演悉心安排下，總算挽回失地，至於金城武，當佢把所有鬚子刮掉之後，我好大聲咁講左好多次 「嘩！真係好靚仔！」，其他已經唔重要了！還有我一直覺得是未來張曼玉的除靜蕾，雖然最尾一場有點失手，但如果你是第一次看她演出，佢演出已經可以令你立刻有興趣去搵番晒佢曾經拍過戲黎睇....

真係慘，個熱情早其他人咁多發放，就好似中秋節大家玩緊燈籠，但我就扮聖旦老人出黎派禮物，食火雞一樣，人家唔當我傻，都唔知可以俾咩反應我，鬼叫自己快過人咩！ SIGH``

遊玩時開心一點不必掛念我.......

不經不覺，媽媽已經去左美加近兩個月，我們一個電話也沒有聯略，母子的性格當然相近，去玩時千祈唔好打黎煩我，多餘掛心會製造壓力，玩得就無咁盡情，但當然我是知道她一舉一動，因為我KEEP住收到擔起照顧佢表弟妹EMAIL，最新消息是，她剛剛去到紐約了，好似已經是兩個月內第七個城市，正！還有表弟告訴了我一件事，我笑了一個上午，而這件事我覺得我有需要通知父親，於是我打算節目後，去找他吃早餐兼爆料佢知，點知......


我節目一完，電話就響，是爸爸來電，我拿著電話，不其然深呼吸，有一種不祥之感，因為他是從來不會主動打給我，除非有大件事發生.....

終於我冷靜情緒，刻意裝出一副輕鬆的聲調 『點先？強哥，搵我有咩好野？』 『阿光，你忙唔忙？』，當他開口問這一句，我心知不妙，就算幾忙都只會答『今日成日都唔駛做野喎，想點？』 『你返黎屋企先講啦！』

我沒追問下去，只輕輕說聲『轉頭過黎啦！』，收線後就飛奔離開，跳上的士，講了地址後，更加了一句電視劇常見對白 『司機，我趕時間，唔該你快D！』

沿途我在想可能發生的情況，「他身體不適，要見我告之噩號...」、「他無聊打掃房企，打爛了母親的珍藏...」、「他突然懷疑自己性取向.....」、「他自詡是棋皇，遇上老千局，輸錢欠下巨債，大耳窿臨門追數....」、「他襯媽媽不在，媾條女帶番屋企玩SM，個女人暴斃家中....」....幸好司機以快而穩的技巧，火速就送我到目的地，否則再假設下去，我會覺得老豆應該被阿蓋達組織睇中，派去刺殺布殊！


終於入到屋，他越是神態自若，我的不安感就越強 『飲咩呀？茶定汽水？』，我終於按捺不住，單刀直入
『你究竟搵我咩事？』

他施施然坐下，左手輕按「人中」舒壓，右手指著前面，我沿他的手指望過去，他指著的就是關了的電視，終於真相大白了，一部除了睡覺時才關上的東西，現在閉關，只有一個可能性，「壞左！」，仲要係壞到無法啟動，否則就算得番手指尾咁大個畫面，佢都會繼續開著.....

母親不在他身邊，他懂得照顧自己，但沒有了電視，他失去了依傍，從此就看不到佘詩曼、除子珊、鄧萃雯...他徬惶是可以理解，但作為一個大男人兼父親，始終有尊嚴，怎能承認自己因無電視睇徬惶失控，要兒子放低所有工作來救助！於是他的說法是這樣的 『部電視無端端開唔著，我唔睇無所謂，我驚佢爆炸，你睇睇咩事？』 『我睇就唔驚爆炸呀？！』 其實當然是不用看，就知道要買過部，，用了十年，日日長開，早應該俾人百年歸老啦！ 買新不是問題，但那裡有電器鋪是十點已經開門做生意呢？！




原來是有的，是那間在屋村內，已經開了三十年，轉了三手，由阿爺轉到外孫打理的殘舊「電器鋪」，早開門做生意外，還貨品齊全，最重要還是有現貨，可以即買即自取，但由於人手不足，不設送貨！

於是我跟老豆就借用人家的手推車，聯手把電視推走....回去時，我還以為會上演另一幕「單車」的情節，因為推電視，我與他並肩而行，再次有親蜜接觸....但可惜，推的只有我，老豆殿後看風景，還不時口不對心地問我「駛唔駛幫手呀？！不過你搞得掂架喇，我盞越幫越忙....」 你份人真係「真心」








更真心的是，回到家後，他二話不說，叫我唔好搞咁多，首先要收到亞視先，滿以為他是為了看我的節目，但原來他還有另一位心儀女藝人，就是每逢下午重播的「再見艷陽天」女主角陳秀雯~~


當電視TUNE到亞視後，他就再沒跟我說話，沉醉於她的演出中.....




一對老伴相處幾十年，總會有天要分開，我常覺得走先的是快樂的，但走先的總會擔心在世那位沒有照顧，沒世藝....且看今次暫別，他們各有所忙，活得不知幾快活，幾有寄托....

我本來想跟父親說的是，「表弟話媽媽在那邊變得熱情奔放，見人即SAY HI，然後就攬，十足十一個西婦.....」，但我相信當時鄒太的地位，應該被陳秀雯取代了，就算不是她，也已經被「電視機」取代了... 對老人家黎講，老伴當然是它....



老伴離去不傷悲，最緊要有部電視機




我一直唔睇電視就係咁原因！