愛....

愛.......

如果沒有了「心」，就變成「受」

感謝

感謝妹妹給的入場卷，級數未到，無參與個Unveiling Ceremony，但聽講周潤發，章子怡也有出席，深信一定相當成功，希望妳今天可以好好休息，然後上機，高高高~`

感謝Focus肯投資拍這部電影，感謝李安在這樣以電腦CG ，大場面，大製作為先的年代，肯去拍這樣大時代文藝片，只有李導演仍然肯拍這種電影，你不拍，我相信就不會再有得看了...

李安導演是我近年唯一令心悅誠服的導演，有很多導演很有自己的風格，說自己的故事精彩萬分，卻從不懂說其他類型的故事，李安是真正的導演，風格是說什麼故事也很精彩，就算連「變形俠醫」，我也覺得很好看。這一次沒有「斷背山」般簡單易明，兩個半鐘頭內，男女主角的真真假假，慾念背後的真相，人性的自私，愛的可怕，看罷是會令人良久不語，滿腦子仍是電影殘留的餘韻，李安的內功心法，當今世上，華人導演無人能及！小一點功力，也難以處理湯唯那個極覆雜，層次極多的角色！她真的活進了王佳芝體內，至於梁朝偉，已經看了二十年，還可以有什麼是他未演過，但我看到的不是梁朝偉，是戲中主角易先生，看到我深信他說要用半年時間入戲，現在要用同樣時間抽離角色！

至於大家最關心的「love scene」，大膽到有點反胃，但如果你不是文藝片擁躉，為睇咸野，呢個兩個半鐘是值得有餘的；


三級文藝片，票房可以有幾好？所以我遲些會去戲院再看，想繼續仲有呢種文戲睇，就一定要支持！感謝給我如此思潮起伏的晚上

I am Back ~~`!

摩速奴話「我一定會返英超，但不是下一站！」，我看著報導，低聲說了句「我會旦（等）你！」，說罷我呆坐著，一切一切似曾相識，想了很久，原來十六年前，我也這樣說過！


一九九一年我離開ATV，當時填詞人兼亞視創作總監盧永強先生在接到我辭職信時，問過我的去向後，臉上打著一個好大的「問號」，一個連基本工亦未學好的「死o靚仔！」，竟然說要出去電影圈闖蕩，真是貽笑不方，但每一個年青人也是不知不高地厚，才會走得更遠，爬得更高，回頭難，跌下來粉身碎骨，但有青春，我信一定好快就可以復原！ 會議結束前，盧先生苦口婆心跟我說 「出面唔好玩就返黎啦！」 「我一定會返atv，但未知幾時！」 「好呀！我等你！」







終於我返來了，雖然盧先生已人在國內多年，其實他在我走後不久亦離開。但我看到的仍然有不小從前的「舊人」，坦白說，好「歐慈」，但也親切，這就是亞視，他們簡單直接，「鄒凱光，我朝朝渣車入一埔開工都聽你節目，有時星期六收工又聽到你另一個節目，返到屋企開電視又見到你以前的演出...現在終於見到你真係了！」 「咁應該要來個擁抱！」 我不知道她的名字，但我以後也會記得她，亦唔介意次次見面擁抱一下！這就是亞視！簡單直接，總好多千里迢迢要你入清水灣拍半日，無預算地cut剩你得三秒！我是介意的！介意點解要出果三耖，令人尷尬，這証明有交代嗎？ on交代就有！免費電視的酬勞一般比收費小很多，但收費電視其實又不是太多人有，擁有的中產也只喜歡看Discovery channel！亞視簡單直接，睇開tvb不會睇，不看電視的希望會因為這般「新意」會留意下，都無人睇，仲有珠江三角洲，第時可以去「登台」，真係諗起個人都視野闊d！

做亞視，會俾人睇唔起，無晒tvb出鏡機會；你教波圖可以贏曼聯奪取「歐冠」，你慌之後無機會！至小我得到出賽 機會！




十月八號，逢星期一及星期五「1930-2000」，你會因為我轉台嗎？

由呢一刻開始.....

我不再是 車路士 fans~`


Sigh~``

堅持......自己

得知Jeremy Piven係emmy拿了最佳喜劇男配角，好開心，真係好開心，成套〈ENTOURAGE〉內，我最喜歡的角色就是這個經理人ARI，口賤黑人憎，自私自利無人性，好勝但愛惡分明.....基本上人類所有缺點佢都有齊，我認為佢只有一個優點，就是「堅持」，「堅持做自己！」

就算山窮水盡，他被公司開除，他要求一直被他無時刻揶揄的華裔男同性戀助手跟他一起離去，助手一臉別扭地要求 「跟你走都得，但你要應承以後唔准笑我gay 佬！」 ALI毫不考慮便說「NO！」但應承以後講完會道歉！ 哈哈哈~~這就是「堅持」的可愛和值得尊重的地方，不論男女，可以堅持到底，真！正！型！

到後來，ARI最大的客戶兼死黨蟬過別枝，ARI患上抑鬱症，症狀是「對人友善，陪家人，不忍心下手炒人，鬧人，關心敵人所想......」 ALI無法接受自己的改變，要睇心理醫生。 哈~~好正！

做人做唔番自己，是一件好痛苦的事，但往往「自己」就只有自己才可以接受，於是為了生存，我們都不知不覺去「改變」自己，去適應大眾，然後夜欄人靜，就會因尋找自我而迷失，失落，沮喪，發現自己根本接受不了自己的「改變」

你是「高手」，當然可以揀選人一個可以令你生存的角色去演譯，但如果你是「超級高手」，你一定可以做自己而繼續生存下去，可能還可以生存得好好！所以我永遠不會怪責高層的「殘酷不仁，陰險毒辣」，如果他們是靠演譯，配服他們的演技，如果是做番自己就更加要服，世上有什麼是比全世界在罵我，但我搵錢多過你五百倍，我的付出就是堅持做自己！這就點解你做唔到高層，而佢做到原因...

我不是高層，但我希望做到「自己」，但坦白講，用左二十幾年時間，中間經過無數翻來覆去，自我討論，我仍然只敢膽講，我有一半時間是做「自己」，其他...就好似黎緊星期五，我要出席一個FUNCTION，做「自己」就打死都不穿西裝全套（OR至小半套），但又會回心想，怕不怕不夠莊重，到頭來見報的，下面CAPTION都是寫著「XXX盛裝到會，明顯尊重大會...」，做自己就繼續是那個有份到，無人知的幕後人...然後我再想，可以見報又如何？如果我穿上自己不喜歡的衣服，影出來的相又會好看嗎？但其實我知道什麼是適合我嗎？就是因為自己不夠斤兩，才要其他東西的添加，強行做自己咪變左「不自量力」？

繼續想，繼續有一萬個問題彈出來，舊數未清，新數又黎，煩惱就是這樣形成！呢一刻，我夠膽同大家講，我是做自己，因為我是不設實際和逃避現實的，為什麼會寫這篇東西，因為我逃避去趕劇本，簡直是「病態」！小朋友同大朋友，就算全家一齊陪伴，都唔應該模仿，要堅持做番你自己~`

給朋友

我向佛說：讓我所有朋友永遠健康快樂~！

佛說：只能四天~！

我說: 好,春天、夏天、秋天、冬天。

佛說：三天。

我說：好，昨天、今天、明天。

佛說：不行，兩天。

我說：好，白天、黑天。

佛說：不行，就一天~！

我說：好~！

佛茫然問到：哪一天？

我說：在我所有朋友活著的每一天~！！

佛說：以後你所有朋友將天天健康快樂~

It's My Life！

『就算天空再深，看不出裂痕，眉頭亦聚滿密雲~``』


每次經過這橋，總會哼起這首歌，當然是黃耀明的版本，而每次我都覺得咁做好「娘」，但下一次又繼續再做，Thar's Life！重覆犯同一個錯，然後每次也跟自己說，下次不要再犯，然後再犯，再後悔，再犯......最常見當然是在感情事上，何只明知故犯，簡直是存心有計劃有組織有目的全方位全力以赴翻箱倒箧家財耗盡去搜尋所有重覆錯誤再犯，cest la vie~~`







山窮水盡的時侯，我就會去機場走一轉~~













架新車得唔得？



呢位才是真正車主！我自己就鍾意佢另一款型號多d~~



呢位車主，心腸好（架車一落地就俾我試車），所以好靚仔，btw，呢張相是近期我最喜歡的一張相，正！





做人「悶」的原因，通常因為生活悶，工作悶，感情悶，無聊悶，呢個時侯，就會有人走出來說「去旅行散下心，充下電啦！」，然後你有股從心裡面撲上頭的怨氣，化成比雷龍更兇殘的眼神，四處搜尋先撩者賤的人發炮 『我唔想去呀！？有時間就無錢，有錢就無時間！』 ，可惜這種「先賤者」經過長期訓練，未講完已經逃離現場！

無錢無時間，也可以去旅行的！不過唔入閘，係機場行個圈，見盡離港，到港不同人種，心情，態度，只欠風景，名勝？咁上網「單撈」落黎睇住行羅！我夠想像力，所以只要見到人就滿足，不同的人有不同故事，性格，打扮.....無數悲歡離合，奇人奇景.......做人咁悶，都是求這些「refreshment」

除了看旅客，當然還有不經意〈目及〉靚女 啦！（如何不經意請睇今期「號外」，我在訪問中提及過），成個人醒晒！！！







『這生活你我心醉！』 每次我都不經意哼起這首歌





靚仔車主雖然每次都叫我「呢d生活唔好同其他人講！」 但我又覺得並非一定要有車，閒日請假去做，幾十蚊車錢，地方夠大，有冷氣，有無數人你睇，然後又可以過去東涌食比機場平宜的東西！我極力推介，拍拖者首推！ 高高高~`

我星期一會再去，不過呢次並不是入去行`~`

世上唯一

有朋友跟我說，這部電話全世界得一部，我呣然無見過第二部，但我唔信世上有部電話係得一部咁串，大家有冇見過？係邊度見過？請相告``

放下

又是九一一，我驀然發現，今年的九月一號，我再沒有想起香小姐的生日了（查看舊年今日的文），終於放下了，羅迪克也放下了body shop，但願所有受害者家屬也可以放下，看見六十七歲的陳太放下的，竟然是戰書，原來要放下屠刀，立地成佛果真不易.....

這一刻，我也要放下，放下兩粒藥丸落肚，希望醒來可以精神爽利~`祝我好運``

周末下午要工作但可以看到她寧靜地坐在露台邊晒太陽聽歌飲我沖的有氣利賓納及剪腳甲......

是人生最大的樂事``

秋意中領野~`

有些事情，當你得知後，會好想第一時間告訴朋友分享，例如當你仍然睡眼惺忪，站在晨早的街頭，微涼的風帶來了一個好消息，『秋天來到了~`~`』

朋友的電話響了很久之後才接聽，語調極緊張....

『無事丫麻？！』

『我想話俾你知，秋天黎左喇！好舒服！』

朋友深深吸了一口氣.....

『我頂你咩？！你幾多歲人呀？！仲玩d咁野？！』

我急忙說了聲『sorry！』便收線，但電話十秒後再響

『你搞醒我，家下訓唔番，你繼續同我傾呀！』

『我以為你未訓麻！不過我而家發覺，早起身真係好，我可以係最早發現秋天來臨！』

或許要向我報復，朋友語調變得不留情

『乜都係你講晒！你以前做夜晚人時，咪一樣天光臨訓前發現秋天已經來臨！』

一時間，我無言以對，朋友得勢不饒人，加重火力

『你鍾意，咪覺得秋天好浪漫羅！戀愛季節丫麻，拖住攬住唔會黐邋邋，又唔會太凍食凍柑。你唔鍾意，咪
覺得秋天乾燥，又凋零，又易病，毫無戀愛氣息！』

我知道就算那一刻我嚴正道歉，朋友亦唔肯放過我，既然如此，我快速地說了句「入lift...」就收線，之後電話不停繼續響，當然我沒有接聽，到做節目時，不斷收到朋友sms....

『秋天做節目真係浪漫....』
『你真是幸福，成為全港第一個發現秋天已經來臨的電台主持...』
『你最愛的歌是否「愛在深秋」？』
『原來你也喜歡林憶蓮的「微涼」。』
『你一定喜歡電影「紐約深秋」！』
『秋天到了，幾時一齊去食蛇？』
『你喜歡秋天叫「autum」還是「fall」？』
『在這個秋日早上，你最想拖著那人的手？』
『究竟秋天做什麼做好？』

我終於按捺不住，回覆了朋友

『秋天最好是睡覺！』

發出了這個短訊後，朋友就停止了，正當我以為事件已經告一段落，今朝四點三，比我平日起床時間早四十五分鐘，我又收到朋友電話，甫接通我都未「喂」，朋友就開腔
『嘩！我岩岩係外面返黎，d秋意好濃，仲濃過我d酒味，好正呀！快d起身聞下啦！』

我深深的呼吸，只嗅到隔夜口臭味，清清喉嚨...

『Sorry！果朝真係sorry！我得到應得教訓，你放過我啦！唔該~``』

『做咩sorry喎！黐線咩~`唔傾喇~`下次再講啦``』

朋友收線後，我像恐佈片必有場面，嚇到成個彈起身！「下次再講~~~~~`」，下次是否明天早上，就算我訓之前關掉電話，起身發現有幾十個留言，開一個驚一個，突然間我感覺到有線女主插播被電話騷擾的痛苦，但我又無應春幫我出頭，點算？！Help~~

所以我借廣大力量，向朋友你再一次道歉，求你放過我啦~```嗚~~`








今次除教訓我以後就算點感性，都要留半點理性，否則後果嚴重，錯誤裡一定仲有其他野學，下次邊個飲醉打俾我發癲，之後我就學足朋友做法，煩到對方以後無論點醉都唔會打俾我~`就咁決定！

公司工作檯要有....

作為一個自由工作者，沒有固定公司工作，每一張也可以是「工作檯」，卻沒有一張屬於自己的「工作檯」，即是說沒有東西可以留過夜，從前我總希望把印有自己名字《Matt》的杯，放在公司的檯頭，終於在多年前，某電影公司請我做「長工」，終於我花了兩個多月時間，從英國訂造了一個有我名字的杯回港，杯到步後，放在檯面不夠一星期，電影公司就改組，我又變回自由工作者，而那個杯我沒有收回，不久後，我發現某員工拿它用來載散銀，從此以後，任何公司的工作檯，也跟舞小姐一樣，無論點靚，都不會放半點感情落去，用完就算！

做電台咁耐，都無需要一張「工作檯」，從前做晚間節目，全個office無人，總有一張檯可以借用十零二十分鐘，但自從調到朝早，我就再不能缺小一個「舞小姐」








四，五份報紙，其實一張檯都唔夠放，如果連檯都無，我估每朝我要坐係地都睇，於是我就再次擁有人生另外半張公司工作檯，因為我是同阿菲對分的，所以張檯不能太亂，沒有私家杯，只有一個被人偷也不會肉赤的膠水壺（但真係都俾人偷過一個），這樣沉悶的「工作檯」需要一些簡單而直接刺激....










望住舒小姐，其他東西我會完全看不見，下面兩盆『盆栽』幾時放係度？




原來指名道姓送俾我！










嘩！好醒神！多謝晒！但我唔知多謝邊個~` `哈`~

家中工作檯要有......

一張工作檯，總要有些東西，可以令人肯留下，繼續捱，在家中的，我有阿慈~~





















我知你最鍾意在紙堆中玩耍，你令我有更大條道理唔執檯，越亂你就越鍾意，你鍾意我就越開心！yeah~~

酒逃

好友近來心事重重，雖然我亦自身難保，但得我一個人察覺到，及有心（所以有時間）去關注，我唔幫就無人幫，況且所謂幫，都不外乎做其陪酒男郎，然後把嘴拉上拉鍊，聽他做一晚節目，讓他宣洩一下，所以連回應，討論亦不用，咁都唔幫，叫咩做「朋友」

好友一向酒量驚人，這夜卻兩杯落肚，就醉得胡言亂言，有人認為，酒後說得一切都不必相信，也有人認為酒後必是真言，我卻認為兩者皆存在，「無傷害的」我就當是「真話」，「野蠻無理」、「難堪入耳」的我就當是酒後胡言亂語，不會認真對待，因此我毫不介意他說「你的書只適合十零廿歲的小朋友看」，還跟他豪氣碰杯，一口氣喝清那shot Macallan，十秒後，我看見他伏在檯上，在這種情況下，通常有兩個可能性，A：一LUM不起 or B：因為想得到人關懷，身體化成強力攪拌機，把情緒攪到有咁爛得咁爛，然後崩潰狂哭...

朋友選擇了B，這也是我相對地比較喜歡的情況，眼淚乾後就可以押走，（至小轉去另一個場）人的身體被酒精影響下會缺水，所以好快就會乾，至小一定快過等佢LUM醒....

喝醉的人有獨特語言，例如重覆問同一個問題 「你有冇當過我係你朋友？」 答極都會再問，答乜都會繼續問，但總比聽他們重覆說同一個故事，「呢D心事無人知，我淨係話你知...」，其實「呢D心事」你已經「淨係」話過俾我知二十幾次，有十八次是在過往一個鐘內講，然後去到高潮，「我講過秘密你知！」，正常情況下，我是絕對會行開唔聽，但做陪酒男郎時只可以「焗聽」

「醫生話我酗酒！」

我登時忍唆不禁！一個爛醉如泥的人不停重覆 「醫生話我酗酒！」，黑色幽默到爆！什麼「酒入愁場愁更愁...」、「酒乃穿腸物....」都是廢話，除了跟佢再碰杯「飲！」之外，我想不出更適合的回應！

翌日，我發了一個短訊給對方 「時間太多，飲多，想多，錯多！」，幾日後，朋友回覆了一個很長的EMAIL給我，卻沒有留下半句話，只附上黃偉文替EASON寫的新歌歌詞


Crying In The Party


熱播的歌 忽爾靜了
場邊 一聲慘叫
好友都靠近了 你沒有被忘掉
觀眾 預了分擔惡兆

大喝三杯 失控地笑
孩子 終於哭了
空氣的震盪裡 你沒說但心照
某個事情大概 不妙了

＊因一個人痛哭 哭崩派對舞曲
我也曾像這樣 青春大概相似
總有段情 落入這種 困局

或有一天 當你大了
城府 開始深了
年輕的眼淚流光了 便掛念曾經這樣了

讓你哭泣 哭到倦了
重整 呼吸心跳
哭過吵過鬧過 你為愛做足了
再接下來就要 收拾了

Repeat＊

是 所有熱情會乾掉 一發現已經成熟了

我比你們想像中堅強

第一次聽到這番話，是多年前「東周刊」事件聲討大會上，劉嘉玲架著黑超，氣定神閒地跟傳媒說

「我要話俾想傷害我，同理愛護我人知道，我比你地想像中堅強！」

堅強的人得到其他人的尊敬，被正能量包圍著，傷痛就算未能加快復原，亦不致繼續惡化下去！




「 我 唔 係 大 家 心 目 中 咁 渣 、 咁 傷 心 ！ 」

說罷現場記者紛紛大叫「加油！」，場面動人！

面對傷痛，除了當事人要堅強，要懂得放下，才可以解懷，有心幫助的旁人請記住，他們需要的是「支持」，而不是「憐憫」