理想對像~鄭秀文
個故事完全同鄭小姐無關，我係電影行中有個朵~~~~「雨多田光」，因為我開工成日都會落雨，成日因為咁影響晒拍攝進度，其實我又可止雨多咁簡單，我試過拍「七年很癢」，三份一拍攝時間係落雨，仲打左兩次風，仲遇到幾十年難得一見的「雙風眼颱風」！咁都未算勁！過到北海道，六點幾級大地震，油庫爆理炸，我簡直係災難光！
我開始由擔心變成自嘲，每次副導同我傾拍攝安排，就算係接近完美安排，我都會好掃興咁唱「想得這麼理想，注定有劫數破壞甜夢一場....」
然後第二日又真係會落雨，於是副導演下令禁唱呢隻歌，直至部戲拍完，大家唔敢唱，真係天清氣清左好多日喎，我地又再開工，臨到拍攝現場，收音機就係播呢隻歌，我仲好記得個DJ係903vani，我地即刻妖聲四起，一邊叫閂收音機，一邊跳落車，唔夠五分鐘之後，個天開始黑，跟住....唔駛講啦....
「雨多田光效應！收工！」
跟住走果時，差不多全組一齊唱「想得這麼理想........」 簡直壯觀！
7 comments:
hey, i like tat song too. have u actually record 有誰共嗚 yet? if so, wen will it be?
老友....你講既野,我而家真係感同身受....我要拍陽光普照,佢同我黎個傾盤大雨....屋漏更兼逢夜雨.....個景又漏水,演員心情鬱悶,又熱又局,仲要一身冬天打扮....場口仲要係鬼咁開心.....我同個天一樣....日日都想喊.....!
to bbq：
我都唔敢黎探你班，你就知咩事啦！
但係你睇我咁都捱得過，無事o既！
撐住呀導沱老友！
撐住呀！！
貴人招風雨...
雨多田光。。。真係好慘wor。。。
係呢﹐你0甘鐘意聽歌﹐搞“歌gag"﹐有無惗過開拓你另一個創作層面--做填詞﹐同林夕呀Y爭一日之長短呢﹖
跟本係一個惡夢，我諗呢套戲係史上用得最多instant雨褸既一部戲
don't worry I am like that too.
Rained on all of my graduations, my outdoor birthday party, my outdoor vacations, even my wedding.
thats just life!
Post a Comment