有誰共嗚 一、二

我成日想做「有誰共嗚」，其實人人都有十首歌，代表住人生一些重要里程碑，某個回憶，某段關係的主題曲，光仔叫我lum到果十首歌就通知佢錄，但係我lum左幾個月都未lum唔到，唔係唔夠十首，係多過，而我發覺那些故事跟本微不足道，汗顏唔敢開聲；不過既然都集齊蓋掩，唔換野都應該show俾人睇下.....
想到就寫，沒有排名先後

1〉不拖不欠~~鄭秀文
如果九六年無搞過【百份百感覺】，就唔會有今日鄒凱灘。果次係我同馬偉豪「reunion project」，亦係馬生第一次拍暑假檔期片，開始時只有鄭伊健同阿葛，女主角一直懸空，係馬生同我都好相信當時只拍過一部戲（飛虎雄心之人間有情）的鄭秀文可以演喜劇，還有梁詠琪的芳芳一角，由於是新創作角色，起初中以為只是閒角一名，找 子個新人來演，但拍了兩日，導演同我都知這角一定要偶像演，膽粗粗入房跟當時的監制兼出品人劉偉強，文寯，王晶開聲，佢地竟然即刻認承換gigi做，終於電影上影，票房收二千幾萬，我同馬生係剪片室通宵，輪流訓地下的努力，總算無白費，此情此景，今時今日亦再難發生！
SAMMY那句「好邪呀~~~」十年後今日想起仍會發出回心微笑，還有「我唔係你枝牙簽呀！」一句我日講夜講說話，從她口說出，變成曾經風行一時的潮流用語，這一切一切，見証我的浮金十年！
沒留念 也欠缺舊信件
竟看不見怎麼可再相見
一個冷漠一個決絕 不多不少不相伯仲
你我再也不拖不欠 但我又為何發現
在腦內剩餘紀念 已剛剛足夠跟我糾纏
一句說話一個決定 清清楚楚乾乾脆脆
你我永遠不拖不欠 但慶幸尚能發現
在印象尚留紀念 每一刻都記得
你甜蜜過的臉



2〉 事後~~劉美君

我唔係劉美君迷，但絕對係已故填詞人林振強的超級fans，佢云云傑作中，呢首「事後」竟然係我最鐘意的一首詞，一個洋蔥頭麻甩佬，可以咁細緻寫到女人回味高潮的感覺，佢唔係結左婚，真係以為佢係基！如果你鐘意林奕華填詞，鄭秀文果首「發熱發亮」，聽過「事後」，你會知咩叫「到肉」好多！

事後

飄浮　如夜那般半睡潮浪之中
輕輕輕飄浮　浮在那舒暢內和微濕中
疲倦了　懶理秀發披面龐
含著笑　再吻吻你的汗
毫無重要　懶理世界的轉動
活在浮在暖暖臂彎之中
回味　亦覺精彩
千個浪　又像喝彩撞來
曾全部　受你主宰
死去活來　回味亦覺可愛
想起你　在我之內
曾全部　為你張開
死去活來　飄浮
浮在這因你在而亂的毯
此刻心頭　紅像你火吻后而紅的肩
仍是醉
似永遠醉得未完
無話句　卻說了我甘愿意
全無后悔　我愛徹底的體驗
我願意明夜　仍是再有這麼一天