TAXI DRIVER

我ENJOY駕駛，一個人在車廂內，鐘意聽咩歌，開到幾大聲，五音不全跟住唱都得！心情低落，邊駕車邊放聲痛哭，係一個好好的治療方法，總之落車前要搞掂！
呢個私人天地好正！
但日日為左泊車、塞車等等的苦況，真係想即刻跳車，轉撘的士無咁嬲！
為左爭取時間，我最終選擇了跳車！
無渣車後，我曾下決心要撘多D地鐵，巴士，同個世界接觸多D，但每日開會，約三點，三點十五分我仲係屋企，如果再撘地鐵，去到個會岩岩開完，撘巴士就會好D，去到個會岩岩開，不過係聽日果個....
所以我最終都係撘「的士」！呢度我想以過來人身份同大家講，撘的士癮，比毒癮更加難戒甩，小心！唔好試！撘得多就見得多司機，你會點稱呼的士司機？
通常分呢幾種「司機」、「司機大佬」、「的士佬」、「死的士佬」，點叫就視乎果位人兄人姐表現了！八九十年代，經濟好的時侯，真係好多「死XXXX的士佬」，揀客，態度差，貼錢買難受！不過好時代過去，司機們亦進步了，明白要做一個令人尊重的「的士司機」，首先要夠尃業，盡所能滿足乘客需要，如果夠細心待客多想一些，我何止尊重你，簡直想攬住你錫！遇到呢D咁難得一見的司機，我會稱呼佢為「師傅」，不過通常我可以碰到個「司機」已經好開心，碰到「司機大佬」簡直要兜一兜去黃大仙還神！
我大部份時間都係CALL車，電召的士有一個特色，車上面至小兩個電話，我碰過四個電話，兩隻耳各勾著兩個HEAD-PHONE，仲有部WAKIE，有時佢地會開埋收音機，左手渣車，右手抄來客電話，左耳聽住個客，右耳聽緊另一個司機落ORDER，仲可以Cut到三條線！呢D係咪叫專業？！
好驚~~~~每次都好驚~~~但我又唔忍心開聲阻住人家搵食！好彩有日我終於坐到個有型後生仔，架車好乾淨，無味，無電話，WALKIE聲，D歌好舒服，車速適中！嘩！我覺得劉華唔再做「今時今日，咁O既服務態度唔夠架」大使，搵佢一定夠資格頂上！
「撘車最緊要鬆馳，好似D飛機咁，係咁標榜頭等幾舒服，可以一落機就去開會，就係呢個道理啦....你地落車我就會開番D野 ，CHECK下有冇客....」
你話去邊到搵？！佢仲好有道德，唔肯俾電話我直接CALL佢
「你覺得我好，我覺得我只係盡本份，唔可以個個搵晒我，咁其他人咪餓死！」
佢仲叫我如果怕嘈，可以同司機講，佢就會閂細聲，就係咁簡單？原來真係，只要上車時講明
「唔該細聲D電話同WALKIE，渣慢D，同開903...」
其實佢地係會照做！明晒！謝謝！
講完最好，講我最怕，第一怕就係果D得過且過，求九期的司機
「唔該前面路口落......前面呀....再前D丫.....」
叫一步行前D，唔叫就呢度落都得啦！
「903丫唔該....」
「940都得呵.....930得唔得？」
按903又幾難呀，無HEART到咁？！
第二怕，問我路同唔識路
一上車佢就問「你想行邊到去？」
我都係答快果度架啦！你一係講晒所有選擇俾我揀，但其實係唔係應該揀左條合理唔塞車路線話番我知呢？
「我渣車無耐，唔熟路..」
關我咩事呀？
「我替更，唔熟路」
咁點解你仲要做替更呢？
「你去果度，我十幾年無去過....」
！唔識路仲要我接受呀？！
呢D司機通常係四十幾歲，傻下傻下果D，真係俾吹賬！
尋日見到單新聞，個司機成八十歲仲渣緊夜班的士，雖然佢個故事好淒酸，但我真係求神拜佛唔好坐到佢！反而上星期坐過一個從加拿大回流香港的女司機，如果有遊客坐到佢車，真係會對香港的士司機留下一個好好印象！
「ARE YOU TALKING TO ME？」

HAHA~~~