![](//2.bp.blogspot.com/_EkH5eOK4ySg/S6Y3LlXDCMI/AAAAAAAAFis/1yB84fozxmw/s400/R0014356.JPG)
我的工作就是「會」,一日到黑都係開會,一個會之後又有另一個會,既然咁多會,開會的地方是好重要!
![](//2.bp.blogspot.com/_EkH5eOK4ySg/S6Y3EEtFvaI/AAAAAAAAFik/JTIWtj1Vowc/s400/R0014454.JPG)
呢度係我尖東office,有人流但不算嘈吵,有露天但不算大塵,呢度係可以會好耐的地方!
![](//3.bp.blogspot.com/_EkH5eOK4ySg/S6Y2uD8mJ5I/AAAAAAAAFic/DdZ9QoC85pk/s400/R0014456.JPG)
你睇下幾多人陪我會,仲全部都係女仔,真係會好幫到個會,腦分秘都唔同晒!
![](//4.bp.blogspot.com/_EkH5eOK4ySg/S6Y2lOFD1cI/AAAAAAAAFiU/BIweokdk8ms/s400/R0014460.JPG)
旁邊個日本妹陪足我全程,我唔走佢都唔走,我舉咖啡杯,佢就舉相機,態度幾一致!走果時差d想相約佢,不會可惜我跟住仲有會!
![](//4.bp.blogspot.com/_EkH5eOK4ySg/S6Y2Z48oYNI/AAAAAAAAFiM/om_Glm3F4Ps/s400/R0014463.JPG)
係「演唱會」
![](//2.bp.blogspot.com/_EkH5eOK4ySg/S6Y2GNRhr-I/AAAAAAAAFh8/VPOkynAIBAU/s400/R0014471.JPG)
個個去睇EASON,我睇薩頂頂
![](//1.bp.blogspot.com/_EkH5eOK4ySg/S6Y1sl5O7fI/AAAAAAAAFh0/acUsHTqxedg/s400/R0014474.JPG)
我就係鍾意唔知佢唱乜!如果心靈可以溝通,是什麼語言已經不重要,喜歡這個「心靈相會」,更欣賞妳遷就港人,把這一會變得簡單易明兼高潮起!
![](//3.bp.blogspot.com/_EkH5eOK4ySg/S6Y06ydrXWI/AAAAAAAAFhk/jtCdThm6OoQ/s400/R0014483.JPG)
星期六晚睇完演唱會,好應該去同其他人相會,但我繼續要去開會,本來真係想扮唔舒服取消,不過對方一句,有個地方你一定鍾意!咁又去睇睇羅!
![](//2.bp.blogspot.com/_EkH5eOK4ySg/S6Y1Y6tWU1I/AAAAAAAAFhs/ckQ__J_w8Es/s400/R0014485.JPG)
呢度我黎過幾次,但周末就第一次,不錯!人不算太多,但又有D野睇下咁!
![](//1.bp.blogspot.com/_EkH5eOK4ySg/S6Yy9fvbxxI/AAAAAAAAFhE/VfuCpxDLsUE/s400/R0014504.JPG)
![](//1.bp.blogspot.com/_EkH5eOK4ySg/S6Y0kDSQQCI/AAAAAAAAFhU/2kEUuWPCPjc/s400/R0014494.JPG)
想不到現在,周末夜出的,大部份都是全女班,係一班又一班,其他就係全班都係仔,個個好乖咁坐係度飲野,傾偈,玩下啤牌!我睇見佢地都悶!我終於明點解女仔一有人媾就會發左癲!因為家下最多係「死悶仔」,最少係「DUM女仔」,有人肯媾真係會好似見到「北極光」咁 癲左!
各位悶男,唔好再對部電腦,遊戲機同睇波啦!出黎睇下個世界,好多好野等緊你地架!個會變成談論新一代的感情世界,開會講約會,呢個都算係誤會!
終於咪要第二日再開過會羅!
![](//3.bp.blogspot.com/_EkH5eOK4ySg/S6Yy1LWCw7I/AAAAAAAAFg8/8ke4iSZDHjA/s400/R0014510.JPG)
呢個開會地方仲勁,要撘船去!逢星期日就會人同狗一樣咁多,其實住到咁遠,都係想寧靜一下,星期日可能係唯一假期,但係成個島嘈過返office!香港究竟仲有冇寧靜地方?!
呢個會得到的結論係 「或者係我地太唔香港人,所以才要靜!正常香港人,根本個個鍾意熱鬧嘈吵,每一分每一秒都不要靜下來,否則會感到好不安!」
![](//4.bp.blogspot.com/_EkH5eOK4ySg/S6Yyh704TWI/AAAAAAAAFg0/xpP_1h4230E/s400/R0014520.JPG)
同檯食飯,各自修行。我雖然一日到黑都會會會,但我點都要有靜下來的時侯,越多會就要有越多靜下來的時侯!所以詐肚痛,我都要蛇過來靜一靜,看海是一種廉價的高級享受!
![](//1.bp.blogspot.com/_EkH5eOK4ySg/S6YxvymN9BI/AAAAAAAAFgs/QYGyqWaKhgk/s400/R0014530.JPG)
「離開工作檯,快去望望海~`」
給忙得不可開交的各位,包括我,又繼續會會會會會會會會會......