解碼

全城解碼熱，其實早在達文西密碼前，我已經常見d人住本八掛雜誌係度拆「黑面熱情歌皇係邊個呢？」「黎明？eason？我估到！係古仔....」然後大家發出滿足的歡呼聲，跟住繼續拆解下一個！所以對呢班專業拆碼皇黎講，達文西密碼劣評如潮，滿足唔到佢地，係唔難理解。不過其實係咪因為大家仲未拆到Dan Brown同Ron Howard暗藏腦袋內過千多個密碼呢！
當你拆解到「腦袋內過千多個密碼」簡稱老千密碼時，通常都會係呢個反應「...我...趙..！」
我灘叔，無睇過DA Vinci Code！但一向都喜愛set密碼同解密碼；其實大家同我都一樣，不過通常我地唔會叫果d做「密碼」，多數叫「暗號」
最常見，當然是情侶之間的密碼，最緊要係俾第個發現都無法拆解到那種
曾經有個女同事不停收到「曼聯！」的口訊，起初我還以為有人叫佢買波，但每次見佢一收到就笑得甜如蜜般，後來我祈解到「曼聯」即係「man utd」，再簡稱就係「M U」....「MISS YOU」
YEAH!!! 真是一件蛋糕！






一個關於兩夫婦用「暗號」的笑話
自從馬克的兒子開始懂事後，馬克與太太往往想歡好時，都驚被兒子發現，阻了好事之餘，仲要同佢唔知解釋幾耐先明，所以每當馬克想要，佢就會用「羅D衫去洗衣機洗」做暗號，向太太暗示；但馬克連續幾晚向太太提出「洗衫的要求」，都因太太要照顧兒子及太疲倦而婉拒，再過幾晚後，太太自覺內疚，決定主動向馬克提出有所要求
「老公，今晚羅D衫去洗衣機洗丫？！」
馬克見太太風情萬種，卻一臉無奈
「D衫積得太多，我尋晚用手洗左~~~!」

笑之餘亦話我地知拆密都要講下TIMING，TIMING錯，拆到都無用！
情侶之間另一種密碼是向外使用的，當然係要黎瞞住女友出去玩，或者瞞住男友出去玩！
為免漏天機遭天譴，所以我唔舉例喇！你地可以問，我可以幫你地拆碼







有一種碼我認為好難拆，剛出生的小BB，聽三姑講，每日對住個女，不停閱讀佢每一個表情，分折，抽絲剝繭，終於知道肚餓同瀨左屎，係表情上分別，其實我覺得係一樣，不過佢係阿媽睇到當然同我唔同啦！
我最近睇緊一本好好睇書「深夜小狗神秘習題」





講一個十五歲自閉天才男孩尋找一隻狗被殺的真相，自閉的世界好有趣，其實要拆解佢地好簡單，只要你夠耐性同尊重，你一定會了解佢其實想表達什麼，覆雜密碼，拆得開，內裡可能好美麗！

Can you read my mind ？