有限公司

像我的這一代，小時侯娛樂有限，要玩就要用腦！「剪貼」乃我童年時想玩的東西，但家景並不富裕的我，很小得到媽媽買那些公仔著衫的剪貼給我玩，但我從來沒有怪她，反正我的玩法也不會替她們 著衫！ hee~~
當時我最鐘意拿報紙同教科書crossover，發哥曾經是秦始皇，劉嘉玲，戚美珍，關芝琳等等曾經是健教書內連載多期的女護仕，我仲記曾華倩亦曾經擁有madonna的豐滿身材；後來我發現軟硬第二隻碟玩剪貼，二人的頭key落大隻佬個身，效果奇佳！但對我黎講，一d驚喜也沒有，反而早排見阿澤係電話廣告再玩，我就覺得驚訝，今時今日仲玩？！唔係咁無創意呀！
做編劇初期，仍然要手寫劇本，寫錯就用塗改液改，有時一改再改，d塗改液仲厚過好多女仔的粉底，然後我用童年時所練成的方法，剪剪貼貼，果然湊效！但無人肯幫我影印劇本，因為張張紙厚薄不一，一定要逐張影印，放晒落去影一定JAM..
現在剪貼對我黎講，只會在報紙上看到再加上設計對白，而其他cross over已經乜都croos一餐，真係over晒..
903個直播室有一個特色，就係只有人貼一張相，一張報紙上牆，就會有其他同事不停加野上去，好好玩，好有創意...










地球資源有限，善用的人更有限，要有限變無限，就要勤用腦！無話用腦就會變成霍金，但唔用一定變浮金！