我等緊你番黎

「我等緊你番黎！」
可以是伴侶之間的情話，也可是怨偶之間的煩話，如果伴侶死左，而你仲聽見，一定係鬼話！我唔想講大話，你不是我伴侶，但「我等緊你番黎」
共富貴的大多數是酒肉朋友，有難時不在你身邊的並不一定是不夠朋友，風大雨大，真係唔知可以幫到乜！但我一直係你身旁，我唔知咁做有咩用，但我一直無走開過！
朋友呢兩年陷入人生低潮，事業、感情兩失意，理所當然變得意志消沉，自暴自棄，大家開初是極同情，但朋友每況愈下，大家開始責備他，進而討厭他，覺得朋友已不可理喻！大家決定任朋友自生自減，但每日通訊內容總有關於朋友的，日復一日，月復一月，朋友依然無起色，大家無計可施，只好繼續在他旁等！
我未見過回魂，但我見到朋友番黎！不是大節日，無橫風橫雨，無紅白二事，無神蹟顯靈，無地震，無海嘯，無頂，無撞，無爆，無飲，無high的一個普通日子裡，朋友醒番喇，大家發現從前的那個朋友無緣無故番左黎喇！
「我突然想通晒，我唔可以再係咁.... 」
聽到呢兩句，我突然好急屎，我忍屎忍到標晒眼淚
「你番黎喇！隨便坐，我去廁所先..... 」，「等我番黎！ 」
不要放棄，會等到的...




十幾年前，我曾經係TVB做打燈，之後一直無機會再同佢合作
，今日同C3成班入TVB玩「15/16」；呢個新廠，我都係第一次去，竟然仍然有當年的同事認得我！
「番黎喇！等你番黎好耐喇！」
呢位朋友同我年紀相若，從前跟他好老友，我轉左岡位後，已經近十年沒有聯略；朋友一輪嘴，內容全是他對我工作上的讚與彈，有些是我也忘記了的PROJECT，他竟然記得清楚過我，呢位朋友一直都仲係我身邊，無言感激！
















雖然我只是嘉賓，但錄一集「15/16」要成四小時，其實幾吃力！疲！點疲得過兩位主持！

大家放心！森小很好！只是有點疲倦，大家無需再發起行動支持他，就靜靜的伴在一旁，唔好走開！
「我地等緊你地番黎！」
殊~~~~~~~~