如果真有前世今生下世，我相信下一世我一定做龜，這個推測由「過來龜」七哥話我知！
七哥同其他龜一樣，生出來就要不停向前走，攀過前面所有阻礙物，直至不能不攀越，就會停在那個死角位，面壁自閉，最近我發現七哥愛上掘個窿俾自己匿埋.....
禮成。然後如果我把海棉再推貼，七哥又會不屈不撓地，再掘出個天地，繼續面壁自閉。熟龜的人告訴我，原來龜一生不是想攀越前面阻礙物，牠只是想「搵個窿捐」，收埋自己，面壁自閉！我又問如果買多隻陪七哥，情況會開朗點嗎，答案是「無關係」，龜是喜歡離群獨處。
如果信前世因，今世果，相信七哥上一世性格一定開朗過吳君如，生活一定開心過徐子淇，朋友一定多過曾志偉，情人一定多過霍公子.....所以今世淪為做龜，悶到無朋友，孤孤獨獨，冷冷清清咁悶一生，仲要龜特別長壽，即係『有排受啦！』
講到呢度，大家應該明白我點解認為下世自己會做龜啦！
越睇七哥越覺得似自己，跟本我影相擺PO就係學佢，不過佢型D之麻！
23 comments:
龜既生長速度應該好慢ga....
但係點解覺得七哥比之前大佐好多？？？
我諗响現實生活有唔少人好似一隻龜咁想"「搵個窿捐」，收埋自己，面壁自閉"！但係有時環境唔許可...咁其實同駝鳥分別大嗎?
我以前屋企都有養龜, 啲龜每一日都係咁爬呀爬呀, 想走出個缸咁, 見到佢哋咁努力, 好似好有大志咁0既樣, 都有啲感動!
to wenny: 龜0既生長速度, 應該係一排排0架. 我以前啲巴西龜都係, 夏天生得好快, 冬天就唔長肉0既.
你兜左個大圈黎讚自己喎
你鍾意就得啦。瞓落去會有D涼涼地, 個shape剛剛好long住條頸。
估唔到你去到銅鑼灣都係去返嗰間, 睇黎你D男人都係懶得冧。見你地一班人費事同你打招呼, but it's good to see you.
滩叔，你果然够无聊，念埋Ｄ甘无聊野^^
阿七越大越正!大得咁快既?都算証明牠好食好住啦!
我見親戚沒有用缸養龜,主人一回來, 牠便出來捉腳趾歡迎,你也可以考慮下!但記住出門時鎖緊廁所及露台門口!
有酒就好今朝醉！
好好享受你嘅 " 花樣年華 " ！
請為(七哥)鼓掌,佢唔單止型重生命力好強,記得前陣子佢趺親, 現在咪又無事勁啊!其實做人同做龜都有點似, 好多人都係咁有事逼得就逼縮埋個頭,過左氣就申番個頭出黎!
灘叔你好,首次發言,不過其實已經看了很久你的blog了.
七哥.....真的越望越似灘叔呢.不止是神情,連樣子都.......
物似主人?主人似物?
大細路MATT﹐
其實﹐阿七仔係未想冬眠﹖
佢好似大隻左﹗
就算幾無朋友﹐七仔有你呢個朋友﹐米飯班主﹐都夠晒數﹗﹗﹗
又有DUCKDUCK﹐又有海棉。。。可能你要買個大D既缸咯。。。
你好呀灘叔!
細個阿媽唔比我養龜, 8年前終於可以一個人住, 於是去旺角買咗一隻巴西龜養, 點知個半月就息勞歸主. 再買兩隻, 兩個月收工, 再買兩隻, 個半月. 好傷心, 好對佢地唔住. 朋友話我太火, 又話我家無陽光, 換水太密...唉! 之後就無再養啦! :(
越黎越中意你隻龜喎!
唔知你會唔會同佢講秘密? 哈哈。
灘叔= =
我好中意你隻七哥......
好靚仔= =+
如果e一世可以做到咁下一世做龜都冇所謂
其實做龜都要睇下做邊個隻龜既啫
做你隻龜起碼都衣食無憂啦
敢如果有前世今生
敢隻龜龜來生起碼可以活得幸福快樂
係佢既幸運定係我地既悲哀呢......
灘叔，估唔到原來你認為自己「性格開朗過吳君如，生活開心過徐子淇，朋友多過曾志偉，情人多過霍公子」......
七哥生命力強囉，哇，上次跌親依家好返十成十喇播。睇落佢都幾青靚白淨！龜黎講佢係吳彥祖喇，呵呵。仲有，係呢，七哥唔駛冬眠架咩？
我最近都有收埋自己的衝動, 但朋友仔說我該知足, 一星期七日幾乎日日都有不同的人陪, 不可以玩自閉.....
人嘛, 總是犯賤的
海灘，每次看你寫blog主題我都好感覺，有一定影響力，好似一個人夜晚在電腦前工作，是果種平靜又期待的。
UNCLE BEACH , so cute by seven brother !
Every day see your blog , take me many many feel back (is ready ), so warm ! all the thing is so sweet and hurt my heart !
講說物似主人形, 那七哥的頭部似你嗎??
唔知點解
每個人都會鐘意掘個位比自己
尋找自己的空間
就算個位好細,都好鐘意塞入去
有時訓覺.明明訓床中間最舒服
但好多時d人都鐘意"痴"埋牆到訓
haha
面壁!!
唔知點解.睇住隻龜既行動
雖然只係少少的幾步
但係佢世界入面,就好似完成左一天既任務一樣
hello 周公子
我以前d龜冬天果陣都有搵窿捐,我地鋪石春,佢掘到自己鍾意既位就會冬眠番一頭半個月先出黎咖喇
Post a Comment