Man

一個好Man的晚上，男人無論點樣衰，集中精神工作時就係最MAN！四十幾歲人，奇連仕文真係算好型，雖然無一份大將的沉實，冷靜！但靚仔始終係大晒，何況係靚佬！衷心恭喜呢位靚佬帶領德國勇奪「季軍」，亦都衷心勸喻奇哥千祈唔好去教美國，正所謂巧婦難為無米炊，無晒天時、地利同人和，棧出醜啦！

香港先生黃長發贏得合理與否，我一點興趣都無，其實見到黃生攣攣地個樣，有幾秒真係試過頂唔順，但你始終係舊年輸左俾冠軍高鈞賢果個黃長興個細路，你雖然唔認有為兄報仇之快感，但入呢個位，我會覺得Man D！

雖然你踢得十五分鐘，又無紀念性的入球，但無你又點會有高美斯的入球呢！我最懷念是你在巴塞時的表演，一舉手，一投足都令人難以忘懷，但偏偏係最後一次見你踢世界賽的賽後訪問被我發現，原來你都係雞仔聲！一個滿面鬚根的男人雞仔聲，唔止唔Man，仲有點Camp！唔怪得你一直咁cool！原來唔開得聲！

















可以係決賽入兩球帶領球隊贏波！小豬絕對係國家英雄，其實都幾Man，不過下次操FIT先除衫，肌肉得果細細舊！同埋你個樣都係baby face左d，難Man！




列文同簡尼唔似好friend！但真係好Man，亦都要多得奇哥識做！呢場無壓力賽事用簡尼，仲做番隊長，一切盡在不言中，Man！列文同簡尼握手果下，真係識英雄重英雄，真Man！


全個世界杯最多人憎就係C7，我再強調，朗尼出場主因都係因為朗尼蠢，如果你答我「都唔止呢樣，C7樣樣野都黑我憎！」咁你真係唔夠Man！竟然為一個乳臭未乾，年少氣盛的死o靚仔動氣，你咪同c7一般見識羅！包容到呢條死口靚仔，先至係一個Man行為！所以朗尼話再見到c7，會把他撕開係絕對係設合主角性格，因為朗尼都絕對係死o靚仔，同c7一樣咁唔Man！

聽晚決賽我可以見到球圈最冷靜同MAN的人，我唔係講斯丹、托迪、派路.....我係講意大利教練立比！大師！聽晚睇你捧杯！