自小抗拒「大熱」的事、人、物！皆因大熱即係人人都愛啦！咁隨波逐流人愛我又愛，唔夠原創性！唔型！因此，年輕時侯為左型，專捧冷門！大家熱捧譚詠麟，張國榮，我冷捧盧冠庭，蔡楓華！個個愛梅姐，我愛林憶蓮（當時仲未紅）林紅了我鐘意曾經幫過林演唱會做和音的彭羚，Cass嫁左之後，我鐘意「垃圾」之前的盧巧音，（yeah~~！ black & blue）跟住我鐘意「絕」的高雪嵐.....而家我鐘意「my little airport」同董敏莉！
可能真係老了，近年心態有所改變，認為「大熱」即是夠MASS，討一個人歡心都咁難，可以討「一群人」歡心，一定有其成功的本領，「不要跟成功作對！」
她是近期大熱，這是事實，無得唔認同，咩原因會咁大熱？暑假到了，學生們辛苦了一整個學期，係時侯放鬆一下，無牽無掛開懷笑餐飽，都唔明有咩咁好笑？咪就係因為你想得太多，所以唔識笑羅！
btw，我真係好想搵年放番個暑假，無牽無掛玩番一個月，真係想起都.....好驚！唔駛做咩？！你地暑假玩得開心D啦~~！
11 comments:
好唔好笑我唔知,我自己冇去睇C妹,但係睇過o既朋友都嬲到想拆左間戲院,唔知係咪真係關諗得太多事.呢件事我覺得都幾好笑,你咁講都幾好笑.
灘叔,你好有taste呀!
灘叔
老實講，對今次"C3"的確有少少失望...
我覺得笑位就好夠，但係故事內容就一般，
可能係因為千嬅之前兩集已經令我先入為主，
難免會將方麗娟同范樹娃作比較。
另外，當然唔少得要讚下灘叔你啦，
我入場都係為左睇你同森美架咋，
森美維持佢一貫搞笑作風，
反而你就係一個驚喜，
因為以往你演過O既戲都係比較cool，
但係今次戲份多左，又有搞笑元素，
都真係值回票價。
BTW，都要多謝"C3"
因為令我再次有機會同我心儀對象去睇戲，
努力呀~灘叔！！ 寫多D好劇本，拍多D好電影
等我有多D機會欣賞到你o既演出。
海灘，
我鍾意尹光同未肥之前朱咪咪！
my little airport解散左:(
我見到直播室影果張後面有幾本jojo~~~~
灘叔你有無睇ar?
咁灘叔努力D揾筆大$$, 咪可以表 ~~ 嘆囉, 哈哈!!
鈴木仁真的得可愛唷>3<'
我會去看c妹的
三姑皮膚超靚, 這角度看似不遜於薜凱琪。
是否因為鈴木仁 ? :P
支持你同森美，睇左啦!煩請轉告森美，因為支持佢，所以同男朋友睇埋"4條腿拯救隊"啦!! 好好笑^v^!!
嗰晚你哋好搞笑~~
Post a Comment